سماجی انصاف اور تفویض اختیارات کی مرکزی وزیر مملکت محترمہ  پرتیما بھومک نےسماجی انصاف اورتفویض اختیارات کی وزارت،حکومت ہند  کی راشٹریہ  وایوشری یوجنا کے تحت آج  اے ڈی آئی پی اسکیم کے تحت  دویانگجن اور بزرگ شہریوں کو ایڈز اور معاون آلات  کی تقسیم کےلئے  بھرت پور ضلع میں سماجک ادھیکاریتا  شیویر کا افتتاح کیا۔اس کیمپ کا انعقاد  معذور افراد کو بااختیار بنانے کے محکمے  (ڈی ای پی ڈبلیو ڈی) نے آرٹیفیشیل لمبس (مصنوعی اعضاء) مینوفیکچرنگ کارپوریشن آف انڈیا (اے ایل آئی ایم سی او ) کے اشتراک سے کیا تھا، جو سماجی انصاف اور بااختیار بنانے کی وزارت، حکومت ہند کے تحت  ایک پی ایس یو منیرتنا دوم ہے جوضلعی انتظامیہ، بھرت پور (راجستھان) آڈیٹوریم، کرشنا نگر، بھرت پور ضلع، راجستھان میں واقع ہے۔

 

 

 

اے ایل آئی ایم سی او  کی طرف سے ضلع بھرت پور میں 10 نومبر سے 16 نومبر 2021 تک مختلف مقامات پر  منعقد  امدادی کیمپ میں کُل 1741 استفادہ کنندگان ،جن میں 1155 دیویانگجن اور 586 بزرگ شہریوں کی نشاندہی کی گئی ہے ،جن میں اے ڈی آئی پی  اسکیم اور حکومت ہند کی راشٹریہ وایوشری یوجنا (آر وی وائی ) کے تحت  304 لاکھ روپے کی مختلف قسم کی ایڈز  اور امدادی آلات فراہم کیے جاچکے  ہیں۔

 

 

 

تقریب میں مہمان خصوصی محترمہ پرتما بھومک نے  جلسے سے خطاب کرتے ہوئے کہا کہ  آج  یہ تقریب ہمیں سماج کے پسماندہ طبقے، دیویانگجن اور ملک کی بزرگ آبادی کو بااختیار بنانے کے وزیر اعظم کے وژن کی طرف ایک قدم آگے لے جارہی ہے۔ ہماری وزارت دیویانگجن اور بزرگ شہریوں کی بہبود کے لیے مسلسل کام کر رہی ہے اور انہیں سوسائٹی کے مرکزی دھارے سے جوڑنے کے لیے پرعزم ہے۔ مرکزی وزیر مملکت نے کہا کہ اگر ریاستی حکومت اور بھرت پور کے ضلعی حکام بھرت پور ضلع میں ڈی ڈی آر سی کھولنے کی تجویز پیش کرتے ہیں تو ان کی وزارت دیویانگجن اور اس علاقےکے بزرگ شہریوں کے مفاد میں جلد از جلد اس سہولت کو کھولنے کے لیے مکمل تعاون فراہم کرے گی۔

 

 

 

 

 

 

بھرت پور کی ممبر پارلیمنٹ (لوک سبھا) محترمہ  رنجیتا کولی نے بھی اس تقریب سے خطاب کیا اور مرکزی وزیر مملکت اور حکومت ہند کا اپنے حلقہ انتخاب میں تقسیم کیمپ منعقد کرنے پر شکریہ ادا کیا جو یقینی طور پر دیوگجن اور بزرگ شہریوں  کو بااختیار بنانے میں مدد کرے گا۔

بلاک لیول پر تشخیصی کیمپ کے دوران رجسٹرڈ فالو اپ ڈسٹری بیوشن کیمپ میں مختلف قسم کے معاون آلات جو کہ شناخت شدہ دیویانگجن اور بزرگ شہریوں کو تقسیم کیے جائیں گے ۔

 

 

 

 

 

110 موٹرائزڈ ٹرائی سائیکلوں کے علاوہ دیگر مختلف قسم کے معاون آلات جو کہ بلاک سطح پر تشخیصی کیمپوں کے دوران رجسٹرڈ دیویانگجن اور بزرگ شہری استفادہ کنندگان میں تقسیم کیے جائیں گے جن میں روایتی ٹرائی سائیکل، وہیل چیئر، بیساکھی، واکنگ اسٹکس، رولیٹرز، اسمارٹ فون، اسمارٹ کین، بریل  کٹ، بریل کین، سی پی چیئر، ایم ایس آئی ای ڈی کٹ، اے ڈی ایل کٹ (جذام کے لیے)، سماعت کے آلات ، مصنوعی اعضاء، کموڈ کے ساتھ وہیل چیئر، کموڈ کے ساتھ بیت الخلا، نی بریس ، اسپائنل سپورٹ، فٹ کیئر یونٹ، ایل ایس بیلٹس، سلیکون کشن، ٹیٹراپوڈ، واکر، چشمے اور دانت شامل ہیں۔

اس تقریب کے دوران ضلع انتظامیہ کے سینئر افسران جناب  سنور مل ورما، ڈویژنل کمشنر جناب  آلوک رنجن، ضلع کلکٹر، بھرت پور اور اے ایل آئی ایم سی او بھی موجود تھے۔

 

*********

 

ش ح ۔ا م۔

U:5819

(ریلیز آئی ڈی: 1828888) وزیٹر کاؤنٹر : 172