অকোইবগী ফিভম অমসুং ঊমংগী মন্ত্রালয়
কেন্দ্রগী এন্ভাইরনমেন্ত মন্ত্রী ভুপেন্দর য়াদবনা অইং অশাগী খল কায়থরকপগী মতাঙদা পাঙথোকপা ব্রিক্সকী অৱাংবা থাক্কী মীফমদা ৱা ঙাঙখ্রে
চাওখৎলক্লিবা লৈবাকশিংনা ক্লাইমেৎ এক্সনশিং পায়ৎপসি য়ু.এন.এফ.সি.সি.সি. অমসুং পেরিস এগ্রীমেন্তনা পীরিবা ক্লাইমেৎ ফাইনান্স, তেক্নোলোজী ত্রান্সফর অমসুং অতৈ ইমপ্লিমেন্তেসনগী ঙাক্লৌ মতিক চানা ফংহন্নবগী মখাদনি: শ্রী ভুপেন্দর য়াদব
Posted On:
14 MAY 2022 1:57PM by PIB Imphal
অকোয়বগী ফীভম, উমং অমসুং অইং অশাগী খল কায়থরকপগী কেন্দ্র মন্ত্রী শ্রী ভুপেন্দর য়াদবনা মে ১৩, ২০২২দা ব্রিক্সকী অৱাংবা থাক্কী মীফমদা ভর্চুএল ওইনা শরুক য়াখ্রে। অইং অশাগী খল কায়থরকপগী মতাঙদা পাঙথোকপা ব্রিক্সকী অৱাংবা থাক্কী মীফমদুদা ৱা ঙাঙলদুনা, মন্ত্রীনা অইং অশাগী খল কায়থরকপা থেংননবা, লো-কার্বোন অমসুং রেজিলিএন্ত ত্রাঞ্জিসন খোঙজেল য়াঙখৎহন্নবা লম্বী থিনবা, অমসুং তুং কোইগদবা রিকভরী অমসুং শেমগৎ শাগৎপগী পান্দম ফংনবগীদমক ফোরম অসিগী থৌদাংগী মরমদা ৱাফম কয়া ফোঙদোকখি।
ব্রিক্সকী অৱাংবা থাক্কী মীফম অদু রিপব্লিক ওফ চাইনাগী ইকোলোজী এন্দ এনভাইরনমেন্ত মন্ত্রী ঐচ.ই. মিস্তর হ্বাং রুংচিউনা থৌরম মপু ওইদুনা পাঙথোকখি অমদি ব্রাজিল, রসিয়া, ভারত অমসুং খা অফ্রিকা য়াওনা ব্রিক্স লৈবাকশিংগী এনভাইরনমেন্ত মন্ত্রীশিংনা শরুক য়াখি।
মহাক্কী ৱারোলদা কেন্দ্র মন্ত্রীনা পরম চুম্না শীজিন্নবা অমদি ফত্ত-হৌদি হন্থহনবদা য়ুম্ফম ওইবা তুং কোইগদবা পুন্সি মহিং য়োকখৎপা য়াওনা অকনবা ক্লাইমেৎ এক্সনশিংদা লৈরিবা ভারতকী ফিরেপকী মরমদা ৱাফম কয়া থমখি। মীৎয়েঙ শানবা প্রধান মন্ত্রী শ্রী নরেন্দ্র মোদীগী লুচিং মখাদা ঙসি ভারতনা রিনিউএবল ইনর্জী, কুং কোইগদবা হৈনবী, অহেনবা উমং শেমদুনা অমসুং উ-ৱা থাজিন্দুনা কার্বোন সিঙ্কশিং শেমবা, তুং কোইগদবা চত্থোক চৎশিনগী থৌওং, ই-মোবিলিতী, প্রাভেৎ সেক্তরবু ক্লাইমেৎ কম্মিৎমেন্ত লৈহনবনচিংবা হীরমশিংদা মোবিলাইজ তৌবগী লমদা ভারতনা কমদৌনা ফিদম অমা ওইনা লমজিংলিবগে হায়বগী মতাঙদা এনভাইরনমেন্ত মন্ত্রীনা ব্রিক্স মিনিস্ত্রিএলদা পাউদমখি।
ভারতনা খোঙজেল লৈনা শেন্মিৎলোন চাওখৎপবু গ্রীনহাউস গ্যাস থাদোকপগা মরী থদৎনরিবগে হায়বগী মতাঙদা শ্রী য়াদবনা পনখি। চাওখৎলক্লিবা লৈবাকশিংনা ক্লাইমেৎ এক্সনশিং পায়ৎপসি য়ু.এন.এফ.সি.সি.সি. অমসুং পেরিস এগ্রীমেন্তনা পীরিবা ক্লাইমেৎ ফাইনান্স, তেক্নোলোজী ত্রান্সফর অমসুং অতৈ ইমপ্লিমেন্তেসনগী ঙাক্লৌ মতিক চানা ফংহন্নবগী মখাদনি হায়নসু শ্রী য়াদবনা পনখি। গ্লাসগোগী ৱারেপ অমসুং সি.ও.পি. ২৬ প্রসিদেন্সীনা ফোঙখিবা ক্লাইমেৎ ফাইনান্স দেলিভরী প্লানগী মতুং ইন্না ক্লাইমেৎ ফাইনান্স ফংবা ঙমগনি হায়না মহাক্না থাজবা ফোঙদোকখি।
ব্রিক্স এনভাইরনমেন্ত মন্ত্রীশিংনা অইং অশা হোংলকপগী মতাঙদা খুৎশম্ননা চৎমিন্নবা অমসুং তেংবাংনবগী মচাক পাকথোক চাউথোকহনবা অমদি মনুং হঞ্জিনহনবগী মতাঙদা মখোয়গী ফিরেপ ফোঙদোক্নখি। মখা তানা, লৈবাকশিং অদুনা অকোয়বগী ফীভম অমসুং অইং অশা হোংলকপগী হীরমশিংদা খুজিল থৌরাং য়াৎমিন্নবা অমসুং তেংবাংমিন্ননবা ৱাফম য়ানখি। অপুনবা ৱারোল অমসু থোকখি।
***
(Release ID: 1825353)
Visitor Counter : 108