কেন্দ্রগী এজুকেশনঅমসুং স্কিল দেবলপমেন্ত মন্ত্রী, শ্রী ধর্মেন্দ্র প্রধাননা ঙসি গুৱাহাতিগী আই.আই.তি.দানোর্থ ইস্ত রিসর্চ কনক্লেব (এন.ই.আর.সি.) ২০২২ হৌদোকখ্রে। শ্রী প্রধাননা মহাক্না ৱা ঙাংবা মতমদা হায়খি মদুদি মসিগী কনক্লেব অসিনা ইন্দস্ত্রী, একাদেমিয়া অমসুং পোলিসী মেকরশিংগী মরক্তা লৈরিবা মরী অদু হেন্না চেশিনহল্লগনি অমসুং মখাতানা রিসোর্স মরাং কাইনা লৈরবা নোর্থ ইস্তর্ন রিজনগী রাজ্যশিং অমসুং লৈবাক অসিদা রিসর্চ , স্তার্ত-অপ অমসুং এন্ত্রপ্রেনরশিপ ফগৎহল্লগনি।

রিসর্চকী মরু ওইবগী  মতাংদা পল্লদুনা এজুকেশন মন্ত্রিনা হায়খি মদুদি রিসর্চকী পান্দম অসি লৈবাক অসিগী মতম শাংনদগী লৈরক্লবা প্রোব্লেমশিং অদুগী সোল্যুশনশিং পুথোকপা অমসুং খ্বাইদগী হেন্না শোত্থরবশিংগীদমক্তা পুন্না চুংশিন্নদুনা, পুন্না হোৎনমিন্নদুনা অমসুং পুন্না পুথোকমিন্ননবা মীয়াম পুম্নমক্তা পুক্নিং থৌগৎপনি। এন.ই.আর.সি. ২০২২ অসি ভারত অমসুং মালেমগী রিসর্চ অমসুং দেবেলপমেন্তকী প্রায়োরিতিশিং অদুবু  মপুং ফাহনবগীদমক্তা গ্লোবল বেঞ্চমার্ক অমা ওইরগনি হায়না মহাক্না মখা তাখি। শ্রী প্রধাননা নহারোলশিং অমসুং মহৈরোইশিংদা লৈবাক অসিবু অনৌবা অৱাংবা থাক অমদা পুখৎনবা ‘মথৌ অমসুং থৌদাংগী লম্বিদা চৎনবা’ আপীল তৌখ্রে।

কেন্দ্রগী মন্ত্রীনা মখাতানা খঙ্ল্লকখি মদুদি রিসর্চ ইকোসীস্তেম কনখৎহন্নবা, গ্রাস রুতশিংদা ইনোভেশন থৌগৎনবা অমসুং ভারতপু মরোমদোম লেপচবা ঙম্নবা সরকার অসিনা এন.ই.পি.২০২০গী রিকমেন্দেশনশিং অদুগী মতুং ইন্না লুপা করোর ৫০,০০০গী শেন্থংগা লোইননা নেস্নেল রিসর্চ ফাউন্দদেশন লিংখৎনবা থৌরাং তৌরি। মহাক্না নোর্থ ইস্তর্ন রিজন অসি রিসর্চ অমসুং ইনোবেশন প্রোমোত তৌনবা পোতেন্সিয়েল য়াম্না লৈ হায়না হায়খি।

অসামগী মুখ্য মন্ত্রী, দা. হিমন্তা বিস্বা সর্মানা মহাক্কা খন্ন-নৈনবা মতমদা রিসর্চ অমসুং দেবলপমেন্ত অসি ভারতগুম্বা য়াম্না বাংনা চাউখৎলক্লিবা লৈবাক্কীদমক্তদি য়াম্না মরু ওই হায়না হায়খি। চাউখৎলক্লিবা খুনাই অমদা রিসর্চ অমসুং দেবেলপমেন্ত অসিনা ইনোভেশনগী থৌওং অমসুং ঐকোয়গী নোলেজ অমসুং ণা্দর্সতেন্দিং চাউথোকহনবদা য়াম্না মরু ওইবা থৌদাং লৌবা মরম্না য়াম্না মরু ওইবা বিল্দিং ব্লোক অমা ওইনা হান্নদগী লৌনৈ হায়না মহাক্না মখা তাখি।

এজুকেশনগী রাজ্য মন্ত্রী, শ্রী রাজকুমার রঞ্জন সিংহনা মীয়ামদা ৱা ঙাংবা মতমদা নোর্থ ইস্ত রিসর্চ কনক্লেব অসি এন্ত্রপ্রেনরশিং অমসুং রিসর্চ ইন্সতিত্যুশনশিংনা মখোয়গী ইনোভেশনশিং অদুবু উৎথোক্নবগী প্লেতফোর্ম্নি হায়না হায়খি। মহাক্না মসি নোর্থ ইস্তকীদমক্তা পোলিসী মেকরশিং, ইন্দস্ত্রিয়েলিস্তশিং অমসুং রিসর্চরশিংবু চপ মান্নবা প্লেতফোর্মদা পুরক্লিবা য়াম্না কান্নবা অনৌবা খোংথাং অমনি হায়না হায়খি। মসিগী য়াম্না চাউরবা থৌরম অসিনা লমদম অসিগী এজুকেস্নেল সেক্তরদা য়াম্না চাউনা অহোংবা অমা পুরক্লগনি হায়না মহাক্না মখা তাখি।

এন.ই.আর.সি. কনক্লেব অসিদা ৱা ঙাংলদুনা এজুকেশনগী রাজ্য মন্ত্রী, দা. সুভা সরকারনা হায়খি মদুদি সরকার অসিনা লৈবাক অসিগী মফম খুদিংমক্তা এজুকেশন সেক্তরগি চাউখৎ-থৌরাংগীদমক্তা কন্না হোৎনরি হায়না হায়খি।

কেন্দ্রগী শিপ্পিং মন্ত্রী, শ্রি সর্বানন্দা সোনোৱালনা মীয়ামদা ৱা ঙাংবা মতমদা নোর্থ ইস্ত কনক্লেব অসিনা নহা ওইরিবশিংগী মীরোল মখোয়গী তুংগী পুনশিদা মখোয়গী মঙলানশিং অদুবু মঙফাওনহনবদা মতেং পাংগনি।

থৌরম অদুদা ‘অসাম এদভান্স হেল্থ ইনোভেশন ইন্সতিত্যুত (এ.এ.ঐচ.আই.)’গী এম.ও.য়ু. অমা অসাম সরকার অমসুং আই.আই.তি. গুৱাহাতিগী মরক্তা খুৎয়েক পীনখ্রে।

ঙসিগী থৌরম অদুদা পেত্রোলিয়ম অমসুং নেচরেল গ্যাসকী রাজ্য মন্ত্রী, শ্রী রামেস্বর তেলি, অসাম সরকারগী এজুকেশন মন্ত্রী, শ্রী রানোজ পেগু, অসাম সরকারগী হকশেল অমসুং য়াইফ-য়ুম্বাল মন্ত্রী, শ্রী কেশব মাহন্তা, লোক সভাগী এম.পি., শ্রিমতি ক্বীন ওঝা অমসুং আই.আই.তি., গুৱাহাতিগী দাইরেক্তর প্রোফ. তি.জি. সিতারামন্না অতোপ্পা দিগনিতরীশিংগা লোইননা শরুক য়াখি।

দ নোর্থ ইস্ত রিসর্চ কনক্লেব ২০২২ অসি নোর্থ ইস্ত ইন্দিয়াগী রাজ্যশিংদগী এজুকেস্নেল অমসুং রিসর্চ ইন্সতিত্যুশনশিং পুম্নমক্তগী খ্বাইদগী ফবা রিসর্চ অমসংউ দেবেলপমেন্ত এক্তিবিতীশিং উৎথোক্নবা শিনখিবনি। মসিনা নোর্থ ইস্ত ইন্দিয়াদা একাদেমিয়া অমসুং ইন্দস্ত্রীগা ৱারী-ৱাতাই শান্নবগীদমক্তা কমন ওইবা ইন্তর্ফেস অমা শেম্নবসু হোৎনগনি। কনক্লেব অসিনা  লমদম অসিগী মশাগী ওইবা তেক্নোলোজীশিং অমসুং ইনোভেশনশিং পুথোকপাদা কান্নগদবা এনভাইরনমেন্ত অমা শেম্নবগী মাইকৈদা থবক তৌগনি, মসিনা এন্ত্রপ্ররেনরশিংগীদমক্তা স্কোপ অমসুং ফাউন্দেশন শেম্লগনি অমসুং ত্রান্সলেস্নেল রিসর্চকী প্রোমোশনগীদমক্তা য়াম্না বাম্লবা তেলেন্ত পুল অমা চুংশিন্ননহন্নবসু হোৎনরগনি।

**********