ବିଦ୍ୟାଳୟ ଶିକ୍ଷା ଏବଂ ସାକ୍ଷରତା ବିଭାଗ, ଶିକ୍ଷା ମନ୍ତ୍ରଣାଳୟ ଆଜି ଜାତୀୟ ସଫଳତା ସର୍ଭେ (ଏନଏଏସ) 2021 ରିପୋର୍ଟ ପ୍ରକାଶ କରିଛି ଯାହାକି ତୃତୀୟ, ପଞ୍ଚମ, ଅଷ୍ଟମ ଶ୍ରେଣୀରେ ପିଲାମାନଙ୍କର ଶିକ୍ଷଣ ଦକ୍ଷତାର ବିସ୍ତୃତ ମୂଲ୍ୟାଙ୍କନ ସର୍ଭେ କରି ଦେଶରେ ବିଦ୍ୟାଳୟ ଶିକ୍ଷା ବ୍ୟବସ୍ଥାର ଆକଳନ କରିଛି। ଏହାକୁ ତିନି ବର୍ଷର ଅବଧି ସହିତ କରାଯାଇଥିଲା। ଏହା ବିଦ୍ୟାଳୟ ଶିକ୍ଷା ବ୍ୟବସ୍ଥାର ସାମଗ୍ରିକ ମୂଲ୍ୟାଙ୍କନକୁ ପ୍ରତିଫଳିତ କରିଥାଏ। ଶେଷ ଏନଏଏସ୍ 2017 ରେ ଅନୁଷ୍ଠିତ ହୋଇଥିଲା। 

ଏନଏଏସ୍ 2021 କୁ 12.11.2021 ରେ ସର୍ବ ଭାରତୀୟ ସ୍ତରରେ କରାଯାଇଥିଲା ଏବଂ ଏଥିରେ (କ) ସରକାରୀ ବିଦ୍ୟାଳୟ (କେନ୍ଦ୍ର ସରକାର ଏବଂ ରାଜ୍ୟ ସରକାର) (ଖ) ସରକାରୀ ସହାୟତାପ୍ରାପ୍ତ ବିଦ୍ୟାଳୟ; ଏବଂ (ଗ) ଘରୋଇ ଅଣସହାୟତାପ୍ରାପ୍ତ ବିଦ୍ୟାଳୟଗୁଡ଼ିକୁ ଅନ୍ତର୍ଭୁକ୍ତ କରାଯାଇଥିଲା। ଏଥିରେ ଅନ୍ତର୍ଭୁକ୍ତ କରାଯାଇଥିବା ବିଷୟଗୁଡ଼ିକ ହେଉଛି ଶ୍ରେଣୀ 3 ଏବଂ 5 ପାଇଁ ଭାଷା, ଗଣିତ ଏବଂ ଇଭିଏସ୍; ଶ୍ରେଣୀ 8 ପାଇଁ ଭାଷା, ଗଣିତ, ବିଜ୍ଞାନ ଏବଂ ସାମାଜିକ ବିଜ୍ଞାନ ଏବଂ 10ମ ଶ୍ରେଣୀ ପାଇଁ ଭାଷା, ଗଣିତ, ବିଜ୍ଞାନ, ସାମାଜିକ ବିଜ୍ଞାନ ଏବଂ ଇଂରାଜୀ। 

ଉଭୟ ଗ୍ରାମାଞ୍ଚଳ ତଥା ସହରାଞ୍ଚଳର 720 ଜିଲ୍ଲାର 1.18 ଲକ୍ଷ ବିଦ୍ୟାଳୟର ପ୍ରାୟ 34 ଲକ୍ଷ ଛାତ୍ର ଏନଏଏସ 2021 ରେ ଅଂଶଗ୍ରହଣ କରିଛନ୍ତି। ଜାତୀୟ ରିପୋର୍ଟ କାର୍ଡ ପ୍ରକାଶ ପାଇଛି ଏବଂ ଏହାକୁ nas.gov.in ରେ ସର୍ବସାଧାରଣ ଡୋମେନରେ ସ୍ଥାନିତ କରାଯାଇଛି। ଏହା ଉପଯୁକ୍ତ ସ୍ତରରେ ଫଳାଫଳ ଏବଂ ପ୍ରତିକାର କାର୍ଯ୍ୟର ବିଶ୍ଳେଷଣକୁ ସକ୍ଷମ କରିବ।

ଏନଏଏସ 2021 ର ଉଦ୍ଦେଶ୍ୟ ହେଉଛି ପିଲାମାନଙ୍କର ଅଗ୍ରଗତି ଏବଂ ଶିକ୍ଷଣ ଦକ୍ଷତାକୁ ଶିକ୍ଷା ବ୍ୟବସ୍ଥାର ଦକ୍ଷତାର ସୂଚକ ଭାବରେ ମୂଲ୍ୟାଙ୍କନ କରିବା, ଯାହା ଦ୍ବାରା ବିଭିନ୍ନ ସ୍ତରରେ ପ୍ରତିକାର ପାଇଁ ଉପଯୁକ୍ତ ପଦକ୍ଷେପ ଗ୍ରହଣ କରାଯିବ। ଏହା ଶିକ୍ଷଣରେ ଥିବା ବ୍ୟବଧାନଗୁଡିକୁ ଦୂର କରିବାରେ ସାହାଯ୍ୟ କରିବ ଏବଂ ଏନଏଏସ୍ 2021 ତଥ୍ୟ ଉପରେ ଆଧାର କରି ଶିକ୍ଷଣ ସ୍ତରର ଉନ୍ନତି ଏବଂ ଦୀର୍ଘକାଳୀନ, ମଧ୍ୟମ ଏବଂ ସ୍ୱଳ୍ପ ମିଆଦି ହସ୍ତକ୍ଷେପ ମାଧ୍ୟମରେ ରାଜ୍ୟ / କେନ୍ଦ୍ର ଶାସିତ ଅଞ୍ଚଳର ସରକାରଙ୍କୁ ସହାୟତା କରିବ ।

ପ୍ରଶ୍ନପତ୍ର ସହିତ କୃତିତ୍ୱ ପରୀକ୍ଷା, ଯଥା, ଛାତ୍ର ପ୍ରଶ୍ନପତ୍ର, ଶିକ୍ଷକ ପ୍ରଶ୍ନପତ୍ର ଏବଂ ବିଦ୍ୟାଳୟ ପ୍ରଶ୍ନପତ୍ର ଏନସିଇଆରଟି ଦ୍ବାରା 22 ଟି ବିଭିନ୍ନ ଭାଷାରେ ବିକଶିତ ଏବଂ ଅନୁବାଦ କରାଯାଇଥିଲା। ଦେଶବ୍ୟାପୀ ଏହି ସର୍ବେକ୍ଷଣ ସିବିଏସ୍ଇ ଦ୍ୱାରା ଏକ ସମୟରେ ଗୋଟିଏ ଦିନରେ ପରିଚାଳିତ ହୋଇଥିଲା। ନ୍ୟାସନାଲ ଇନଫରମେଟିକ୍ସ ସେଣ୍ଟର (ଏନଆଇସି) ଦ୍ୱାରା ପରିକଳ୍ପିତ ଏବଂ ବିକଶିତ ଟେକ୍ନୋଲୋଜି ପ୍ଲାଟଫର୍ମ ମାଧ୍ୟମରେ ଏହି ସର୍ଭେ ପରିଚାଳନା କରାଯାଇଥିଲା। 

ଶ୍ରେଣୀ 3, 5, 8 ଏବଂ 10 ର ଶେଷରେ ଶିକ୍ଷଣ ଫଳାଫଳର ଛାତ୍ର କୃତିତ୍ୱ ହାସଲ କରିବାକୁ, ମଲଟିପଲ୍ ଚଏସ୍ ପ୍ରଶ୍ନ (ଏମସିକ୍ୟୁ) କୁ ନେଇ ଏକ ଓଏମଆର ଆଧାରିତ ପରୀକ୍ଷା କରାଯାଇଥିଲା। ଏହା ବିଦ୍ୟାଳୟର ଶିକ୍ଷାର ବିଭିନ୍ନ ସ୍ତରରେ ଛାତ୍ରମାନଙ୍କ ଦ୍ୱାରା ହାସଲ କରାଯାଇଥିବା ଦକ୍ଷତା ଏବଂ ବ୍ୟବସ୍ଥାକୁ ସୁଚିନ୍ତିତ ଭାବରେ ବିକଶିତ ଏବଂ କ୍ଷେତ୍ର ପରୀକ୍ଷିତ ଆଇଟମ୍ ମାଧ୍ୟମରେ ମୂଲ୍ୟାଙ୍କନ କରିଥାଏ। 

ଲିଙ୍ଗ (ମହିଳା, ପୁରୁଷ), କ୍ଷେତ୍ର (ଗ୍ରାମୀଣ ଏବଂ ସହରାଞ୍ଚଳ), ବିଦ୍ୟାଳୟ ପରିଚାଳନା (ସରକାରୀ, ସରକାରୀ ସହାୟତାପ୍ରାପ୍ତ ଏବଂ ବେସରକାରୀ ଅଣସହାୟତାପ୍ରାପ୍ତ) ଏବଂ ସାମାଜିକ ଗୋଷ୍ଠୀ (ଅନୁସୂଚିତ ଜାତି (ଏସସି), ଅନୁସୂଚୀତ ଜନଜାତି (ଏସଟି), ଅନ୍ୟାନ୍ୟ ପଛୁଆ ବର୍ଗ (ଓବିସି) ଓ ସାଧାରଣ ବର୍ଗ ଦ୍ୱାରା ଭିନ୍ନ ଭିନ୍ନ ମାଧ୍ୟମରେ ଏହି ରିପୋର୍ଟ ଉପରେ ଆଧାରିତ । 

BS