থবক শুবা, মীয়ামগী ৱাকৎ অমসুং পেন্সন মন্ত্রালয়
azadi ka amrit mahotsav

এন.আর.এ.না চহি অসি লোইশিনদ্রিঙৈদা নন-গেজেত্তেদ পোস্তশিং খন্নবগীদমক কম্প্যুতর-বেজ ওনলাইন কম্মন ইলিজিবিলিতী তেস্ত (সি.ই.তি.) পাংথোক্নবা শেম-শারি: দা. জিতেন্দ্র সিংহ


কেন্দ্র মন্ত্রী দা. জিতেন্দ্র সিংহনা হায়খি, প্রধান মন্ত্রী মোদীনা “হ্বোল ওফ গভর্মেন্ত কন্সেপ্ত” হৌদোকখি

মন্ত্রীনা দি.ও.পি.তি.গী ওতোনোমস বোদীস তরুক পুম্নমক্কী অপুনবা মীফমদা সভাপতি ওইখি; পব্লিক ফন্দশিং নিংথিনা শিজিন্ননবা অমদি প্রজাগা কোইনদবা মওংদা সাসন তৌববু য়োকখৎনবা হায়খি

দা. জিতেন্দ্র সিংহনা মেন্দেৎ অমদি পান্দমশিং অমসুং ওবজেক্তিবশিং ওভরলেপ্পিং তৌবনা মরম ওইরগা গ্রিহ কলয়ান কেন্দ্রশিং(জি.কে.কে.) অমদি সেন্ত্রেল সিবিল সর্ভিসেস কলচরেল এন্দ স্পোর্তস বোর্দ (সি.সি.এস.সি.এস.বি.) পুনশিনবগী ওইথোকপা অদু এক্সপ্লোর তৌনবা সেনিয়র ওফিসিয়েলশিংদা হংখ্রে

Posted On: 22 MAY 2022 5:14PM by PIB Imphal

সাইন্স অমসুং তেক্নোলোজী মন্ত্রালয়গী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সেস মন্ত্রালয়গী রাজ্য মন্ত্রী (ইন্দিপেন্দেন্ত চার্জ); পর্সোনেল, পব্লিক গ্রিভান্সেস অমদি পেন্সন্স, এতোমিক ইনর্জী অমদি স্পেস মন্ত্রালয় অমসুং প্রধান মন্ত্রী ওফিসকী  এম.ও.এস., দা. জিতেন্দ্র সিংহনা ঙসি হায়খি মদুদি চহি অসিদগী হৌদুনা নন-গেজেত্তেদ পোস্তশিং খনবদা কম্মন ইলিজিবিলিতী তেস্ত (সি.ই.তি.) লৈরগনি, অমদি অসিগুম্বা অহানবা চাংয়েং অসি চহি অসি লোইশিনদ্রিঙৈগী মমাংদা পাংথোক্নবা মতম লেপ্লি৷

মফম অসিদা নোর্থ ব্লোক্তা দিপার্তমেন্ত ওফ পর্সোনেল অমদি ত্রেনিং (দি.ও.পি.তি.)গী মখাদা পাংথোক্লিবা ওতোনোমস বোদীস তরুক পুম্নমক্কী অপুনবা মীফমদা সভাপতি ওইদুনা, মন্ত্রীনা অসুম্না হায়খি,  নেসনেল রিক্রুইতমেন্ত এজেন্সী (এন.আর.এ.)না দি.ও.পি.তি.গী মখাদা চহি অসি লোইশিনদ্রিঙৈ মাংওইননা নন-গেজেত্তেদ পোস্তশিং খন্নবগীদমক কম্প্যুতর-বেজ ওনলাইন কম্মন ইলিজিবিলিতী তেস্ত (সি.ই.তি.) পাংথোক্নবা শেম-শারি৷ মসিনা লৈবাক অসিগী জিলা খুদিংমক্তা এগজাম সেন্তর য়ামদ্রবদা অমমম থমদুনা থবক থিরিবা মীওইশিংদা রিক্রুইতমেন্ত লাইনা তৌহন্দুনা গেম-চেঞ্জর অমা ওইরগনি৷

দা. জিতেন্দ্র সিংহনা হায়খি, কম্মন এন্ত্রান্স তেস্ত অসি নহা ওইনা থবক থিরিবশিংদা “রিক্রুইতমেন্ত লাইথোকহন্নবা” দি.ও.পি.তি.না পাংথোকখিবা পাথ-ব্রেক্কিং ওইরবা রিফোর্ম অমনি অমদি মসিনা নহাশিং মরু ওইনা অথাপ্পা অমদি মনুং হঞ্জিনবা মফমশিংদা লৈরিবশিংগী ওইনা অচৌবা কান্নবা অমা ওইরগনি হায়না উৎলগনি৷ ইতিহাসিক ওইরবা রিফোর্ম অসিনা কেন্দিদেৎ খুদিংমক্তা মহাক্কী হৌরকফম নত্রগা সোসিও-ইকোনোমিক স্তেতস য়েংদনা লেবেল প্লেইং ফিল্দ অমা পীরগনি হায়না মহাক্না ফোংদোকখি৷  নুপীশিং অমদি দিব্যাঙ্গ কেন্দিদেৎশিং অমসুং তোঙান তোঙানবা সেন্তরশিংদা চৎতুনা মখল মখলগী চাংয়েংশিংদা শরুক য়ানবা হোৎনবদা শেল পুথোকপা ঙমদবা মীওইশিংগী ওইনদি মসিনা চাওনা কান্নবা পীরগনি৷

অহানবদা চাংয়েং অসি হিন্দি অমদি ইংলিস য়াওনা লোন ১২দা পাংথোক্কনি অমদি মতুং তারকপদা সংবিধানগী সেদ্যুল ৮দা য়াওরিবা লোন পুম্নমক হাপচিনগনি হায়না মন্ত্রীনা মখাতাখি৷

দা. জিতেন্দ্র সিংহনা হায়খি, প্রধান মন্ত্রী মোদীনা “হ্বোল ওফ গভর্মেন্ত" কন্সেপ্ত হৌদোকখি, মসিনা সিলোস লৌথোকপদা নত্তনা মসিনা সরকারগী তোঙান তোঙানবা মন্ত্রালয়শিং, দিপার্তমেন্তশিং অমদি এজেন্সীশিংগা লোইননা ইসু অমবু অমনা অমদা নমশিন্দুনা থম্লমদনা পুন্না খুৎশম্নদুনা থেংনমিন্নদুনা সাসন তৌবদা ইন্তিগ্রেতেদ হোলিস্তিক এপ্রোচ অমবুসু লাইথোকহনখি৷ মহাক্না হায়খি, হৌজিক হৌজিক্কী ওইরিবা অৱাৎপশিং অমদি ২১শুবা চহি-চাদা ভারতকী লৈরিবা অৱাৎপশিং অসি মেনশিনবা ঙম্নবা সাসনগী মপুং ওইবা কন্তেক্স অমদি কন্সেপ্ত অদু অমুক হন্না ওরিয়েন্তেসন চৎথরি৷

দা. জিতেন্দ্র সিংহনা হায়খি, কেন্দ্রগী মন্ত্রালয়শিং/দিপার্তমেন্তশিংগী মখাদা মথৌ তৌরিবা ওতোনোমস বোদীশিংগী রিভ্যু এক্সর্সাইস অসি “মিনিমম গভর্মেন্ত, মেক্সিমম গভর্নেন্স”কী পান্দম মখা চৎথবদদি অদুক্কী মতিক মরু ওই অমদি প্রজাগা কোইনদবা মওংদা সাসন তৌননবা হোৎনরিবা অসিগী মথক্তা মীয়ামগী ফন্দশিং নিংথিনা শিজিন্নবদা অমদি গভর্মেন্ত এক্সচেক্যোরদা লৈরিবা শেল-থুমগী ওইবা পোৎলুম হন্থহনবদা চাওনা মরু ওইরি৷

ওতোনোমস বোদী ৬মক্কী হেদশিংনা মেন্দেৎ, ৱার্ক, বজেৎ অমদি ইন্সতিত্যুতশিংগী পান্দমশিং অমসুং ওবজেক্তিবশিংগী মরমদা কুপথনা প্রজেন্তেসন অমা পীখি৷ মসিগী মনুং চনখিবশিং অদুদি নেসনেল রিক্রুইমেন্ত এজেন্সী (এন.আর.এ.), ইন্দিয়ন ইন্সতিত্যুত ওফ পব্লিক এদমিনিস্ত্রেসন (আই.আই.পি.এ.), সিবিল সর্ভিসেস ওফিসর্স ইন্সতিত্যুত (সি.এস.ও.আই.), গ্রিহ কলয়ান কেন্দ্রস (জি.কে.কে.), সেন্ত্রেল সিবিল সর্ভিসেস কলচরেল এন্দ স্পোর্তস বোর্দ (সি.সি.এস.সি.এস.বি.) অমদি কেন্দ্রিয়া ভন্দ্র (মল্তি স্তেত কোওপরেতিব সোসাইতীস এক্তকী মখাদা রেজিস্তর তৌখিবা)৷

দিপার্তমেন্ত ওফ এক্সপেন্দিচরগী মেন্দেৎকা মরী লৈননা, দা. জিতেন্দ্র সিংহনা মেন্দেৎ অমদি পান্দমশিং অমসুং ওবজেক্তিবশিং ওভরলেপ্পিং তৌবনা মরম ওইরগা গ্রিহ কলয়ান কেন্দ্রস (জি.কে.কে.) অমদি সেন্ত্রেল সিবিল সর্ভিসে কলচরেল এন্দ স্পোর্তস বোর্দ (সি.সি.এস.সি.এস.বি.) পুনশিনবগী ওইথোকপা অদু এক্সপ্লোর তৌনবা সেনিয়র ওফিসিয়েলশিংদা খঙহনখি৷ ওফিসিয়েলশিংনা থা অমগী মনুংদা ফিজিবিলিতী রিপোর্ত অমগা লোইননা থোক্লক্নবা মহাক্না হায়খি৷

কোস্ত-কত্তিং অমদি পোৎ য়োনবগী চাং হেনগৎননবগীদমক গ্রিহ কলয়ান কেন্দ্রশিং অমদি আই.আই.পি.এ.গী সেন্তরশিংদা অহেনবা আউতলেতশিং হাংদোক্নবা মন্ত্রীনা কেন্দ্রিয়া ভন্দ্রবুসু লমজিংখি৷কেন্দ্রিয়া ভন্দরনা মহাক্কী ওর্গানিক ওইবা হৱাই-চেংৱাইশিংগী অখন্নবা পোত্থোক য়োকখৎনবা অমদি হায়রিবা অসিমক্কী ব্রান্দ অমা মপুং-ফানা শেমগৎনবা মহাক্না কেন্দ্রিয়া ভন্দরদা হায়খি৷ ২০১৭-১৮দা লুপা কোতি ৭৫০গী পোৎ য়োল্লম্বদগী ২০২১-২২দা লুপা কোতি ৪,০০০গী পোৎ য়োল্লক্তুনা চাদা ৫০০গী চাংদা পোৎ য়োনবা হেনগৎলক্লিবা অসিগীদমক মহাক্না কে.বি.বুসু থাগৎপা ফোংদোকখি৷

******



(Release ID: 1827766) Visitor Counter : 43