চৎলিবা সুগর সিজন অসিদা চীনি এক্সপোর্ত তৌবা অসি ২০১৭-১৮গী সুগর সিজন্দা এক্সপোর্ত তৌখিবা চীনিগা চাংদম্নবদা শরুক ১৫ হেনগৎলকখি। মরু ওইবা ইম্পোর্ত তৌরিবা লৈবাকশিং অসি ইন্দোনেসিয়া, অফঘানিস্তান, শ্রী লঙ্কা, বাংলাদেশ, য়ু.এ.ই., মলেসিয়া অমসুং অফ্রিকাগী লৈবাকশিংনা ওইরি।

সুগর সিজন ২০১৭-১৮, ২০১৮-১৯ অমসুং ২০১৯-২০দা চীনি এল.এম.তি. ৬.২., এল.এম.তি. ৩৮ অমসুং এল.এম.তি. ৫৯.৬০ এক্সপোর্ত তৌখি। সুগর সিজন ২০২০-২১দা এল.এম.তি. ৬০ এক্সপোর্ত তৌনবা তার্গেৎ তৌখিবা অদু এল.এম.তি. ৭০ এক্সপোর্ত তৌখি। চীনি এক্সপোর্ত তৌবদা মতেং পীনবা হৌখিবা চহি ৫ অসিদা সুগর মিলশিংদা লুপা করোর ১৪,৪৫৬ কাইথখি অমসুং বফর স্তোক মেন্তেন তৌনবা শেনফম ওইনা লুপা করোর ২০০০ কাইথখি। চীনিগী ইন্তর্নেস্নেল প্রাইস অসি অপত্রেন্দ অমসুং স্তেবল ওইবনা মরম ওইরগা চৎলিবা সুগর সিজন ২০২১-২২দা এক্সপোর্ত সবসিদী অমত্তা লাউথোকখিদনা চীনি এক্সপোর্ত তৌনবা এল.এম.তি. ৯০গী কন্ত্রেক্তশিং খুৎয়েক পীনখি; মসিগী মনুংদা ১৮.০৫.২০২২ ফাওবদা এল.এম.তি. ৭৫ এক্সপোর্ত তৌখি।

অহেনবা চীনিগী সমস্যা অসি কোকহন্নবা পর্মিনেন্ত ওইবা সোল্যুসন অমা থীনবা সরকারনা সধগর মিলশিংদা মখোয়গী অহেনবা চু অদু ইথানোলদা দাইভর্ত তৌনবা পুক্নিং থৌগৎলি। লোয়ননা লৌউ-শিংউগী শেন্মীৎলোন চাউখৎহন্নবা, মপালদগী পুশিল্লকপা ফোসিল ফ্যুএলদা মীপাল তাংবা হন্থহন্নবা, ক্রুদ ওইলগী ইম্পোর্ত বিলগী শেনফমদা ফোরেন একচেঞ্জ তুংশিলহৌনবা অমসুং এয়র পোলুসন হন্থহন্নবা ৱাখল্লোনগা লোয়ননা সরকারনা ২০২২ ফাওবদা পেত্রোলদা ফ্যুএল গ্রেদ ইথানোলগী ব্লেন্দিং ১০% তৌনবা অমসুং ২০২৫ ফাওবদা ২০% ব্লেন্দিং তৌনবা তার্গেৎ অমা থমখি।

২০১৪ ফাওবদা, মলাসেস-বেজ দিস্তিলরীশিংগী ইথানোল দিস্তিলেসন কেপাসিতী অসি লিতর করোর ২১৫ খক্তা ওইরমখি। অদুবু হৌখিবা চহি ৮ অসিদা সরকারনা শেম্বা পোলিসীশিংদা অহোংবশিং লাকপনা মরম ওইরগা মলাসেস-বেজ দিস্তিলরীশিংগী কেপাসিতী অসি লিতর করোর ৫৬৯দা হেনগৎলকখি। গ্রেন-বেজ দিস্তিলরীশিংগী কেপাসিতী অসি ২০১৪দা লিতর করোর ২০৬ ওইরম্বদগী লিতর করোর ২৯৮দা হেনগৎলকখি। অসুম্না অপুনবা ইথানোল পুথোকপগী কেপাসিতী অসি শুপ্নগী চহি ৮দা লিতর করোর ৪২১দগী লিতর করোর ৮৬৭তা হেনগৎলকখি।

ইথানোল সপ্লাই ইয়র (ই.এস.আই.) ২০১৩-১৪দা ব্লেন্দিং লেবেল ১.৫৩% ওইবগা লোয়ননা ও.এম.সি.শিংদা ইথানোল সপ্লাই তৌবা অসি লিতর করোর ৩৮ খক্তা ওইরমখি। ফ্যুএল গ্রেদ ইথানোল পুথোকপা অমসুং ও.এম.সি.শিংদা সপ্লাই তৌবা অসি ২০১৩-১৪দগী ২০২০-২১দা শরুক ৮দা হেনগৎলকখি। ইথানোল সপ্লাই ইয়র ২০২০-২১ (দিসেম্বর – নবেম্বর)দা ইথানোল লিতর করোর ৩০২.৩০ ও.এম.সি.শিংদা সপ্লাই তৌখি, অসুম্না ইতিহাসিক ওইবা মওংদা ব্লেন্দিংলেবেল ৮.১% ফংবা ঙমখি।

চৎলিবা ই.এস.ৱাই. ২০২১-২২গী ওইনা ০৮.০৫.২০২২ ফাওবা  ইথানোল লিতর করোর ১৮৬ পেত্রোলদা ব্লেন্দ তৌখি অসুম তৌবনা ব্লেন্দিং ৯.৯০% য়ৌবা ঙমখি। চৎলিবা ইথানোল সপ্লাই ইয়র ২০২১-২২দা ঐখোয়না ব্লেন্দিং তার্গেৎ ১০০% ফংবা ঙমগনি হায়না থাজবা থম্লি।

 

 

সুগর সেক্তরদা তেংবাং পীনবা অমসুং চু থাবা লৌমীশিংগী কান্ননবা পীনবা ৱাখল্লোনগা লোয়ননা সরকারনা বি-হেভী মলাসেস, চুহী, সুগর সিরপ অমসুং চীনিদগী ইথানোল পুথোকপা য়াহনখি। মিলশিংনা অহেনবা চুবু ইথানোল শুনবা পুক্নিং থৌগৎপা ওইনা সরকারনা সি-হেভী অমসুং বি-হেভী মলাসেসতগী শুংবা ইথানোল অমসুং ইথানোলসিজনগী চুহী/ চীনি/ সুগর সিরপতগী শুবা ইথানোলগী রিম্যুনরেতিব এক্স-মিল প্রাইস লেপখি।

সুগর সিজন ২০১৮-১৯, ২০১৯-২০ অমসুং ২০২০-২১দা চীনি এল.এম.তি. ৩.৩৭., এল.এম.তি. ৯.২৬ অমসুং এল.এম.তি. ২২ ইথানোলদা দাইভর্ত তৌখি। সুগর সিজন ২০২১-২২দা অহেনবা চীনি এল.এম.তি. ৩৫রোম  দাইভর্ত তৌখি। ২০২৫ ফাওবদা, অহেনবা চীনি এল.এম.তি. ৬০ হেন্না ইথানোলদা দাইবর্ত তৌনবা পান্দম থমখি মসিনা চীনিগী হায় ইনভেন্তরীশিংগী সমস্যা কোকহনগনি, মিলশিংগী লিক্বিদিতী হেনগৎহনগনি অমসুং মসিনা লৌমীশিংগী চুগী পেমেন্ত মতম চানা তৌবদা মতেং পাংলগনি।  ২০১৪দগী সুগর মিলশিং অমসুং দিস্তিলরীশিংনা ও.এম.সি.শিংদা ইথানোল য়োনবদগী রিভেন্যু লুপা করোর ৬৪,০০০ হেন্না লাকহনখি মসিনা লৌমীশিংগী অতোনবা শেনফম মতম চানা পীবাদা মতেং পাংখি।

সুগর ২০১৩-১৪দা, চুগী ফিয়র এন্দ রিম্যুনরেতিব প্রাইস (এফ.আর.পি.) অসি ক্বিন্তল অমদা লুপা ২১০ ওইদুনা ৯.৫% হেনগৎলকখি। চু থারিবা লৌমীশিংগী শেন্থোক হেনগৎহন্নবা ৱাখল্লোন অমগা লোয়ননা সরকারনা হৌখিবা চহি ৮ অসিদা মতম মতমগী ওইনা চুফী এফ.আর.পি. হেনগ*হনখি অমসুং মসি ১০%গী রিকবরী লৈহন্দুনা সুগর সিজন ২০২১-২২দা ক্বিন্তল অমদা লুপা ২৯০দা রিভাইস তৌখি ( মসিনা ক্বিতম অমদা লুপা ২৭৫.৫০ ওইদুনা রিকবরী ৯.৫% ওইহনখি), মসি ২০১৩-১৪গী চীনিগী এফ.আর.পি.দগী ৩১% হেন্না ৱাংখি। সুগর সিজন ২০২০-২১দা মিলশিংনা লুপা করোর ৯৩,০০০রোমগী চু লৈশিনখি। সুগর সিজন ২০২১-২২দা লুপা করোর ১,১০,০০০রোমগী চু সুগর মিলশিং লৈশিনখি মসি খ্বাইদগী ৱাংবা লেবেল ওইখি অমদি মিনিমম সপ্পোর্র প্রাইসতা ফৌ লৈশিনখিবগী মথংদা অনিশুবদা লৈরি।

২০১৪গী মমাংদা লৌমীশিংগী চুগী অতোনবা শেনফম পীথোকপদা মতম পুম্বদা থিন্থখি অমসুং কেন এরিয়গী মেক্সিমম পর্সেন্তেজ অসি থংনবা সিজন্দা অমুক নমশিনখি; অদুবু হৌজিক পাল্লিবা সরকার অসিগী অফবা পোলিসীশিং অসিনা মরম ওইরগা সুগর মিলশিংগী ফন্দামেন্তেল অমসুং লিক্বিদিতী অসি ফগৎলকখি অমসুং মসিনা হৌজিক কেন দ্যুশিং অসি সুগর মিলশিংনা চু থারিবা লৌমীশিংদা মতম চানা পীথোকপা ঙমহল্লি। ২০১৯-২০দা কেন দ্যুগী ৯৯% ক্লিয়র তৌখি। সগর সিজন ২০২০-২‌১দা লুপা করোর ৯২৯৩৮কী পীথোক্কদবা অপুনবা কেন দ্যুশিংগী মনুংদা লুপা করোর ৯২৫৪৯ পীথোকখি অমসুং ১৭.০৫.২০২২দা লুপা করোর ৩৮৯ খক্তা পন্দুনা লৈহৌখি; অসুম্না ৯৯.৫০% ক্লিয়র তৌবা ঙমখি। চৎলিবা সুগর সিজন ২০২১-২২গী ওইনা লুপা করোর ১,০৬,৮৪৯গী থীদোক্কদবা কেন দ্যুশিংগী মনুংদা লুপা করোর ৮৯,৫৫৩ শেংদোকপা ঙমখি অমসুং ১৭.০.২০২২ ফাওবদা লুপা করোর ১৭,২৯৬ খক্তা পন্দুনা লৈহৌখি। চীনিগী দোমেস্তিক এক্স-মিল প্রাসি অসি হৌজিক স্তেবল ওইরে অমসুং মসি কে.জি.দা লুপা ৩২-৩৫ ওইরি মসিনা সুগর মিলশিংনা লৌমীশিংদা চৎলিবা সুগর সিজন ২০২১-২২গী ওইনা কেন দ্যুশিং মতম চানা পীথোকপা ঙমহল্লি। লৈবাক অসিগী চীনিগী রিতেল প্রাইসকী চাংচৎ অসি কে.জি.দা লুপা ৪১.৫০ ওইরি অমসুং মসি লাক্কদৌরিবা থাশিংদা লুপা ৪০-৪৩ ওইরবা য়াই, অদুবু মসি নুংনাংনীংঙাই ওইদে।

ফ্যুএল গ্রেদ ইথানোল পুথোকপা হেনগৎহন্নবা সরকারনা এফ.সি.আই.দা লৈরিবা চুজাক অমসুং চেংদগী ইথানোল পুথোক্নবা দিস্তিলরীশিংগী পুক্নিংসু থৌগৎলি। সরকারনা চুজাক অমসুং এফ.সি.আই.দা লৈরিবা চেংগী রিম্যুনরেতিব প্রাইসসু লেপখি।

ব্লেন্দিং তার্গেৎশিং য়ৌবা ঙম্নবা সরকারনা সুগর মিল অমসুং দিস্তিলরীশিং অসিবু মখোয়গী দিস্তিলেসন কেপাসিতীশিং হেনগৎহন্নবা পুক্নিং থৌগৎলি মসিগীদমক সরকারনা মখোয়দা বেঙ্কশিংদগী লোনশিং পীহল্লি মসিনা ইন্তরেস্ত সবভেন্সন অসি বেঙ্কশিংনা লৌবা ৬% নত্ত্রগা ৫০% দগী অতাবা অদু সরকারনা পুথোক্লি। মসিনা লুপা করোর ৪১,০০০রোমগী ইনভেস্তমেন্ত অমা লাকহল্লি। দি.ই.পি.দি.না প্রোজেক্ত প্রোপোনেন্তশিংনা মখোয়গী হান্নদগী লৈরিবা সিস্তিলেসন কেপাসিতী হেনগৎহন্নবা নত্ত্রগা সিরিএল (চেং, গেহু, বার্লী, চুজাক অমসুং সোর্ঘম), চু (চীনি, সুগর সিরপ, চুহী, বে-হেভী মলেসেস, সি-হেভী মলাসেস), দুগর বীত অসিগুম্বা ফীদ স্তোকশিংদগী ফার্স্ত জেনরেসন (১জি) ইথানোল পুথোক্নবা অনৌবা দিস্তিলরী লিংখৎনবগী এপ্লিকেসন কৌনবা ২২.০৪.২০২২দগী হৌনা থা ৬কী ৱিন্দো অমা হাংখি।

খোঙথাংশিং অসিনা মরম ওইরগা লৈবাক অসিগী ইথানোল দিস্তিলেসন কেপাসিতী অসি ২০২৫ ফাওবদা শরুক অনি হেনগৎলবা য়াই মসিনা ২০%গী ব্লেন্দ তার্গেৎ য়ৌবা ঙমহল্লগনি। মসিনা সরপ্লস সুগরগী সমস্যা কোকহনবা অমসুং লৌমীশিংগী কেন দ্যুশিং মতম চানা পীথোকপা ঙম্লগনি।

হৌখিবা চহি খরা অসিদা সরকারনা লৌখৎখিবা খোঙথাং কয়ামরুমনা মরম ওইরগা সুগর মিলশিংগী ফন্দামেন্তেলশিং হেনগৎলকখি অমসুং সুগর ইন্দস্ত্রী অসি সেল্ফ-সস্তেনেবল ওইরকখি মসিনা সুগর কম্পনীশিংগী তোপ লাইন অমসুং বত্তম লাইন গ্রোথ লৈবা ঙমহনখি মসি য়াওরিবা কম্পনীশিংগী শিয়র প্রাইসশিংদা চহি খরা অসিদা শরুক ৪দগী ৫ হেনগৎলকপা অসিনা উৎখি।

২০১৫ ফাওবদা ২০% ব্লেন্দিং তৌবনা মরম ওইরগা লৈবাক্কী শেন্মীৎলোদা পীরিবা শাফু অদুদি:

• মসিনা চুজাল অমসুং ফৌ থারিবা লৌমীশিংদা কান্নবা পীগনি, অহেনবা গ্রেনগী সমস্যা কোকহনগনি; গ্রেনগী তন লাখ ১৬৫ শীজিন্নবা ঙম্লগনি।
• সর্প্লস সুগরগী তন লাখ ৬০কী দাইভর্জন তৌবনা অহেনবা চীনিগী সমস্যা কোকহনবা, চীনি য়োনবগী অৱাৎপা চেক তৌবা, সুগর মিলশিংগী লিক্বিদিতী হেনগৎহন্নবা  ঙমগনি অমসুং লৌমীশিংগী কেন দ্যুশিং মতম চানা পীথোকপা ঙমগনি।
• মসিনা লুপা করোর ৪১,০০০রোমগী অনৌবা ইনভেস্তমেন্তগী খুদোংচাবশিং ফংহল্লগনি মসিনা খুঙ্গংগী মফমশিংদা অনৌবা দিস্তিলরীশিং লিংখৎপদা ইনভেস্ত তৌরগনি অমসুং খুঙ্গংশিংদা থবক পীবা ঙম্লগনি।
• মসিনা কার্বোন মোনোক্সাইদ ইমিসন ৩০-৫০% অমসুং হাইদ্রোকার্বোন ২০% হন্থহন্দুনা এয়র ক্বালিতী হেনগৎহনগনি।
• ক্রুদ ওইল ইম্পোর্ত বিলদা লুপা করোর ৪০,০০০ হেনবগী ফোরেন একচেঞ্জ তুংশিনবা ঙমগনি অমসুং ইম্পোর্ত তৌরিবা ফোসিল ফ্যুএলদা মীপাল তাংবা হন্থহনবা ঙমগনি অমসুং পেত্রোলিয়ম সেক্তরদা আত্মনির্ভর ভারতকী পান্দম ফংবদা মতেং পাংগনি।

মহৌশাগী সুগর সিজন (ওক্তোবর-সেপ্তেম্বর)দা চীনি পুথোকপা অসি এল.এম.তি. ২৭০-২৮০গী দোমেস্তিক কঞ্জুম্পসন লাখ মেত্রিক তন (এল.এম.তি.) ৩৪০-৩৫০রোম পুথোকখি, মসিনা মরম ওইরগা মিলশিংগী চীনিগী অচৌবা স্তোক হেনগৎহনবা ঙমগনি। লৈবাক অসিদা চীনি হেন্না ফংবনা মরম ওইরগা চীনিগী এক্স-মিল প্রাইস অসি সবদ্যু ওইনা লৈরি অমসুং চীনি পুথোকপা মমলদগী তানা কে.জি.দা লুপা ২৪-২৬তা হন্থনখি। এল.এম.ত. ৭০গী অহেনবা স্তোক অসি ফন্দশিংবু ব্লোকেজ তৌনবা অমসুং সুগর মিলশিংগী লিক্বিদিতীদা অকাইবা লাকপনা কেন প্রাইস এরিয়রশিংদা হেনগৎলকখি।

সবদ্যু সুগর প্রাইসশিংনা মরম ওইদুনা সগর মিলশিংগী শেল মাংবা থোক্তনবা সরকারনা জুন, ২০১৮দা চীনিগী মিনিমম সেল্লিং প্রাইসকী ৱাখল্লোন পুথোকখি অমসুং চীনিগী এম.এস.পি. অসি কে.জি.দা লুপা ২৯দা লেপখি অসি ১৪.০২.২০১৯দগী কে.জি.দা লুপা ৩১ ওইহনখি।

মখা তানা অহেনবা স্তোকশিং লিক্বিদেৎ তৌনবা অমসুং সুগর মিলশিংগী লিক্বিদিতী পোজিসন হেনগৎহন্দুনা লৌমীশিংগী কেন দ্যুশিং মতম চানা পীথোকপা ঙম্নবা সরকারনা হৌখিবা চহি ৮ অসিদা মতম মতমগী ওইবা শোর্ত তর্ম ইন্তরভেন্সন কয়ামরুম পাইখৎখি, খুদম ওইনা কেনগী মমল ওফসেৎ তৌনবা সু্গর মিলশিংদা তেংবাং পীবা, বফর স্তোকশিং মেন্তেন তৌনবা সুগর মিলশিংদা শেলগী তেংবাং পীবা, সুগর মিলশিংদা চীনি এক্সপোর্ত তৌনবা শেলগী তেংবাং পীবা, সুগর মিলশিংদা সোফ লোনশিং পীবা অসিনি।

******

(Release ID: 1826827) Visitor Counter : 188