ಕೇಂದ್ರ ಶಿಕ್ಷಣ, ಕೌಶಲ್ಯ ಅಭಿವೃದ್ಧಿ ಮತ್ತು ಉದ್ಯಮಶೀಲತೆ ಸಚಿವ ಶ್ರೀ ಧರ್ಮೇಂದ್ರ ಪ್ರಧಾನ್ ಅವರು ಇಂದು ಮೇಘಾಲಯದ ಈಶಾನ್ಯ ಹಿಲ್ ವಿಶ್ವವಿದ್ಯಾಲಯದ (ಎನ್ಇಎಚ್ಯು) XXVII (27ನೇ) ಘಟಿಕೋತ್ಸವದಲ್ಲಿ ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದರು ಮತ್ತು ಶಿಲ್ಲಾಂಗ್ ಕ್ಯಾಂಪಸ್ ನಲ್ಲಿ ನಡೆದ ಸಮಾರಂಭದಲ್ಲಿ 2020 ಮತ್ತು 2021 ನೇ ಸಾಲಿನ ಉತ್ತೀರ್ಣರಾದ ವಿದ್ಯಾರ್ಥಿಗಳಿಗೆ ಪದವಿ ಪ್ರದಾನ ಮಾಡಿದರು.

ಶ್ರೀ ಧರ್ಮೇಂದ್ರ ಪ್ರಧಾನ್ ಅವರು ಉತ್ತೀರ್ಣರಾದ ಎಲ್ಲಾ ವಿದ್ಯಾರ್ಥಿಗಳನ್ನು ಅಭಿನಂದಿಸಿದರು ಮತ್ತು ಅವರ ಉಜ್ವಲ ಭವಿಷ್ಯಕ್ಕಾಗಿ ಶುಭ ಹಾರೈಸಿದರು. ಉದ್ಯೋಗ ಒದಗಿಸುವವರಾಗಲು ಜ್ಞಾನಾಧಾರಿತ ಕ್ರಾಂತಿಯಲ್ಲಿ ಭಾಗವಹಿಸುವ ಮೂಲಕ ಸಮಾಜದಲ್ಲಿ ಬದಲಾವಣೆ ತರಬೇಕು ಎಂದು ಅವರು ಒತ್ತಾಯಿಸಿದರು. ನಮ್ಮ ವಿಶ್ವವಿದ್ಯಾಲಯಗಳಲ್ಲಿ ವಿಚಾರಗಳು, ಆವಿಷ್ಕಾರ ಮತ್ತು ಆಕಾಂಕ್ಷೆಗಳು ಕರಗುತ್ತಿವೆ ಮತ್ತು ವಿಶ್ವವಿದ್ಯಾಲಯಗಳು ಸಮಾಜ ಮತ್ತು ಮನುಕುಲದ ಕಲ್ಯಾಣಕ್ಕಾಗಿ ಸಂಶೋಧನೆ ಮತ್ತು ಸುಗಮ ಜೀವನವನ್ನು ಮುಂದುವರಿಸಲು ಸಂಶೋಧನೆಗೆ ಮೂಲ ತಾಣವಾಗಬೇಕು ಎಂದು ಅವರು ಹೇಳಿದರು.
ಜಾಗತಿಕ ನಾಗರಿಕರನ್ನು ಸೃಷ್ಟಿಸುವಲ್ಲಿ ಎನ್ಇಪಿ 2020 ನಮ್ಮೆಲ್ಲರಿಗೂ ಪರಿವರ್ತನಾತ್ಮಕ ಮಾರ್ಗವಾಗಿದೆ ಎಂದು ಸಚಿವರು ಒತ್ತಿ ಹೇಳಿದರು. ರಾಷ್ಟ್ರೀಯ ಶಿಕ್ಷಣ ನೀತಿಯು ಬಾಲ್ಯದ ಆರೈಕೆ ಮತ್ತು ಶಿಕ್ಷಣದ ಸಾರ್ವತ್ರೀಕರಣಕ್ಕೆ ಒತ್ತು ನೀಡುತ್ತದೆ ಮತ್ತು ಎಲ್ಲಾ ಭಾರತೀಯ ಭಾಷೆಗಳಲ್ಲಿ ಕಲಿಕೆಗೆ ಒತ್ತು ನೀಡುತ್ತದೆ. ಎಲ್ಲಾ ಭಾರತೀಯ ಭಾಷೆಗಳ ಮಹತ್ವವನ್ನು ಪುನರುಚ್ಚರಿಸಿದ್ದಕ್ಕಾಗಿ ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರಿಗೆ ಅವರು ಧನ್ಯವಾದ ಅರ್ಪಿಸಿದರು. ಯಾವುದೇ ಭಾಷೆ ಇನ್ನೊಂದಕ್ಕಿಂತ ಕಡಿಮೆಯಿಲ್ಲ ಎಂದು ಅವರು ಹೇಳಿದರು.
ಎನ್ಇಪಿ 2020 ಕ್ಕೆ ಅನುಗುಣವಾಗಿ ಮೇಘಾಲಯ ರಾಜ್ಯದಲ್ಲಿ ಬಾಲ್ಯದ ಆರೈಕೆ ಮತ್ತು ಶಿಕ್ಷಣದ ಬಗ್ಗೆ ವಿಶೇಷ ಗಮನ ಹರಿಸಿದ್ದಕ್ಕಾಗಿ ಮುಖ್ಯಮಂತ್ರಿ ಶ್ರೀ ಕಾನ್ರಾಡ್ ಸಂಗ್ಮಾ ಅವರನ್ನು ಶ್ರೀ ಪ್ರಧಾನ್ ಶ್ಲಾಘಿಸಿದರು. ಇದು ನಮ್ಮ ಮಕ್ಕಳು ತಮ್ಮ ಸಂಪೂರ್ಣ ಸಾಮರ್ಥ್ಯಕ್ಕೆ ತಕ್ಕಂತೆ ಬದುಕುವುದನ್ನು ಖಚಿತಪಡಿಸುತ್ತದೆ.
ನಾವು ಅಮೃತ ಮಹೋತ್ಸವವನ್ನು ಆಚರಿಸುತ್ತಿರುವಾಗ, ನಮ್ಮ ಯುವಕರು ಸಹ ತಮ್ಮ ಗಮನವನ್ನು ಹಕ್ಕುಗಳಿಂದ ಜವಾಬ್ದಾರಿಗಳತ್ತ ತಿರುಗಿಸಬೇಕು ಎಂದು ಶ್ರೀ ಪ್ರಧಾನ್ ಹೇಳಿದರು. ಕರ್ತವ್ಯದ ಹಾದಿಯಲ್ಲಿ ಸಾಗುತ್ತಿರುವ ನಾವು ಮುಂದಿನ ದಶಕದಲ್ಲಿ ನಮ್ಮ ದೇಶವನ್ನು ಹೊಸ ಎತ್ತರಕ್ಕೆ ಕೊಂಡೊಯ್ಯಬೇಕಾಗಿದೆ ಎಂದು ಅವರು ಪ್ರತಿಪಾದಿಸಿದರು. ಜತೆಗೆ ಅವರು,  ಹಳೆಯ ವಿದ್ಯಾರ್ಥಿಗಳ ಬಲವಾದ ಜಾಲವನ್ನು ರಚಿಸಲು ಪ್ರೋತ್ಸಾಹಿಸಿದರು. ನಾವು ಭೌತಿಕವಾಗಿ ಅಥವಾ ಬೌದ್ಧಿಕವಾಗಿ ನಮ್ಮ ಶಾಲೆಗಳು ಮತ್ತು ವಿಶ್ವವಿದ್ಯಾಲಯಗಳಿಗೆ ಕೊಡುಗೆ ನೀಡೋಣ. ನಮ್ಮ ರಾಜ್ಯ, ದೇಶ ಮತ್ತು ಮಾನವೀಯತೆಯ ಜವಾಬ್ದಾರಿಯನ್ನು ಸಹ ತೆಗೆದುಕೊಳ್ಳೋಣ. ಅಲ್ಲಿಂದ ಪಡೆದುಕೊಂಡುದಕ್ಕಾಗಿ ಮತ್ತೆ ಹಿಂದಿರುಗಿಸಲು ಇದಕ್ಕಿಂತ ಉತ್ತಮ ಸಮಯ ಇನ್ನೊಂದಿಲ್ಲ ಎಂದು ಅವರು ಹೇಳಿದರು.
ಮೇಘಾಲಯ ಮುಖ್ಯಮಂತ್ರಿ ಶ್ರೀ ಕಾನ್ರಾಡ್ ಸಂಗ್ಮಾ ಅವರು ಕೇಂದ್ರ ಸಚಿವರೊಂದಿಗೆ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಮುಂದಿನ ಹಂತವನ್ನು ತಲುಪಲು ಜೀವನದಲ್ಲಿ ಲೆಕ್ಕಾಚಾರದ ಅಪಾಯಗಳನ್ನು ಅನ್ವೇಷಿಸಲು ಮತ್ತು ತೆಗೆದುಕೊಳ್ಳಲು ಉತ್ತೀರ್ಣರಾದ ವಿದ್ಯಾರ್ಥಿಗಳಿಗೆ ಕರೆ ನೀಡಿದರು. ವೈಫಲ್ಯದಿಂದ ಹತಾಶರಾಗಬೇಡಿ ಮತ್ತು ಯಶಸ್ಸು ನಿಮ್ಮ ತಲೆಯ ಮೇಲೆ ಬೀಳಲು ಬಿಡಬೇಡಿ" ಎಂದು ಮುಖ್ಯಮಂತ್ರಿ ವಿದ್ಯಾರ್ಥಿಗಳಿಗೆ ಕಿವಿ ಮಾತು ಹೇಳಿದರು.
ಘಟಿಕೋತ್ಸವದಲ್ಲಿ ಇಂದು ಒಟ್ಟು 15,955 ಪದವಿಗಳನ್ನು ಪ್ರದಾನ ಮಾಡಲಾಯಿತು. ಅದರಲ್ಲಿ 117 ಪಿಎಚ್ ಡಿ, 8 ಎಂ.ಫಿಲ್, 1559 ಪಿಜಿ ಪದವಿಗಳು ಮತ್ತು 14,271 ಬ್ಯಾಚುಲರ್ ಪದವಿಗಳು. ಮೇಘಾಲಯ ಶಿಕ್ಷಣ ಸಚಿವ ಶ್ರೀ ಲಹ್ಕ್ಮೆನ್ ರಿಂಬುಯಿ, ಉಪಕುಲಪತಿ ಎನ್.ಇ.ಎಚ್.ಯು ಪ್ರೊಫೆಸರ್ ಪಿ.ಎಸ್. ಶುಕ್ಲಾ, ಎನ್.ಇ.ಎಚ್.ಯು.ನ ಬೋಧಕರು ಮತ್ತು ವಿದ್ಯಾರ್ಥಿಗಳು ಇಂದು ನಡೆದ ಕಾರ್ಯಕ್ರಮದಲ್ಲಿ ನೆರೆದಿದ್ದರು.
ನಂತರ ಕೇಂದ್ರ ಸಚಿವರು ಮೇಘಾಲಯ ಮುಖ್ಯಮಂತ್ರಿ ಕಾನ್ರಾಡ್ ಕೆ ಸಂಗ್ಮಾ ಮತ್ತು ರಾಜ್ಯ ಶಿಕ್ಷಣ ಸಚಿವ ಲಹ್ಕ್ಮೆನ್ ರಿಂಬುಯಿ ಅವರೊಂದಿಗೆ ಶಿಕ್ಷಣ, ಕೌಶಲ್ಯ ಅಭಿವೃದ್ಧಿ ಮತ್ತು ಉದ್ಯಮಶೀಲತೆಯ ಪರಿಶೀಲನಾ ಸಭೆ ನಡೆಸಿದರು. ಅಲ್ಲಿ ಕೇಂದ್ರ ಸರ್ಕಾರದ ಹಿರಿಯ ಅಧಿಕಾರಿಗಳು ಸಹ ಭಾಗವಹಿಸಿದ್ದರು.
ಮೇಘಾಲಯವು ಎನ್ ಇಪಿಯನ್ನು ಎಲ್ಲ ಕ್ಷೇತ್ರಗಳಲ್ಲೂ ಅಕ್ಷರಶಃ ಮತ್ತು ಉತ್ಸಾಹದಿಂದ ಜಾರಿಗೆ ತರುತ್ತಿದೆ ಎಂದು ತಿಳಿದು ಸಚಿವರು ಸಂತೋಷಪಟ್ಟರು. ಆಸ್ಪೈರ್ ಮೇಘಾಲಯ ಮತ್ತು ಪ್ರೈಮ್ ಮೇಘಾಲಯದಂತಹ ರಾಜ್ಯ ಸರ್ಕಾರದ ಉಪಕ್ರಮಗಳು ಪ್ರತಿಭೆಗಳ ಅನ್ವೇಷಣೆಯನ್ನು ವಿದ್ಯುಕ್ತಗೊಳಿಸುವುದು, ಕೌಶಲ್ಯಗಳನ್ನು ಗುರುತಿಸುವುದು, ಉದ್ಯಮಶೀಲತೆಯನ್ನು ಬೆಂಬಲಿಸುವುದು ಮತ್ತು ಮೇಘಾಲಯದ ಸಾಮರ್ಥ್ಯವನ್ನು ಹಿಡಿದಿಡುವ ಕೆಲಸ ಮಾಡುತ್ತಿವೆ.
ಮೇಘಾಲಯದಂತಹ ಪ್ರಗತಿಪರ ರಾಜ್ಯವು ರಾಷ್ಟ್ರೀಯ ಡಿಜಿಟಲ್ ಮೂಲಸೌಕರ್ಯವನ್ನು, ವಿಶೇಷವಾಗಿ ಎನ್ ಡಿಇಎಆರ್  ಭಾಗವಾಗಿ ವಿದ್ಯಾರ್ಥಿ ನೋಂದಣಿ ಪೋರ್ಟಲ್ ಅನ್ನು ಸ್ಥಾಪಿಸಲು ಮತ್ತು ತನ್ನ ಸಂಸ್ಥೆಗಳನ್ನು ಎನ್ಐಆರ್ ಎಫ್ ಮತ್ತು ನ್ಯಾಕ್ ಚೌಕಟ್ಟಿನ ಅಡಿಯಲ್ಲಿ ತರುವ ಪ್ರಯತ್ನಗಳನ್ನು ಮುನ್ನಡೆಸಬೇಕು ಎಂದು ಅವರು ಹೇಳಿದರು. ರಾಜ್ಯದಾದ್ಯಂತದ ಸಂಸ್ಥೆಗಳಿಗೆ, ವಿಶೇಷವಾಗಿ ಗಡಿ ಪ್ರದೇಶಗಳಲ್ಲಿ ಕೌಶಲ್ಯ ಅಭಿವೃದ್ಧಿಗೆ ಒತ್ತು ನೀಡುವಲ್ಲಿ ಎನ್ಇಹೆಚ್ ಯು ಜ್ಞಾನದ ಪಾಲುದಾರರಾಗಿ ಕಾರ್ಯನಿರ್ವಹಿಸಬೇಕು ಎಂದು ಅವರು ಸಲಹೆ ನೀಡಿದರು . ಶಿಕ್ಷಣ ಮತ್ತು ಉದ್ಯಮಶೀಲತೆಯಲ್ಲಿ ಮೇಘಾಲಯವನ್ನು ಮಾದರಿ ರಾಜ್ಯವನ್ನಾಗಿ ಮಾಡಲು ಭಾರತದ ಶಿಕ್ಷಣ ಸಚಿವಾಲಯವು ಎಲ್ಲಾ ರೀತಿಯ ಬೆಂಬಲವನ್ನು ನೀಡಲಿದೆ.

***