নেসনেল দিজাস্তর মেনেজমেন্ত ওথোরিতী (এন.দি.এম.এ.)না এনবাইরোনমেন্ত, ফোরেস্ত অমদি ক্লাইমেত চেঞ্জ মন্ত্রালয়গা খুৎশম্নরগা ঙরাং ন্যু দিল্লীদা ‘ভারত্তা ফোরেস্ত ফাইয়র মেনেজমেন্ত তৌবা’গী মতাংদা নোংমগী ওইবা কন্সল্তেতিব ৱার্কশোপ অমা শিনখি৷

ৱার্কশোপ অসিনা রাজ্য ১১দা উমং মৈ চাকপনা মরম ওইদুনা ভারতকী খ্বাইদগী শোকহনখিবা জিলা ২৬তা ফোরেস্ত ফাইয়র মেনেজমেন্তবু মপাঙ্গল লৈহন্নবা চাওনা মীৎয়েং থমখি৷মসিনা মতুং তারকপদা থোক্লকপা য়াবা উমং মৈ চাকপগী থৌদোকশিং অসিদগী ঙাকথোক্নবা, দিজাস্তর অসি থোক্লকপা মতমদা ইফেক্তিব ওইনা অমদি নিংথিজনা শমতাইনবা ঙম্নবসু মীৎয়েং থমখি৷ মসিবু ৱাখলদা চেৎনা থমদুনা, রাজ্য ১১গী ফোরেস্ত দিপার্তমেন্তশিং, এম.ঐচ.এ., এন.দি.এম.এ., আই.এ.এফ., এন.দি.আর.এফ., এফ.এস.আই., আই.সি.এফ.আর.ই., আই.জি.এন.এফ.এ. অমদি এম.ও.ই.এফ.কী ওফিসরশিংনা উমং মৈ চাকপদা পীবা ত্রেনিং, ফাইয়র এলর্তশিং অমসুং মাংজৌননা খঙহনবা, ফোরেস্ত ফাইয়র ফোর্কাস্তিংগী মেতিওরোলোজিকেল দ্রাইভরশিং, ফোরেস্ত ফাইয়র মেনেজমেন্তকী ইসুশিং অমদি চেলেঞ্জশিং, ফোরেস্ত ফাইয়র মেনেজমেন্তকী মতাংদা তৌরিবা মালেমগী খ্বাইদগী ফরবা থবক-থৌরমশিং, কেপাসিতী অমদি ত্রেনিং কন্সত্রেন্তশিংগা মরী লৈনবা সেসনশিং রাজ্যশিংনা পাংথোকখি৷

মহাক্কী হৌদোক ৱারোলদা, হোম এফিয়র্সকী কেন্দ্র মন্ত্রী শ্রী নিত্যনন্দ রাইনা অসুম্না ফোংদোকখি মদুদি "ফাইয়র-ফাইতর এক্সন প্লানশিং অসি ইশিং-নুংশিৎকী ফিভম, হৌরিবা পাম্বী মখল, ইশিং ফংবগী চাংনচিংবা য়েংলগা ফোরেস্ত রেঞ্জ খুদিংমক্কী শেমগদবনি৷ উমং মৈ চাক্লকপা মতমদা অহানবা রেস্পোন্দরশিং ওইনা লোকেল কম্ম্যুনিতীশিংবু ত্রেন তৌগদবনি৷ ঐখোয়গী মাংদা তাদুনা লৈরিবা চেলেঞ্জশিং অদুদি হেন্না ৱাংবা থাকশিংদা থেংননবা শেম-শাদুনা লৈবা, শোকহনবগী চাং হন্থহন্নবা হোৎনবা অমদি উমং মৈ চাকপনা মরম ওইদুনা থোকহল্লিবা ইফেক্তশিং অদু থেংনবা ঙম্নবা ঐখোয়গী রেস্পোন্স মেকানিজম মপাঙ্গল লৈহনবা অসিনি৷ উমং মৈ চাকপবু থেংননবা "মহাক্না মখাতানা অসুম্না ফোংদোকখি মদুদি, প্রধান মন্ত্রী শ্রী নরেন্দ্র মোদীনা ২০১৬তা পাংথোকখিবা এসিয়ন মিনিস্তিরিএল কনফরেন্সতা মহাক্কী হৌদোক ৱারোলদা পোইন্ত তরাগী এজেন্দা অমা মহাক্না ময়েক শেংনা পনখিবনা দিজাস্তর মেনেজমেন্ত অসি প্রধান মন্ত্রীগী ওইনদি য়াম্না মীৎয়েং চংফম ওইরি,  মীফম অসিদা দিজাস্তর রিস্ক হন্থহনবা, লোকেল কম্ম্যুনিতী শরুক য়াবা, দিজাস্তর রিস্ক হন্থহনবদা সোসিএল মেদিয়া শিজিন্নবা, এনালাইসিস অমদি খন্ন-নৈনদুনা হৌখিবগী থৌদোকশিংবু য়েংশিনবা অমদি তমশিনবগা লৈননা দিজাস্তরশিং থেংনবদা নুপীশিংনা লৌরিবা থৌরাং অদু মীফম অসিদা ফোংদোকখি৷

এনবাইরোনমেন্ত, ফোরেস্ত অমসুং ক্লাইমেত চেঞ্জ অমদি কঞ্জুমর এফিয়র্স, ফুদ অমসুং পব্লিক দিস্ত্রিব্যুসনগী কেন্দ্রগী রাজ্য মন্ত্রী শ্রী অশ্বিনী কুমার চৌবেনা মহাক্কী মরু ওইবা ৱারোলদা অসুম্না ফোংদোকখি মদুদি, "ঐখোয়না উমংদা লৈরিবা কম্ম্যুনিতীশিংদা খঙহন্দুনা অমদি মখোয়দা থৌনা হাপতুনা উমংদা মৈ চাকপগী থৌদোক থোক্লিবশিং অসিদগী ঙাকথোক্নবা অমদি কন্ত্রোল তৌনবা হোৎনগদবনি অমদি মখোয়বু রাজ্যগী ফোরেস্ত দিপার্তমেন্তশিংগা থবক তৌমিন্ননবা থৌনা হাপকদবনি৷ দিজাস্তরশিং থেংনবা মতমদা, ইফেক্তিব ওইবা ফোরেস্ত ফাইয়র দিতেক্সন অমদি এলর্ত সিস্তেম শেমদুনা কেপাসিতী শেমগৎপা, মরু ওইবা রিসোর্সশিংগী লোকেসন দিজিতাইজেসন তৌবা, ফাইয়র ফাইতরশিং ইক্ব্যুইপ তৌবা, ফিল্দ স্তাফ ত্রেনিং তৌবা অমদি ফোরেস্ত ফাইয়র রিস্ক জোনেসন অমদি মেপ্পিং তৌবা পুম্নমক অসি অদুক্কী মতিক মরু ওই৷" মহাক্না অসুম্না পনখি মদুদি, “প্রধান মন্ত্রী শ্রী নরেন্দ্র মোদীনা লৈবাক অসিদা লৈরিবা দিজাস্তর মেনেজমেন্তকী ফিভম অদুক্কী মতিক সেন্সিতিব ওই, অমদি স্তেকহোল্দরশিং য়াওদুনা উমং য়াম্না লৈবা রাজ্যশিং অমদি জিলাশিংদা মোক দ্রিলশিং পাংথোকপগী তঙাই ফদবা লৈ অমদি স্তেন্দর্দ ওপরেতিং প্রোসিদ্যোরশিংবু শেমগৎপা অমদি শন্দোকপা য়ানবা মহাক্না রাজ্যগী মোনিতরিং কম্মিতী পুম্নমক্তা হায়জখি৷”

উমং মৈ চাকপগী মতাংদা এৱার্নেসশিং শন্দোক্নবগী রোদমেপ অমা য়েকথোক্নবগী পান্দমদা, উমং মৈ চাকপা থেংনবগা মরী লৈনবা সোলুসনশিং অমদি তোঙান তোঙানবা প্রোব্লেমশিংগী মতাংদা এৱার্নেস পীদুনা তোঙান তোঙানবা তেক্নিকেল সেসনশিং নোংমগী ওইবা ৱার্কশোপ অসিগী শরুক অমা ওইনা পাংথোকখি৷মসিদা য়াওখিবশিং অদুদি উমং মৈ চাকপগা মরী লৈননা লৈবাক অসিদা উমং মৈ চাকপনা খ্বাইদগী ফিভম শোকহল্লিবা জিলা ২৬কী দিবিজনেল ফোরেস্ত ওফিসরশিংগা লোইননা এক্তিবলী খন্ন-নৈনখি৷ উমং মৈ তোইনা চাকপা রাজ্য কয়ামরোমদগী দেলিগেৎশিংনা মখোয় মখোয়গী জোনশিং/জিলাশিংদা উমং মৈ চাকপা মতমদা থেংনরিবা চেলেঞ্জশিং অমদি তঙাই ফদবশিং অদুদা খন্নখি৷

উমং মৈ চাকপগী থৌদোকশিংগী মতাংদা কুপথনা নৈনবা, উমং মৈ চাকপদগী ঙাকথোকপা, চেকশিন থৌরাং লৌবা, মাংজৌননা ৱার্নিং তৌবা অমদি রেস্পোন্স পীবগী তোঙান তোঙানবা কেতিগোরীশিংগী মখাদা স্পিকরশিংনা পনখিবা ইসুশিং অমদি চেলেঞ্জশিং অসিনা রিকম্মেন্দেসনশিং অসি শেম্বদা অমদি নেসনেলগী থাক্তা অমসুং ফোরেস্ত দিপার্তমেন্তশিংনা মশা মশাগী রাজ্যশিং অনিমক্তা এক্সনশিং লৌখৎনবগী লিস্ত শেম্বদা মতেং ওইগনি৷ পুথোরক্লিবা “নেসনেল ফোরেস্ত ফাইয়র মেনেজমেন্ত প্রোজেক্ত” খন্ন নৈনখি অমদি খন্ন-নৈনরবা অমসুং লৌশিং পুথোক্নরবা মতুংদা সোলুসনশিং ফংনবা হোৎনখি অমদি ৱার্কশোপ অসিনা মসিগী ফ্যুচর প্রোজেক্ত অসিগীদমক তোঙান তোঙানবা মরু ওইবা কম্পোনেন্তশিং হাপখি৷ প্রোজেক্ত অসিনা ফোরেস্ত ফাইয়র মেনেজমেন্ততা ইফেক্তিব অমদি ইফিসিয়েন্ত ওইবা মল্তি-দিপার্তমেন্ত রেস্পোন্স পীগনি৷

******

(Release ID: 1826168) Visitor Counter : 154