ঐহাক্না অদোম পুম্নমকপু সেন্ত ভিন্সেন্ত অমসুং গ্রেনাদিন্দা উন্নবা ফংবদা য়াম্না নুংঙাইবা ফাওই। ঐহাক্না ভারত্তা লৈবা অদোমগী ইচিল ইনাওশিংদগী য়াইফ পাউজেল পুদুনা লাক্লি। ঐহাক্না অদোমগী ফজরবা লৈবাক অসিদা হেক তারকপগা, ঐহাক্কী দেলিগেসন অমসুং ঐহাকপু য়াম্না তরাম্না ওকপীখি অমসুং অদোম্না ঐখোয়বু য়াম্না নুংঙাইবা ফাওহল্লি। মসিগীদমক্তা ঐহাক্না অদোম্বু থাগৎচরি।

মরূপশিং,

সেন্ত ভিন্সেন্ত অমসুং গ্রেনাদিনগী মীয়াম্না হৌখিবা চহি ৪২দা থাজবা অমসুং চাউখৎপনা থল্লবা গনতন্ত্রা চৎপা, প্লুরেল ওইবা অমসুং জাৎ-বিজাৎ য়াম্বা খুন্নাই অমা শেম্লে। মসিগী অপীকপা অদুবু মতিক লৈবা লৈবাক অসিনা শেন্মিৎলোনগী মতাংদা মায় পাক্লিবা অসি থাগৎনীংঙাই ওইরি। মিৎয়েং শানবা লুচিংবশিংগী অশিংবা পাউতাক মখাদা, সেন্ত ভিন্সেন্ত অমসুং গ্রেনাদিনগী মীয়াম্না মসিগী ইথৎকী লৈবাক অসিবু কেরিবিয়নগী শান্তি লৈবা অমসুং নুংঙাই য়াইফবা নীংথিরবা খুদম অমা ওইহল্লে। 

মফমসিদা লৈরিবা ভারতকী খুন্নাইগী মীওইশিংনা লমদম অসিবু মশাগী লমদম্মক্নি হায়না খনবসিদা ঐহাক্না নুংঙাইবা ফাওই। মখোয়না অতোপ্পা খুন্নাইশিংগা নুংশি চান্ননা লৈমিন্নরি অমসুং এস.ভি.জি.গী চাউখৎপদসু য়াম্না তেংবাংলি। অসিগুম্বা অফবা থৌওং অসিনা মরম ওইরগা, ভারতকী দাইস্পোরাবু এস.ভি.জি.না ইকায় খুম্নরিবনি। জুন ১ বু ভারতমচাশিংনা লাকখিবা নুমিৎ অমসুং ওক্তোবর ৭পুনা ভারতকী হেরিতেজ নুমিৎ হায়না লাউথোকখিবা অসিনা লৈবাক অসিনা ভারতকা মরী লৈনবগী মতৌবু কয়া য়াম্না মরু ওইনা খল্লি হায়বা তাক্লে। ঙৈহাক্কী মতুংদা, কেলদর রোদপু ‘ইন্দিয়ন দ্রাইব’ হায়না নৌহৌননা মিংথোনবগী সাইনগী মাইখুম হাংদোকপগী মিৎকুপ অসি ঐহাক অমসুং ভারতকী খুন্নাইগী য়াম্না চাউথোকচনীংঙাই ওইবা মিৎকুপ ওইগনি।

ঐখোয়গা সেন্ত ভিন্সেন্ত অমসুং গ্রেনাদিনগা লৈনরিবা চাউখৎ-থৌরাংগী পার্ত্নরশিপ অসি য়ুনিবর্সেল ব্রদরহুদকী ইথিলদা য়ুম্ফম ওইবনি। ঐখোয়না মফমসিদা লোইরিবা ভারত মচা ইচিল ইনাওশিংবু মীয়ামগী য়াইফ য়ুম্বালদা ভেল্যু হাপকদবা ইনফ্রাস্ত্রকচর প্রোজেক্তশিংগা মপাঙ্গল হেন্না লৈবা সেন্ত ভিন্সেন্ত অমসুং গ্রেনাদিন অমা শেম্বদা তেংবাংনীংই। ঐহাক্না অদোম খুদিংনসু অনৌবা ভারত, মসিগী চাউরবা শক্তি অমসুং খোঙজেল য়াঙনা শাহৌ লৌরিবা শেন্মিৎলোনগা মরী লৈনবীয়ু হায়জরি।

ইবেম্মা অমসুং ইবুংঙোশিং,

ঐহাক্না সেন্ত ভিন্সেন্ততা লৈরিবা ভারত মচাশিং অমসুং ভারতকী দাইস্পোরাবু অমুক্কা হন্না থম্মোই শেংনা থাগৎচরি। অদোম্না ভারতকী ইনাক খুল্লবা দাইভর্সিতী, কলচরগী হেরিতেজ অমসুং নাৎকী মশক তাক্লি। ঐখোয়না অদোম অসুং অদোমগী মায় পাকপশিংদা চাউথোকচরি।

ঐহাক্না অদোম, অদোমগী ইমুং মনুংবু য়াম্না নুংঙাইবা, হকশেল ফবা অমসুং তংদু লৈতাবা তুংগী পুন্সি অমা হিংবা ওইসনু হায়না য়াইফ পাউজেল পীরি। ঐখোয়না অদোমগী হৌরকফম লৈবাক, ভারত্তা অদোম পুম্নমক, প্রবাসী ভারতিয় ইচিল ইনাওশিংবু তরাম্না ওক্নবা খৌরাংনা ঙাইজরি।

থাগৎচরি,

জয় হিন্দ!

*****