আয়ুশ মন্ত্রালয়না প্রধান মন্ত্রী, শ্রী নরেন্দ্র মোদীগী ‘হিল ইন ইন্দিয়া, হীল বাই ইন্দিয়া’গী মঙলান অসিবু মঙফাওনহন্নবা অমসুং মীয়ামদা ক্বালিতী লৈবা আয়ুশ সার্বিসশিং ফংহন্নবা মরু ওইবা খোংথাং অমা লৌখৎখ্রে। আয়ুশ সেক্রেতরী, পদমাশ্রী ভেদ্যা রাজেশ কোতেচানা আয়ুরবেদ ইন্সতিত্যুত মঙাদা এন্ত্রী লেভেলগী এন.এ.বি.ঐচ. সার্তিফিকেতশিং পীখ্রে।  

মসিগী সার্তিফেকেতশীং অসি হেল্থকিয়র ওর্গনাইজেশনশিংগীদমক্তা এক্রেদিতেশন প্রোগ্রাম লৈহন্নবা অমসুং মথৌ তৌহন্নবা লিংখৎখিবা ক্বালিতী কাউন্সিল ওফ ইন্দিয়াগী কন্সতিত্যুএন্ত বোর্দ  অমা ওইরিবা নেস্নেল এক্রেদিতেশন বোর্দ ফোর হোসপিতালস এন্দ হেল্থকিয়র প্রোভাইদরস (এন.এ.বি.ঐচ.)না পীখি। এন.এ.বি.ঐচ.কী চীফ একজিক্যুতিব ওফিসর, দা. আতুল মোহন কোছারনা অতোপ্পা দিগ্নিতরীশিংগা লোইননা থৌরম অদুদা শরুক য়াখি।

থৌরম অদুদা, শ্রী কোতেচানা মসিগী থৌরম অসি লৈবাক অসিগী আয়ুরবেদ হোসপিতালশিং অমসুং ইন্সতিত্যুশনশীংগীদমক্তা য়াম্না মরু ওইনা হায়খি। লৈবাক অসিগী মফম কয়াদা লৈরিবা দোক্তরশিংনা মসিগী খুদোংচাবা লৌগদবনি হায়না মহাক্না হায়খি। মসিগী সার্তিফিকেশন অসি ক্বালিতী লৈহন্নবগী মাইকৈদা য়াম্না মরু ওইবা খোংথাং অমনি হায়না মহাক্না হায়খি। “ঐখোয়না আয়ুশকী দিসিপ্লিন অসিবু ইকাইখুম্নগদবা মওংদা মালেম শিনবা থুংনা শন্দোকপা হায়বসি তঙাইফদে। ঐহাক্না মসিগী ফেসিলিতী অসিবু মীপুম খুদিংমক্না খুদোংচাবা লৌগদবনি হায়না হায়জরি।” হায়না মহাক্না মখা তাখি।

গুজরাতকী ব্রহ্মা মল্তি স্পেসিয়েলিতী হোসপিতালগী মেনেজিং দাইরেক্তর, দা. নরায়ন জি. শাহানেনা হায়খি “লৈবাক অসিদা আয়ুরবেদ অমসুং আয়ুশ হোসপিতালশিংগি মশিং হেনগৎলক্লিবা মওং অসিদা, মসিগী সার্তিফিকেশন অসিনা বোর্দ খুদিংমক্তা ক্বালিতী লৈহনবদা মতেং পাংগনি। মসিনা মালেমগী মফম কয়াদগী লাইয়েংনবগীদমক্তা লাক্লিবা মীশিংদআ থাজবসু হেনগৎহনগনি।”

এন্ত্রী লেভেলগ এন.এ.বি.ঐচ. সার্তিফিএকেতশিং অসি ত্রিসুর (কেরলা)গী পেরুমবায়িল আয়ুরবেদমনা হোসপিতাল, চেন্নাই (তামিল নাদু)গী আরোগ্যা হেল্থকিয়র প্রাইভেত লিমিতেদ, গান্ধিনাগর (গুজরাত)কী প্রেমস্বরুপ সবামি আবুরবেদিক মল্তিস্পেসিয়েলিতী হোসপিতাল, নাদিয়াদ (গুজরাত)কী ব্রহ্মা আয়ুরবেদ মল্তিসপএসিয়েলিতী হোসপিতাল, অমসুং পুত্তুর (কর্নাতকা)গী সুশ্রিতা আয়ুর্বেদ হোসপিতালদা পীখি।

*********

(Release ID: 1825292) Visitor Counter : 144