فولاد کے مرکزی وزیر جناب رام چندر پرساد سنگھ نے جمعہ کو گنگٹوک میں کہا کہ وزیر اعظم سے تحریک حاصل کرتے ہوئے ہم سب کو بلا جھجک ہندی میں بات اور کام کرنا چاہیے۔ سکم کی راجدھانی میں جمعہ کو منعقدہ فولاد کی وزارت کی ہندی صلاحکار سمیتی میٹنگ کی صدارت کرتے ہوئے جناب سنگھ نے ہندوستان کی پہلی ریاست کے طور پر ابھرنے پر ریاست اور اس کے عوام کی تعریف کی جس نے سب سے زیادہ فی کس آمدنی اور صد فیصد نامیاتی کاشتکاری حاصل کی ہے۔ اس بات کی طرف اشارہ کرتے ہوئے کہ زبانیں لوگوں کو باندھتی ہیں، انہیں کبھی نہیں توڑتی ہیں، جب تک کہ انہیں زبردستی نافذ نہ کیا جائے وزیر موصوف نے کہا کہ ہم سب کو مادری زبان اور سرکاری زبان ہندی دونوں کے لیے انتھک محنت کرنی چاہیے۔

اس میٹنگ سے فولاد کے وزیر مملکت جناب فگن سنگھ کلستے نے بھی خطاب کیا۔ انہوں نے مشاورتی کمیٹی کے شریک اراکین کو یقین دلایا کہ وزارت اور اس کے تمام پی ایس یوز ہندی کے استعمال کے بارے میں ان کی قیمتی تجاویز کو لاگو کرنے کے لیے کام کریں گے۔

فولاد کے وزیر جناب سنگھ نے اس موقع پر مختلف پی ایس یوز کے نمائندوں کو راج بھاشا نشٹھا سمان سونپا۔ انہوں نے اور وزیر مملکت جناب کلستے نے  فولاد کی وزارت کے پی ایس یوز کے ذریعہ ہندی میں شائع ہونے والے ہاؤس میگزین کے خصوصی ایڈیشن کا بھی اجراء کیا۔

اس سے پہلے فولاد کی وزارت کے سکریٹری جناب سنجے سنگھ نے کہا کہ یہ بہترین وقت ہے جب وزارت ہمارے تمام سیٹ اپ میں ہندی کے صد فیصد نفاذ کو یقینی بنا سکتی ہے۔

فولاد کی وزارت کے تمام آٹھ پی ایس یوز کے سی ایم ڈیز اور ایم ڈیز یا اعلیٰ حکام، وزارت کی ہندی مشاورتی کمیٹی کے غیر سرکاری اراکین نے میٹنگ میں شرکت کی۔ اس سال کمیٹی کا یہ دوسرا جائزہ اجلاس تھا۔ پہلا جائزہ اجلاس مارچ 2022 میں مدورئی میں منعقد ہوا تھا۔

*****

ش ح۔م ع۔ع ن

                                                                                                                                      (U: 5401)