وزیر اعظم نریندر مودی کی ذاتی مداخلت پر انڈین اسپیس ریسرچ آرگنائزیشن (آئی ایس آراو) کے محکمہ خلائی کے ساتھ صرف دو سالوں میں 55 سے زیادہ اسٹارٹ اپس نے رجسٹریشن کرائی ہے، جب سے ہندوستانی خلائی محکمہ اور آئی ایس آراو کو نجی شعبے کے لیے کھولا گیا ہے۔ اس کے علاوہ، ہندوستان کی آزادی کے 75 ویں سال کا جشن منانے والے آزادی کا امرت مہوتسو کے موقع پر  اس سال 75 طلبہ کے سیٹلائٹس لانچ کیے جانے والے ہیں۔

یہ بات آج یہاں مرکزی وزیر مملکت (آزادانہ چارج) سائنس اور ٹیکنالوجی،  وزیر مملکت (آزادانہ چارج) ارضیاتی سائنسز؛ پی ایم او، عملہ، عوامی شکایات، پنشن، ایٹمی توانائی اور خلائی وزیر مملکت ڈاکٹر جتیندر سنگھ نے سائنس کی تمام وزارتوں اور محکموں کی چوتھی مشترکہ میٹنگ کی صدارت کرتے ہوئے یہ بات بتائی۔

وزیر موصوف نے کہا کہ یہ بذات خود ایک بہت بڑی اور حیران کن پیش رفت ہے اس حقیقت کو دیکھتے ہوئے کہ ان تمام سالوں سے خلائی محکمہ اور اسرو دوسروں کی رسائی کے بغیر کام کر رہے تھے اور دو سال قبل انہیں نجی  کارندوں کے لیے کھولنے کا اعلان کیا گیا تھا،جسے  میڈیا نے  ہندوستانی خلائی شعبے  کی ‘‘ان لاکنگ’’ کے طور پر سراہاتھا۔انھوں نے کہا، یہ صرف اس لیے ممکن ہو سکاہے کیونکہ پی ایم مودی میں قوم کے مفاد میں ماضی کے فرسودہ ممنوعات کو ختم کرنے کے لئے عام روش سے ہٹ کر  فیصلے لینے کی ہمت اور یقین ہے۔

ڈاکٹر جتیندر سنگھ نے مزید بتایا کہ 55 تجاویز میں سے 29 سیٹلائٹ سے متعلق، 10 خلائی ایپلی کیشنز اور مصنوعات  کے لیے، 8 لانچ وہیکل سے متعلق اور 8 زمینی نظام اور تحقیق سے متعلق ہیں۔ انھوں نے کہا، اسٹارٹ اپس کی جانب سے 9 تجاویزکی 23-2022 تک مکمل ہونے کی امید ہے۔

سکریٹری، خلائی محکمہ ، ایس سومناتھ نے طلبہ کے 75 سیٹلائٹس اور آزادی سیٹ کی تفصیلات بتائیں جو اس سال ہندوستان کی آزادی کے 75ویں سال کا جشن منا تے ہوئے آزادی کا امرت مہوتسو کے موقع پر لانچ کیے جائیں گے۔

ڈاکٹر جتیندر سنگھ نے مشترکہ میٹنگ میں یہ بھی بتایا کہ سی ایس آئی آر کے تال میل  سے تمام چھ سائنس اورتکنالوجی  کے  محکموں کی طرف سے سائنسی ایپلی کیشنز اور تکنیکی حل کے لیے 38 لائن منسٹریز سے 204 انوکھے  مسائل کے سائنس اورتکنالوجی کے  حل کو ترجیحی طور پر نافذ کیا گیا ہے۔ انہوں نے کہا، تمام محکموں سے شراکت کے شعبوں کے بارے میں معلومات موصول ہوئی ہیں، جبکہ ڈی بی ٹی  اور آئی ایس آراو نے چند چیلنجوں کے حل کی ترقی/تعیناتی میں رہنمائی کے لیے اپنی ترجیح پیش کی ہے۔ انہوں نے کہا کہ زراعت، خوراک، تعلیم، ہنر، ریلوے، سڑکیں، جل شکتی، بجلی اور کوئلہ جیسے شعبوں کے لیے مختلف سائنسی ایپلی کیشنز پرپچھلے سال ستمبرسے  کام کیا جا رہا ہے ۔

ڈاکٹر جتیندر سنگھ نے یہ بھی بتایا کہ سی ایس آئی آر نے شمال مشرقی کونسل (این ای سی ) کی مدد سے شمال مشرقی ریاستوں میں سائنس اورتکنالوجی مداخلت کی ضرورت کے 50 مسائل کی نشاندہی کی ہے اور اسے ڈی ایس ٹی  کے ساتھ شیئر کیا گیا ہے اور اسے ڈونر(ڈی اواین ای آر) کی وزارت کے ساتھ شیئر کیا جا رہا ہے۔ 8 شمال مشرقی ریاستوں میں سے پانچ نے پہلے ہی ایس ٹی آئی  پالیسی کی تشکیل شروع کر دی ہے۔، وزیر نے بتایاکہ جہاں تک ریاستوں اور مرکز کے زیر انتظام علاقوں کی ایس ٹی آئی نقشہ سازی  کا تعلق ہے یہ مشق تمام 28 ریاستوں اور 6 مرکز کے زیر انتظام علاقوں میں ختم ہو چکی ہے۔

تمام فیلوشپ اور اسکالرشپ اسکیموں کے لیے متحد پورٹل کے معاملے پر، وزیر کو بتایا گیا کہ ڈی ایس ٹی  اور ڈی بی ٹی کے ورکنگ گروپ کے اراکین کی ایک ابتدائی میٹنگ 4 اپریل کو ہوئی تھی اور ڈی جی سی ایس آئی آر کی زیر صدارت کمیٹی کی سفارشات پر سائنس اور ٹیکنالوجی کی وزارت کے تحت اسکالرشپ/فیلوشپ اسکیموں کی نقشہ سازی  کی گئی تھی۔

ڈاکٹر جتیندر سنگھ نے ایک سائنس میڈیا سنٹر کی تجویز بھی پیش کی، جو تمام سائنس اورتکنالوجی کے محکموں کے لیے ایک بین وزارتی مربوط میڈیا سیل کے طور پر کام کرے گا اور وگیان پرسار کو اس میں ضم کر دیا جائے گا۔ انہوں نے وہاں موجود محکموں اور افسران سے کہا کہ وہ محکموں اور اسٹارٹ اپس کی کامیابی کی کہانیاں دکھائیں اور جہاں بھی ممکن ہو انہیں فروغ دیں۔ انہوں نے یہ بھی ہدایت کی کہ کامیابی کی کہانیوں پر ورکشاپ کا باقاعدگی سے انعقاد کیا جانا چاہیے۔

میٹنگ کے دوران، ڈاکٹر جتیندر سنگھ نے مستقبل قریب میں منعقد ہونے والی ریاستی سائنس اورتکنالوجی کے  وزراء کی کانفرنس کے مسودے کے ایجنڈے کا مکمل جائزہ لیا اور پہلی بار نیشنل سائنس کانکلیو کے لیے سری نگر، شملہ، بنگلورو اور احمد آباد جیسے مقامات پر تبادلہ خیال کیا گیا۔ وزیر نے تجویز پیش کی کہ ریاستوں، صنعت کے نمائندوں اور دیگر شراکت داروں کو شامل کرنے والے کنکلیو میں موضوعاتی اور ریاست سے متعلق بات چیت کو شامل کیا جا سکتا ہے۔

میٹنگ میں حکومت ہند کے پرنسپل سائنٹیفک ایڈوائزر، سکریٹری، ڈی/او اسپیس، سکریٹری، وزارت ارضیاتی سائنسز، سکریٹری، ڈی/او بائیو ٹیکنالوجی، سکریٹری، ٹیکنالوجی ڈیولپمنٹ بورڈ اور سائنس کے دیگر محکموں کے نمائندوں اور سینئر افسران نے شرکت کی۔

*****

(ش ح ۔اک ۔ ع آ)

5526