প্রধান মন্ত্রী শ্রী নরেন্দ্র মোদীনা সভাপতি ওইদুনা মে ৫দা হীত ৱেব অমদি মুন্সুনগী চেকশিন-থৌরাং লৌখৎনবগীদমক ফমখিবা রিভ্যু মীফম অদুগী মতুং তারকপা ওইনা, নেস্নেল দিজাস্তর মেনেজমেন্ত ওথোরিতী (এন.দি.এম.এ.)না সাউথ-ৱেস্ত মুন্সুনগী লৈরিবা প্রি-মুন্সুন/মুন্সুনগী ফিভম য়েংশিন্নবা মীফম অমা পাংথোকখি৷মীফম অসিদা ইন্দিয়ন মেতিওরোলোজিকেল দিপার্তমেন্ত (আই.এম.দি.), নেস্নেল রিমোত সেন্সিং সেন্তর (এন.আর.এস.সি.), সেন্ত্রেল ৱাতর কম্মিসন (সি.দবল্যু.সি.) ইন্তিগ্রেতেদ দিফেন্স স্তাফ, নেস্নেল দিজাস্তর রেস্পোন্স ফোর্স (এন.দি.আর.এফ.), ইন্দিয়ন কোস্ত গার্দ, হাউজিং অমদি আর্বান এফিয়র্স মন্ত্রালয় অমদি হোম এফিয়র্স মন্ত্রালয়গী ওফিসরশিং অমদি সাইন্তিস্তশিংগা লোইননা ইশিং-ইচাউ তোইনা থোক্কনবা রাজ্যশিং/য়ুনিয়ন তেরিতোরী ১৯গী রিসাইন্দেন্ত কম্মিশনারশিংনা শরুক য়াখি৷

মীফম অদুনা রাজ্যশিং/য়ুনিয়ন তেরিতোরী ১৯গী স্তেত ওফ দিজাস্তর মেনেজমেন্ত প্লানশিং (এস.দি.এম.পি.শিং) য়েংশিনখি৷ স্তেত ইমর্জেন্সী ওপরেসন সেন্তরশিং অমদি দিস্ত্রিক ইমর্জেন্সী ওপরেসন সেন্তরশিংবু (দি.ই.ও.সি.শিং) চহি অমদা নুমিৎ ৩৬৫, ২৪ X ৭তা মথৌ তৌহন্নবা খন্ন-নৈনখিবনি৷ সাউথ-ৱেস্ত মুন্সুন, ২০২২গী ফোর্কাস্তপু নোর্মেল ওইরবা য়াই হায়না আই.এম.দি.না খঙহল্লকখি৷ ইশিং-ইচাউ থোকপগা মরী লৈননা খ্বাইদগী ফিভম শোকপা য়ানা লৈরিবা মফমশিংগীদমক প্রি-মুন্সুন দিপ্লাইমেন্ত প্লান তৌননবগীদমক এন.দি.আর.এফ.না মাংজৌননা রাজ্যশিং/য়ুনিয়ন তেরিতোরীশিংগা তাথোক-তাশিন তৌখ্রে৷

প্রধান মন্ত্রী শ্রী নরেন্দ্র মোদীগী রিকম্মেন্দেসনশিংগী মতুং ইন্না, ইন্তিগ্রেতেদ ফ্লদ আর্লী ৱার্নিং সিস্তেমগা লোইননা দিসিজন সপোর্ত সিস্তেম শিজিন্নবগী কন্সেপ্ত অদুসু খন্নখি৷ করিগুম্বা সিস্তেম অসি হায়রিবা রাজ্যশিং অসিগী মুনিসিপাল বোদীশিংনা শিজিন্নরবদি শহরগী মফমশিংদা থোক্লিবা ইশিং-ইচাউ অসি হন্থহনবদা চাওনা মতেং পাংগদৌরিবনা সিস্তেম অসি শিজিন্নবগী তঙাই ফদবা লৈরে হায়না অখন্ননা ফোংদোকখি৷ রিজর্বরশিং অমদি দামশিংগী দেঞ্জর অমদি ৱার্নিং লেবেলশিংসু য়েংশিনখি অমদি মতম চানা য়েংশিন্নবগী তঙাই ফদবসু লৈরি হায়না ফোংদোকখি৷

জিলাশিং অমদি রাজ্যশিংগী থাক্তা লৈরিবা তোঙান তোঙানবা থাকশিংদা থোক্লিবা দিজাস্তরশিং অসি য়েংশিনবদা মতেং পাংনবা আপদা মিত্র ভোলুন্তিয়পশিং দিপ্লোই তৌবগা লোইননা লৈঙোইগী খানিশিং অমদি কোইলাগী খানিশিংদা ইশিং থুমজিনবগী নৌনা থোক্লক্লিবা অনৌবা থ্রেতশিংসু খন্ন-নৈনখি৷ গিয়রশিং অমদি ইক্ব্যুইপমেন্ত মতম চানা লৌশিনবা অমসুং স্তোর তৌনবসু খন্ন-নৈনখি৷ ইম্পেক্ত বেজ আর্বান ফ্লদ ফোর্কাস্তিং অমদি ফ্লাশ ফ্লদ তোইনা থোকপা মফমশিংসু পনখি৷ রাজ্য কয়ামরোমগী “ফ্লদ হজার্দ জোনেসন এতলাস” শেম-শাবদা এন.আর.এস.সি.গী ইফর্তশিংসু পনখি৷ লাক্কদৌরিবা মুন্সুন সিজনদা শিবগী চাং অসি জিরোদা হন্থহন্নবগী পান্দম অমা ফংবা ঙম্নবা আর্লী ৱার্নিং ইফেক্তিব ওইনা শন্দোক্নবা তোঙান তোঙানবা গুগল এলর্তশিংগা লোইননা দামিনি এপ; নাউকাস্ত শিজিন্ননবসু ফোংদোকখি৷

******