গেহু এক্সপোর্ত তৌবদা অথিংবা থম্বগী ৱারেপ অসিনা চিঞ্জাক্কী মমলশিং কন্ত্রোল তৌগনি, শেল-থুম ৱারিবা লৈবাকশিং অমদি ভারতকী ফুদ সেক্যুরিতী মপাঙ্গল লৈহনগনি অমসুং ভারতনা কন্ত্রেক পুম্নমক ইকাই খুম্নরিবনা লৈবাক অসিনা চৎনবা য়াবা সপ্লাইয়র অমা অদুমক ওইগনি হায়না সরকারনা ফোংদোকখ্রে৷

দিপার্তমেন্ত ওফ ফুদ এন্দ কঞ্জুমর এফিয়র্সকী সেক্রেতরী শ্রী সুধানশু পান্দে অমদি এগ্রীকলচরগী সেক্রেতরী শ্রী মনোজ অহুজাগা লোইননা পাংথোকখিবা প্রেস কনফরেন্স অমদা ৱা ঙাংলদুনা, লেত্তর ওফ ক্রেদিৎ ইসু  তৌখ্রবা এক্সপোর্ত ওর্দর পুম্নমক পাংথোক্লগনি হায়না কম্মর্স সেক্রেতরীনা ফোংদোকখি৷ সরকারগী চেনেলশিংগী খুৎথাংদা গেহু এক্সপোর্ত তৌবনা ঐখোয়গী য়ুমথংনবশিং অমদি চিঞ্জাক্কী অৱাৎপা লৈরিবা লৈবাকশিংগী তশেং-তশেংনা তঙাই ফদনা দরকার ওইরিবা অদু পীবদা নত্তনা ইনফ্লেসনরী এক্সপেক্তেসনশিংসু কন্ত্রোল তৌবা ঙম্লগনি হায়না মহাক্না মখাতাখি৷

গেহুগী লৈরিবা চাং অসিগী মতাংদা পল্লদুনা, শ্রী সুব্রামনিয়মনা হায়খি, “ভারতকী ফুদ সেক্যুরিতীদগী হেন্দোক্তুনা, সরকারনা য়ুমথংনরিবশিং অমদি ফিভম শোকপা য়ানা লৈরিবা লৈবাকশিংগী ফুদ সেক্যুরিতী লৈহন্নবা হোৎনরি,” হায়না মহাক্না ফোংদোকখি৷

কন্ত্রোল ওর্দরনা মরু ওইবা হিরম অহুমগী মথৌ তৌরি হায়না মহাক্না ফোংদোকখি: “মসিনা লৈবাক্কীদমক ফুদ সেক্যুরিতী ঙাক শেন্দুনা থম্মী, মসিনা অৱাবা তারবশিংবু মতেং পাংই অমদি মসিনা সপ্লাইয়র অমা ওইরিবা লৈরিবা ভারতকী থাজবা মাংহন্দনা থম্মী,” হায়না মহাক্না ফোংদোকখি৷

এক্সপোর্তকী মতাংদা সরকারগী ওর্দরনা গেহুগী মার্কেৎতা ময়েক শেংবা দাইরেক্সন অমা পীখিরম্মী হায়না মহাক্না ফোংদোকখি৷ “গেহুশিংবু পৈশিন্দুনা থম্বা নত্রগা ফিভম শোকপা য়ানা লৈরিবা লৈবাকশিংদা লৈরিবা চিঞ্জাক্কী অৱাৎপশিং অসি মেনখৎপদা থৌদাং লৌরোইদবা মফমশিংদা ঐখোয়না গেহুবু মওং-মরিল তাদবা মওংদা চৎহনখিবা পামদে৷ মসিনা মরম ওইদুনা সরকার সরকারগী ওইবা ৱিন্দো হাংদুনা থমখিবনি,” হায়না মহাক্না ফোংদোকখি৷

লৈবাক অসিগী চিঞ্জিক্কী স্তোকশিং মরাং-কাইনা লৈ হায়না দিপার্তমেন্ত ওফ ফুদ এন্দ পব্লিক দিস্ত্রিব্যুসনগী সেক্রেতরী শ্রী সুধানশু পান্দেনা ফোংদোকখি৷

রাজ্যশিংগা তান্নরবা মতুংদা, কেন্দ্রনা গেহু অমদি চেংগী রেসিওশিং হোংদোক্তুনা ক্বান্তিতী খরা অমুক হন্না এলোকেত তৌখ্রে হায়না মহাক্না মখাতাখি৷ খুদম ওইনা হায়রবদা, ৬০:৪০গী রেসিওগী গেহু অমদি চেং ফংলিবা রাজ্যশিংনা মদু ৪০:৬০গী রেসিওদা ফংগনি৷ মতৌ অসিগুম্না, ৭৫:২৫গী রেসিও অসি ৬০:৪০ ওইহল্লি৷ চেংগী এলোকেসন জিরো লৈবা মফমশিংদা, মখোয়না মখাতানা গেহু ফংগনি৷ অপিকপা রাজ্য পুম্নমক্কী ওইনদি-এন.ই. রাজ্যশিং অমদি অখন্নবা কাংলুপ্তা লৈরিবা রাজ্যশিং, এলোকেসন অসিদা অহোংবা লৈতে৷

অমুক হন্না এলোকেসন তৌবগী ফল ওইনা, “মসিগা লোইননা, ঐখোয়না গেহু ফংবগী চাং এল.এম.তি.১১০-১১১ ফাওবা হেনগৎহনখ্রে৷ মদু এল.এম.তি. ১৮৫দা হাংচিল্লদুনা, চাং অসি এল.এম.তি. ২৯৬ ওইরকই, মসি মমাংগী চহিদা লৈখিবা অদুগী চাংরোম্নি,” হায়না মহাক্না মখাতাখি৷

চহি অসিদা হীত ৱেবশিংনা গেহু মহৈ-মরোংশিং অসি মরু ওইনা ভারতকী অৱাং-নোংচুপ থংবা মাইকৈদা শোকহনখ্রে অদুবু হৌখিবা চহিগা য়েংনরুবা মতমদা ফংবগী চাংদা খেন্নরিবা অসি খজিক্তনি হায়না এগ্রীকলচর সেক্রেতরী শ্রী মনোজ অহুজানা ফোংদোকখি৷  

“হৌখিবা চহিদা লৈবাক অসিগীদমক গেহু পুথোকপগী চাং অসি এল.এম.তি. ১০৯ ওইখি৷ চহি অসিগী ফেব্রুৱারী থাদা, ঐখোয়না চহি অসিগী ওইনা পুথোক্কদৌরিবা চাং অদু মাংজৌননা পাথোকখ্রে অমদি ঐখোয়না পাবদা চাওরাক্না এল.এম.তি. ১১১ ওইখি৷ ঐখোয়না পারিবা অসিনা চহি অসিগী ওইনা গেহু ফংবগী চাং অসি এল.এম.তি. ১০৫-১০৬ ওইগনি হায়না উৎলি অমদি ক্বান্তিতী অমদি ফংবগী চাংদা য়েংলুবা মতমদা হৌখিবা চহিগীগা মান্নরি,” হায়না মহাক্না মখাতাখি৷

******