সাইন্স অমসুং তেক্নোলোজী মন্ত্রালয়
azadi ka amrit mahotsav

কেন্দ্রগী মন্ত্রী দা. জিতেন্দ্র সিংহনা ইন্দিজিনস ইনোবেসনগা লোয়ননা সস্তেনেবল স্তার্ত-অপশিং হৌদোক্নবা হায়খ্রে

মন্ত্রীনা আত্মনির্ভর ভারতকীদমক মালেমগী থাক্তা বেঞ্চমার্ক থম্বা ঙম্বা তেক্নোলোজী অমসুং প্রদক্তশিং খঙদোক্নবা অসামগী জোর্হাৎতা “আইকোনিক ৭৫ ইন্দস্ত্রী কন্নেক্ত (‘আই’ কন্নেক্ত)” হৌদোকখ্রে

দা. জিতেন্দ্র সিংহনা মীচম প্রজাদা কান্নগদবা কত্তিং এদজ তেক্নোলোজী অমসুং প্রদক্তশিং পুথোক্নবা একাদেমিয়া অমসুং ইন্দস্ত্রীগী মরক্তা লৈরিবা মরীশিং মখা তানা মপাঙ্গল কনখৎহন্নবা হায়খ্রে

Posted On: 12 MAY 2022 3:54PM by PIB Imphal

আর্থ সাইন্সেস মন্ত্রালয়গী কেন্দ্রগী রাজ্য মন্ত্রী (ইন্দিপেন্দেন্ত চার্জ), সাইন্স অমসুং তেক্নোলোজী মন্ত্রালয়গী রাজ্য মন্ত্রী (ইন্দিপেন্দেন্ত চার্জ) এম.ও.এস. পি.এম.ও অমসুং পর্সনেল এন্দ পব্লিক গ্রিভান্সেস মন্ত্রালয়গী রাজ্য মন্ত্রী দা. জিতেন্দ্র সিংহনা ঙসি ইন্দিজিনস ইনোবেসনগা লোয়ননা সস্তেনেবল স্তার্ত-অপশিং শেমগৎনবা অকনবা ৱাফম থমখ্রে। মহাক্না স্তার্ত-অপশিং অসি সস্তেনেবল ওইহন্নবা ইনোবেসন অসি দাইনামিক প্রোসেস অমা ওইহনবা তাই হায়না ফোঙদোকখি।

অসামগী জোর্হাৎতা “আইকনিক ৭৫ ইন্দস্ত্রী কন্নেক্ত (‘আই’ কন্নেক্ত)” হৌদোকপগী থৌরমদা ৱা ঙাংবদা দা. জিতেন্দ্র সিংহনা হায়খি নহা ওইরিবা ওন্তপ্রিনোরশিংগী ইনোবেতিব স্তার্ত-অপশিংনা মথংগী চহি ২৫গী মতিক-ময়াই লৈরবা খোঙচৎ, মালেম অসিদা মাংজিল থারিবা লৈবাক অমা ওইনা ভারতনা মাগী নীংতম্বা ফংবগী চহি ১০০ শুরকপা পালন তৌবা মতম, অসিগীদমক থৌদাং লৌবা তাই। মহাক্না হায়খি, ইন্দস্ত্রী কন্নেক্তকী পান্দম অসি লৈবাক অসিবু আত্মনির্ভর ওইহন্নবা অমসুং মশানা পোত্থোক পুথোকচবা ঙম্নবা মালেমগী থাক্তা বেঞ্চমার্ক থম্বা ঙম্বা তেক্নোলোজী অমসুং প্রদক্তশিং খঙদোকপা অসিনি। মহাক্না হায়খি, অমরোমদা ঐখোয়গী রিসর্চ এস্তেব্লিশমেন্তসিং অসি খুৎলাই মতিক চানা লৈ অমসুং মালেমগী থাক্কী তেক্নোলোজী অমসুং প্রদক্তশিং লেবোরেতরীদা দিবেলপ তৌবা ঙম্মি, অদুবু লৈবাক অসিগী মীচম মীয়ামদা কান্নবা ফংহন্নবা পোৎলমশিং অসি মার্কেৎতা য়ৌহনবা অমসুং খুন্নাইদা য়ৌহনবদা অৱাৎপা অমা লৈরি।

https://static.pib.gov.in/WriteReadData/userfiles/image/Jorhat01IRM2.jpg

 

দা. জিতেন্দ্র সিংহনা হায়খি, রিসর্চ অমসুং ইন্দস্ত্রীনা চাউখৎহন্নবা রেসিপ্রোকেল ওইবা মরী অমা লৈনরি অমসুং মহাক্না ইন্দস্ত্রীদা মালেমগী থাক্কী প্রদক্তশিং শাদুনা লেবোরতরীশিংদগী মার্কেৎতা য়ৌহন্নবা মতিক চাবা ইনভেস্তমেন্ত তৌবগী খুত্থাংদা আর এন্দ দি.দা চপ মান্নবা স্তেকশিং লৈহন্নবা হায়খি। মহাক্না ভারত অমসুং মালেমগী মার্কেৎশিংদা নিচ অমা লৈহন্নবা প্রদক্তশিংগী ব্রান্দ বিল্দিং তৌবগী মথৌ তাবা অদুসু ফোঙদোকখি।

প্রধান মন্ত্রী নরেন্দ্র মোদীগী গভর্নমেন্ত-ইন্দস্ত্রী কন্নেক্তকী বিজন অসি পল্লদুনা দা. জিতেন্দ্র সিংহনা হায়খি, আইকনিক ৭৫ ইন্দস্ত্রী কন্নেক্ত (‘আই’ কন্নেক্ত)কী থৌরমশিং অসিনা থিমেতিক/ফোকস এরিয়া ১০দা ইন্দস্ত্রীগা লোয়ননা পার্তনরশিপ তৌনবা পান্দম থমখি। মহাক্না হায়খি, মসি ইন্দস্ত্রীদা য়ৌশিন্নবা দি.এস.আই.আর./সি.এস.আই.আর., দি.বি.তি., এম.ও.ই.এস. অমসুং ভারত সরকারগী অতোপ্পা সাইন্তিফিক দিপার্তমেন্তশিংগী অপুনবা খোঙথাংশিংনি। সাইন্সকী সাইন্তিফিক দিপার্তমেন্ত কয়ামরুমনা অমত্তা ওইনা পুনশিনবা হায়বা অসি মমাংদা অমুক্তা উখিদ্রিবা থৌওং অমনি অমসুং “তীম স্পিরিৎ” অসি সরকার অসিগী মরু ওইবা মন্ত্রনি হায়না মন্ত্রীনা মখা তাখি।

দা. জিতেন্দ্র সিংহনা হায়খি, অসামগী জোর্হাৎতগী ইন্দস্ত্রী আই-কন্নেক্তকী সিরিজ হৌদোকখিবা অসি প্রধান মন্ত্রীনা অৱাং-নোংপোক লমদম চাউখৎহনবদা মরু ওইবা মীৎয়েং চংখিবা অসিদগী ইথিল ফংখি। ২০১৪দা মোদীনা সরকার অসিনা চাউখৎপা ৱাৎলিবা অৱাং-নোংপোক, জে এন্দ কে অমসুং অতোপ্পা চিংগী রাজ্যশিং অমসুং ঈথৎকী লমদমশিং অসি লৈবাক অসিগী চাউখৎলবা লমদমগা থাক মান্ননা পুরক্নবা মরু ওইবা মীৎয়েং চংগনি হায়না ময়েক শেংনা ফোঙদোকখিবা লৈ হায়না মহাক্না নীংশিংখি। মন্ত্রীনা এন.ই. রিজন অসি মতিক-মতিক নীংথিনা খঙদোক্ত্রিবা লমদম অমনি, মাগী মমল য়াম্লবা বাইও-দাইবর্সিতী অমসুং অচৌবা ৱাগী রিসোর্সশিং লৈবনা মরম ওইরগা তুংগী স্তার্ত-অপশিং, ওন্তপ্রিনোর্শিপ অমসুং অনৌবা ইনভেস্তমেন্তগী লমথুংফম অমা ওইরগনি হায়না থাজবা ফোঙদোকখি।

দা. জিতেন্দ্র সিংহনা সি.এস.আই.আর., ইস্রো, দি.এ.ই., দি.আর.দি.ও., আই.সি.এ.আর.গুম্বা সাইন্তিফিক ওর্গনাইজেসনশিং অমদি দি.বি.তি., দি.এস.তি. অমসুং এম.ও.ই.এস.না ভারতকী চাউখৎ-থৌরাংগী খোঙচৎ অসিদা লৌখিবা থৌদাং অদুবু থাগৎপা ফোঙদোকখি অমসুং মসিগা লোয়ননা ইন্দস্ত্রী লেবশিংদগী কৈথেলদা তেক্নোলোজীশিং পুরকপগী থৌওংশিং অসি খঙই হায়না মহাক্না ফোঙদোকখি। মসি য়েংলগা ইন্দস্ত্রীগা পার্তনরশিপ তৌবা অসি য়াম্না মরু ওই অমসুং কত্তিং এদজ তেক্নোলোজী অমসুং প্রদক্তশিং পুথোক্নবা একাদেমিয়া অমসুং ইন্দস্ত্রীগী মরক্তা লৈরিবা মরীশিং মখা তানা মপাঙ্গল কনখৎহন্নবা অমসুং প্রধান মন্ত্রীগী ‘সমার্থ” অমসুং “আত্মনির্ভর ভারত”কী মঙলান অসি মঙফাওনবা ঙমহন্নবা অতেনবা মতমগী মতুংদা মখোয়বু দেলিবর তৌনবা হায়খ্রে।

 

https://static.pib.gov.in/WriteReadData/userfiles/image/Jorhat3S65P.jpeg

দা. জিতেন্দ্র সিংহনা লৈবাক অসিগী মাংজিল থারিবা ইন্দস্ত্রিএল রিসর্চ ওর্গনাইজেসন ওইরিবা সি.এস.আই.আর. অসি ইন্দস্ত্রীগা লোয়ননা অচেৎপা মরী লৈনবগীদমক খঙনরি হায়না ফোঙদোকখি অমসুং মমাংদা মসিনা মমিং ওইনা খরা পল্লবদা কেতলিস্ত ইন্দস্ত্রী, এগ্রোকেমিকেল, ফার্মা অমসুং লেদর অসিগুম্বা লমশিংদা ইন্দস্ত্রীশিংবু চাউখৎহনখি অমসুং মতেং পীখি হায়খ্রে। মন্ত্রীনা ‘আই’-কন্নেক্ত খুদিংমক্তা বিজিনেস(শিং) থৌগৎনবা অমসুং চাউখৎহনবা ঙমগদবা মেগা ইন্দস্ত্রী কনফরেন্স, প্লেনরী তোক, তেক্নিকেল একজিবিসন, বি২বি মীতিং, রাউন্দ তেবল দিস্কসন লোয়ননা ব্রেকাউত সেসন অসিগুম্বা প্রোগ্রাম কয়ামরুম য়াওহন্নবা হায়খ্রে।

দা. জিতেন্দ্র সিংহনা ঙসিগী থৌরম অসিনা তেক্নোলোকী এক্সপর্তশিং, সরকারগী লুচিংবশিং, একাদেমিক স্কোলরশিং, ইন্দস্ত্রী কেপ্তেনশিং অমসুং স্তার্ত-অপশিংগী মরু ওইবা কাংলুপকী মরক্তা ৱারী-ৱাতাই শানবা; ফন্দিং, তেক্নোলোজী দিবেলপমেন্ত, তেক্নোলোজী ত্রান্সফরদা মীৎয়েং থম্বা অপুনবা মওং অমদা এম.এস.এম.ই. অমসুং স্তার্ত-অপশিংদা মতেং পীনবা; ফোকস এরিয়াশিংদা নেৎৱার্ক মশক খঙদোক্নবা অমসুং শেমগৎনবা (সরকারগী স্কিম, আর এন্দ সি সেৎঅপ, ইন্দস্ত্রী, এম.এস.এম.ই.শিং, স্তার্ত-অপ, একাদেমিয়া); অমসুং ইন্দস্ত্রীগী তঙাই ফদবশিং খঙদোক্নবা ফম্পাক অমা পীরগনি হায়না ফোঙদোকখি। মসিনা ইন্দস্ত্রী অমসুং অতোপ্পা স্তেকহোল্দরশিংগা লোয়ননা সিনর্জিস্তিক কোল্লাবোরেসন হেন্না তৌনবা লম্বী য়াৎকনি হায়না মহাক্না থাজবা থমখি।

মহাক্কী লোইশিনবগী ৱারোলদা দা. জিতেন্দ্র সিংহনা হায়খি, সাইন্স এন্দ তেক্নোলোজী অমসুং আর্থ সাইন্সেস মন্ত্রালয়শিংগী এস এন্দ তি এরিয়া কয়ামরুমদা মাইপাকখিবশিং উৎনবা মসিগী ৭৫ ইন্দস্ত্রী কন্নেক্ত (‘আই’-কন্নেক্ত)কী অখন্নবা থৌরমশিংগী সিরিজ অসিনা অসিনা চাউখৎলবা ভারত অমসুং মাগী মীয়াম, নাৎ অমসুং মাইপাকপশিংগী মতিক-মঙাল লৈরবা পুৱারী অসিগী চহি ৭৫ শুবগী পালন তৌরিবা ভারত সরকারগী আজাদী কা অমৃৎ মহোৎসব পাঙথোক্লিবা অসিগী মখাদা পাঙথোকপা অখন্নবা থৌরম কয়ামরুমগী শরুক অমনি। মহাক্না হায়খি, আজাদী কা অমৃত মহোৎসব অসি লৈবাক অসিগী অওনবা পুরকপগী খোঙচৎ অসিদা মরু ওইবা থৌদাং লৌখিবা অমসুং প্রধান মন্ত্রী শ্রী নরেন্দ্র মোদীজীগী আত্মনির্ভর ভারত অমসুং গ্লোবেল ইকনোমী অমগীদমক লৌখৎখিবা থৌশিল-থৌরাংশিং শৌগৎনবা তৌবা ঙম্বা অমসুং অচেৎপা ফিরেপ উৎখিবা ইরৈবাকচা খুদিংমক্তা কত্থোক্লি।

মন্ত্রীনা হায়খি, থৌরমশিং অসিগী ফল ওইনা মহাক্না কোল্লবোরেতিব রিসর্চ অমসুং তেক্নোলোজী দিবেলপমেন্তগী থিমেতিক এরিয়াশিংগী হ্বাইৎ পেপরশিং ফংনবা থাজবা থম্লি। মসিগী অকক্নবা পান্দমশিং অমসুং অকক্নবা তাইমলাইনশিংগা লোয়ননা মসি মাইপাকপা ঙম্নবা নীংথিনা য়াৎথোক্লবা প্লান/রোদমেপ থম্বা তাই।

অসাম সরকারগী হকশেল অমসুং য়াইফ য়ুম্বাল অমসুং সাইন্স এন্দ তেক্নোলোজী মন্ত্রী, শ্রী কেশব মহন্তানা মহাক্কী ৱারোলদা হায়খি মদুদি সি.এস.আই.আর. কম্পেন্দিয়ম ওফ তেক্নোলোজীস ফোর ওন্তপ্রিনোর্শিপ ওফ রিলেভেন্স ইন নোর্থ ইস্ত ইন্দিয়া অসিনা অপুনবা লমদম অসিদা তেক্নোলোজী- বেজ ওন্তপ্রিনোর্শিপ শেমগৎপদা মতেং পাংগনি। মহাক্না হায়খি মদুদি অসাম সরকার অসিনা জাতি অমসুং মালেমগী থাক্তা লোকেল ইনোবেসন অমসুং স্তার্ত-অপশিং চাউখৎহন্নবা শেলগী তেংবাং পীরি। ক্লাইমেৎ চেঞ্জ অসিনা মীৎয়েং চংলিবা মরু ওইবা হীরম অমা ওইরক্লি অমসুং সরকারনা অসিগুম্বা শীংনবশিং অসি মায়োক্নবা ঙম্নবা গ্রীন সোল্যুসনশিং পুথোক্নবা ইন্দস্ত্রী অমসুং একাদেমিয়াগা খুৎশম্নরি হায়না মহাক্না ফোঙদোকখি।

নিতি আয়োগকী মেম্বর দা. ভি.কে. সরস্বৎনা মহাক্কী ৱারোলদা হৌখিবা চহি ৭-৮ অসিদা ভারতনা গ্লোবেল ইনোবেসন ইন্দেক্সতা ৮৫শুবদা লৈরম্বদগী ৪৭শুবা রেঙ্কতা হায়গৎলকপা ঙমখি অমসুং লৈবাক অসিগী স্তার্ত-অপশিংগী কলচরদা অচৌবা কলচরেল শিফ অমা লাকহনবা ঙমগনি হায়না ফোঙদোকখি। মহাক্না হায়খি, ঐখোয়না ইনোবেসন ইকোসিস্তেমদা ইন্দস্ত্রী হেন্না হেন্না পুশিল্লক্তুনা ইনোবেসন ইন্দেক্সতা হেনগৎহনবা ঙমগনি।

মেদিসিনেল, এরোমাতিক অমসুং ফ্লোরিকলচর প্লান্তশিং অমসুং মখোয়গী ভেল্যু এদিসন, ফুদ তেক্নোলোজীশিং অমসুং লেদর অমদি লেদর প্রদক্তশিং অসিগুম্বা লমশিংদা সি.এস.আই.আর. তেক্নোলোজীশিংগী প্রজেন্সন অমা মীতিন অসি পাঙথোক্ত্রিঙৈ মমাংদা উৎখি।

দা. জিতেন্দ্র সিংহনা থৌরম অসিদা সি.এস.আই.আর. কম্পেন্দিয়ম ওফ তেক্নোলোজীস ফোর ওন্তপ্রিনোর্শিপ ওফ রিলেভেন্স ইন নোর্থ ইস্ত ইন্দিয়াসু ফোঙখি।

 

https://static.pib.gov.in/WriteReadData/userfiles/image/Jorhat4TLV8.jpeg

 

***



(Release ID: 1824977) Visitor Counter : 24


Read this release in: English , Urdu , Hindi