য়ুমলৈ-কৈরৈ মন্ত্রালয়
হোম অমসুং কোওপরেসনগী কেন্দ্র মন্ত্রী, শ্রী অমিত শাহনা ঙসি অসামগী তামুলপুরদা বি.এস.এফ.কী সেন্ত্রেল ৱর্কশোপ এন্দ স্তোর (সি.ই.এন.সবল্যু.ও.এস.তি.ও.)গী উরেপ-উয়ুং তমখ্রে অমসুং সি.এ.পি.এফ.কী কেন্তিন্দা খাদি এন্দ ভিলেজ ইন্দস্ত্রীজকী প্রদক্তশিং য়োনবা হৌহনখ্রে
Posted On:
09 MAY 2022 6:23PM by PIB Imphal
গৃহ মন্ত্রীনা অসামগী ইন্দো-বাংলাদেশ ঙমখৈদা লৈবা মনকাচর বি.ও.পি.দা চৎতুনা সেক্যুরিতীগী শিল-লাংলিবশিং অমসুং কম্প্রিহেন্সিব ইন্তিগ্রেতেদ বোর্দর মেনেজমেন্ত সিস্তেম য়েংশিনখ্রে
ঐহাক্না বোরোলেন্দদা চৎপা খুদিং ঐহাক্না দিল্লীদা অনৌবা থৌনা অমসুং য়াইফ-মঙ্গোল কয়াগা লোয়ননা হল্লকই
চহি তরেৎকী মমাংদা অসামগী বিধান সভা মীখলশিংদা ঐখোয়না করিগুম্বা সরকার শেম্বা তারবদি ঐখোয়না অসামদগী তেরোরিজম মরু ফংনা মুত্থৎকনি হায়না ৱাশকখি
প্রধান মন্ত্রী, শ্রী নরেন্দ্র মোদীগী লুচিং মখাদা অমসুং অসামগী মুখ্য মন্ত্রী, শ্রী হিমন্তা বিশ্বা শর্ম, ভারতকী গৃহ মন্ত্রালয়না চোকথবা লৈতনা হোৎনরিবশিং অসিনা খুৎলাই পাইবা লুপ পুম্নমক্কা ৱারী শাদুনা অসামদা শান্তি পুরকপা ঙমখি
অসাম খক্তদা খুৎলাই পাইবা লুপশিংদগী মীওই ৯,০০০ হেনবনা চংজরকখি অমসুং নেস্নেল মেনস্ত্রীমদা য়াওশিনখি অমসুং খ্বাইদগী মরু ওইবা খুদমদি বোরোলেন্দ একোর্দ অসিনা ওইরি
ঐখোয়না লমদম অসিবু নোংমৈ মরু, তেরোরিজম অমসুং বোম্ব ব্লাস্তশিংদগী ফ্রী ওইহনগনি, অমসুং এজুকেসন, ইন্দস্ত্রী, এমপ্লোইমেন্ত অমসুং এগ্রিকলচরদা চাউখৎহনগনি হায়খি
ঙসি ভারত সরকার অমসুং অসাম সরকারনা অতেনবা মতমগী মনুংদা য়ান্ন-ৱারোল অসিগী শরুক চাদা ৯০ থুংহনবা ঙম্বদা ঐখোয়না য়াম্না অপেনবা পোকই অমসুং বোরোলেন্দদা ঐখোয়না শকখিবা ৱাশক অদু থুংহনবা ঙম্লে
ঙসি ফাওবদা অসাম লেজিস্লেতিব এসেমব্লীগী স্পীকর বোরোগী নহারোল অমা হেক্তনা ওইবা হায়বা অসি ওইথোক্লমখিদে অদুবু ঙসিদি অসাম লেজিস্লেতিব এসেমব্লীগী স্পীকর অসি বোরোলেন্দদগী ঐখোয়গী ইনাওনা ওইরি, অসাম অমসুং বোরোলেন্দনা মহাক্কীদমক চাউথোকচাবা পোকই
ঐহাক্না অমুক্কা হন্না বোরোলেন্দগী মীয়ামদা থাজবা পীরি মদুদি বোরোলেন্দগী মীয়ামবু সোসিএলী, কলচরেলরী, ইকনোমিকেল্লী অমসুং পোলিতিকেল্লী হেন্না শক্তি পীগনি
মফম অসিগী লোল, নাৎ অমসুং শেন্মীৎলোন চাউখৎহনবা হায়বা অসি নখোয়গী খক্তদা মরু ওইবতা নত্তনা মসি ভারত সরকার অমসুং অসাম সরকার অনিমক্কী ওইনা মরু ওই
বি.তি.আর. এগ্রীমেন্তগী মখাদা ঐখোয়না চহি ৩গী মনুংদা বি.তি.আর.গী চাউখৎ-থৌরাংগীদমক লুপা করোর ১,৫০০ পীথখি
ঙসি অখন্নবা পেকেজ পুম্বা অসি অয়াবা পীদুনা অসাম সরকার অমসুং ভারত সরকারনা লুপা করোর ১,৫০গী মহুৎ লুপা করোর১,৯৮০ পীথখ্রে অমসুং মসিদা ঐখোয়না ইন্সতিত্যুস্নেল দিবেলপমেন্তদা মীৎয়েং চংখি
ভারত সরকারদগী অয়াবা ঙাইদুনা দি.পি.আর.গী লুপা করোর ৫০০ লৈরি অমসুং য়াম্না অতেনবা মতমগী মনুংদা ঐখোয়না মসি অয়াবা পীরগনি
ঙসি ঐহাক্না বোরোলেন্দগী মীয়ামদা থাজবা পীজনীংই মদুদি সরকার অসিনা শ্রী নরেন্দ্র মোদীগী লুচিং মখাদা বোরো লমদমদা হীরম খুদিংদা চাউখৎপা পুরক্নবা হোৎনরি
সরকারনা বোরো লমদমগী নাৎকী ওইবা মশক, লোল, ঈশৈ-নোংমাই অমসুং জগোই য়োকখৎনবা অমসুং চাউখৎহন্নবা অমসুং মাগী পোলিতিকেল এম্পাৱরমেন্ত তৌনবা হোৎনরি
আর্মদ ফোর্সেসকী সেন্ত্রেল ৱর্কশোপ এন্দ স্তোর অমা লিংখৎখিবগা লোয়ননা অসাম মশানা খুৎলাইশিং রিপিয়র অমসুং সপ্লাই তৌজরগনি অমদি মসিনা রাজ্য অসিগী ঙাকশেল হেনগৎহনবা ঙম্লগনি
লুপা করোর ৫০গী ইনভেস্তমেন্ত অমসু তৌগদৌরি, সাউথ বেঙ্গল, নোর্থ বেঙ্গল, গুৱাহাতি, শিল্লোং, মনিপুর, চছার অমসধং ত্রিপুরা ফ্রন্তিয়ত অসিদা আর্ম অমসুং এম্ম্যুনিসন সপ্লাই তৌরগনি অমসুং মফম অসিদা রিপিয়রশিং তৌরগনি
মসিগা লোয়ননা খাদি এন্দ ভিলেজ বোর্দকী প্রদক্তশিং পেরামিলিতরী কেন্তিন ১০৭তা ফংহল্লগনি
খাদি ভিলেজ ইন্দস্ত্রীজ বোর্দনা খুঙ্গংগী চাউখৎ-থৌরাংগীদমক থবক তৌবা খক্তা নত্তনা খাদি ভিলেজ ইন্দস্ত্রী বোর্দকী থৌদাং অসি থবক ফংদবদা থবক পীবনি
থবক ফংদবগী সমস্যাশিং অসিগী ৱারোইশিন অসি খাদি ভিলেজ ইন্দস্ত্রীজ বোর্দকী থবক-থৌরমশিংগী মখা পোল্লি অমসুং ঙসি শ্রী নরেন্দ্র মোদীনা প্রধান মন্ত্রী ওইরবা মতুংদা খাদি ভিলেজ ইন্দস্ত্রীজ বোর্দকী তর্নওভর চাদা ২৫০ হেনগৎলকপা অমসুং মাগী অপুনবা তর্নওভর লুপা করোর লাখ অমা হেল্লকপা অসিদা ঐহাক্না অপেনবা পোকই
করিগুম্বা অসি খাদি ভিলেজ ইন্দস্ত্রীজ বোর্দকী তর্নওভর অসি লুপা করোর লাখ অমা হেল্লবদি মীওই করর কয়ানা থবক ফংলগনি
বোরোলেন্দ অমসুং অসাম অসি হনী মিসনগীদমক য়াম্না চুনরবা মফমশিংনি, মসি খঙনা খাদি এন্দ ভিলেজ ইন্দস্ত্রীজনা বোরো লৌমীশিংবু হনী মিসনগা লোয়ননা কন্নেক্ত তৌদুনা মখোয়গী শেন্থোক হেনগৎহন্নবা হোৎনগদবনি
করিগুম্বা খাদি এন্দ ভিলেজ ইন্দস্ত্রীজনা বোরোলেন্দ অসিবু মিসন অসিগী মখাদা পুরকপা ঙম্লবদি মতম শাংনা খুৎলাই পাইদুনা ঈগী লান শোক্নদুনা লৈরিবা বোরো নহারোকশিংদা থবক পীরগনি
খাদি অসি গান্ধীজীনা পীবিরম্বা স্বদেসি মন্ত্র অমসুং শ্রী নরেন্দ্র মোদীগী আত্মনির্ভর ভারত ওইনবগী মঙলানশিংনি থুংহন্নবা মন্ত্রনি, খাদি হায়বা ৱাহন্থোক অসিদা প্যুরিতী য়াওরি, পেরামিলিতরী জৱানশিংনা কেন্তিন পুম্নমক্তা অথুবদা ভিলেজ ইন্দস্ত্রীজ প্রদক্তশিং য়োনবা হৌগদৌরিবা অসিদা ঐহাক্না য়াম্না নুংঙাইবা পোকই
কেন্দ্রগী হোম অমসুং কোওপরেসন মন্ত্রী শ্রী অমিত শাহনা ঙসি মহাক্কী নুমিৎ নিনিগী অসাম খোঙচৎকী অহানবা নুমিৎতা তামুলপুরগী বোর্দর সেক্যুরিতী ফোর্স (বি.এস.এফ.)কী সেন্ত্রেল ৱর্কশোপ এন্দ স্তোর (সি.ই.এন.দবল্যু.ও.এস.তি.ও.)গী উরেপ-উয়ুং তমখ্রে। শ্রী অমিত শাহনা সেন্ত্রেল আর্মদ পুলিস ফোর্সশিংগী (সি.এ.পি.এফ.শিং) কেন্তিন্দা খাদি এন্দ ভিলেজ ইন্দস্ত্রীজকী প্রদক্তশিং য়োনবসু হৌহনখ্রে। অদামগী মুখ্য মন্ত্রী দা. হিমন্তা বিশ্বা শর্ম, বোরোলেন্দ তেরিতোরিএল রিজন চীফ একজিক্যুতিব মেম্বর (সি.ই.এম.) প্রমোদ বোরো, কেন্দ্রগী হোম সেক্রেতরী, বি.এস.এফ.কী দিরেক্তর জেনরেল অমসুং খাদি ভিলেজ ইন্দস্ত্রীজ বোর্দকী চিয়রমেনসু থৌরম অসিদা শরুক য়াখি।
![https://static.pib.gov.in/WriteReadData/userfiles/image/1(1)L8K2.JPG](https://static.pib.gov.in/WriteReadData/userfiles/image/1(1)L8K2.JPG)
তামুলপুরদা শিনখিবা থৌরম অমদা ৱা ঙাংলদুনা কেন্দ্রগী হোম অমসুং কোওপরেসন মন্ত্রীনা হায়খি মহাক্না বোরোলেন্দদা চৎপা খুদিং মহাক্না দিল্লীদা অনৌবা থৌনা অমসুং য়াইফ-মঙ্গোল কয়াগা লোয়ননা হল্লকই। মহাক্না চহি তরেৎকী মমাংদা বোরোলেন্দদা অহানবা ওইনা চৎপা মতমদা ঐখোয়গী সরকারনা শক্তি পাইদ্রি অমসুং মফম অসিগী নহারোলশিংনা খুৎলাই পাইখি অমসুং রাজনিতীগী ওইবা হিংশা চত্থখি অমসুং নহারোল কয়া শীখি হায়না মহাক্না ফোঙদোকখি। মতম অদুদা পাঙথোকপা অসামগী বিধান সভা মীখলশিংদা ঐখোয়না করিগুম্বা সরকার শেম্বা তারবদি ঐখোয়না অসামদগী তেরোরিজম মুত্থৎকনি হায়না ৱাশকখি। প্রধান মন্ত্রী, শ্রী নরেন্দ্র মোদীগী লুচিং মখাদা অমসুং অসামগী মুখ্য মন্ত্রী, শ্রী হিমন্তা বিশ্বা শর্ম, ভারতকী গৃহ মন্ত্রালয়না চোকথবা লৈতনা হোৎনরিবশিং অসিনা খুৎলাই পাইবা লুপ পুম্নমক্কা ৱারী শাদুনা অসামদা শান্তি পুরকপা ঙমখি। অসাম খক্তদা খুৎলাই পাইবা লুপশিংদগী মীওই ৯,০০০ হেনবনা চংজরকখি অমসুং নেস্নেল মেনস্ত্রীমদা য়াওশিনখি অমসুং খ্বাইদগী মরু ওইবা খুদমদি বোরোলেন্দ একোর্দ অসিনা ওইরি।
![https://static.pib.gov.in/WriteReadData/userfiles/image/2JG5F.JPG](https://static.pib.gov.in/WriteReadData/userfiles/image/2JG5F.JPG)
শ্রী অমিত শাহনা ঐখোয়না লমদম অসিবু নোংমৈ মরু, তেরোরিজম অমসুং বোম্ব ব্লাস্তশিংদগী ফ্রী ওইহনগনি হায়খি হায়না ফোঙদোকখি। এজুকেসন, ইন্দস্ত্রী, এমপ্লোইমেন্ত অমসুং এগ্রিকলচরদা চাউখৎহনগনি হায়খি। ঙসি ভারত সরকার অমসুং অসাম সরকারনা অতেনবা মতমগী মনুংদা য়ান্ন-ৱারোল অসিগী শরুক চাদা ৯০ থুংহনবা ঙম্বদা য়াম্না অপেনবা পোকই অমসুং বোরোলেন্দদা ঐখোয়না শকখিবা ৱাশক অদু থুংহনবা ঙম্লে হায়না ফোঙদোকখি। শ্রী শাহনা মমাংদা অসাম লেজিস্লেতিব এসেমব্লীগী স্পীকর বোরোগী নহারোল অমা হেক্তনা ওইবা হায়বা অসি ওইথোক্লমখিদে অদুবু ঙসিদি অসাম লেজিস্লেতিব এসেমব্লীগী স্পীকর অসি বোরোলেন্দদগী ঐখোয়গী ইনাওনা ওইরি। অসাম অমসুং বোরোলেন্দনা মহাক্কীদমক চাউথোকচাবা পোকই হায়না ফোঙদোকখি। কেন্দ্রগী গৃহ মন্ত্রীনা হায়খি, ঐহাক্না অমুক্কা হন্না মফম অসিগী মীয়ামদা থাজবা পীরি মদুদি বোরোলেন্দগী মীয়ামবু সোসিএলী, কলচরেলরী, ইকনোমিকেল্লী অমসুং পোলিতিকেল্লী হেন্না শক্তি পীগনি। মফম অসিগী লোল, নাৎ অমসুং শেন্মীৎলোন চাউখৎহনবা হায়বা অসি নখোয়গী খক্তদা মরু ওইবতা নত্তনা মসি ভারত সরকার অমসুং অসাম সরকার অনিমক্কী ওইনা মরু ওই।
![https://static.pib.gov.in/WriteReadData/userfiles/image/33YW7.JPG](https://static.pib.gov.in/WriteReadData/userfiles/image/33YW7.JPG)
কেন্দ্রগী গৃহ মন্ত্রীনা হায়খি বি.তি.আর. এগ্রীমেন্তগী মতুং ইন্না ঐখোয়না চহি ৩গী মনুংদা বি.তি.আর.গী চাউখৎ-থৌরাংগীদমক লুপা করোর ১,৫০০ পীথখি, ঙসি অসাম সরকার অমসুং ভারত সরকারনা লুপা করোর ১,৯৮০ পীথখ্রে অমসুং মসিদা ঐখোয়না ইন্সতিত্যুস্নেল দিবেলপমেন্তদা মীৎয়েং চংখি। ভারত সরকারদগী অয়াবা ঙাইদুনা দি.পি.আর.গী লুপা করোর ৫০০ লৈরি অমসুং য়াম্না অতেনবা মতমগী মনুংদা ঐখোয়না মসি অয়াবা পীরগনি। শ্রী শাহনা হায়খি মদুদি ঙসি ঐহাক্না বোরোলেন্দগী মীয়ামদা থাজবা পীজনীংই মদুদি সরকার অসিনা শ্রী নরেন্দ্র মোদীগী লুচিং মখাদা বোরো লমদমদা হীরম খুদিংদা চাউখৎপা পুরক্নবা হোৎনগনি। সরকারনা বোরো লমদমগী নাৎকী ওইবা মশক, লোল, ঈশৈ-নোংমাই অমসুং জগোই য়োকখৎনবা অমসুং চাউখৎহন্নবা অমসুং মাগী পোলিতিকেল এম্পাৱরমেন্ত তৌনবা হোৎনরি।
![https://static.pib.gov.in/WriteReadData/userfiles/image/4AWS1.JPG](https://static.pib.gov.in/WriteReadData/userfiles/image/4AWS1.JPG)
শ্রী অমিত শাহনা হায়খি মদুদি সেন্ত্রেল আর্মদ ফোর্সেসকী সেন্ত্রেল ৱর্কশোপ এন্দ স্তোর অমা লিংখৎখিবগা লোয়ননা অসাম মশানা খুৎলাইশিং রিপিয়র অমসুং সপ্লাই তৌজরগনি অমদি মসিনা রাজ্য অসিগী ঙাকশেল হেনগৎহনবা ঙম্লগনি। মসিগা লোয়ননা লুপা করোর ৫০গী ইনভেস্তমেন্ত অমসু তৌগদৌরি। সাউথ বেঙ্গল, নোর্থ বেঙ্গল, গুৱাহাতি, শিল্লোং, মনিপুর, চছার অমসধং ত্রিপুরা ফ্রন্তিয়ত অসিদা আর্ম অমসুং এম্ম্যুনিসন সপ্লাই তৌরগনি অমসুং মফম অসিদা রিপিয়রশিং তৌরগনি। মসিগা লোয়ননা মফম অসিদা থবক পীবা হেনগৎলগনি অমসুং লুপা করোর ২৫ তুংশিনবা ঙম্লগনি। লোয়ননা খাদি এন্দ ভিলেজ কম্মিসনগী প্রদক্তশিং পেরামিলিতরী কেন্তিন ১০৭তা ফংহল্লগনি। মহাক্না হায়খি খাদি ভিলেজ ইন্দস্ত্রীজ বোর্দনা খুঙ্গংগী চাউখৎ-থৌরাংগীদমক থবক তৌবা খক্তা নত্তনা খাদি ভিলেজ ইন্দস্ত্রী বোর্দকী থৌদাং অসি থবক ফংদবদা থবক পীবনি। মহাক্না হায়খি থবক ফংদবগী সমস্যাশিং অসিগী ৱারোইশিন অসি খাদি ভিলেজ ইন্দস্ত্রীজ বোর্দকী থবক-থৌরমশিংগী মখা পোল্লি অমসুং ঙসি শ্রী নরেন্দ্র মোদীনা প্রধান মন্ত্রী ওইরবা মতুংদা খাদি ভিলেজ ইন্দস্ত্রীজ বোর্দকী তর্নওভর চাদা ২৫০ হেনগৎলকপা অমসুং মাগী অপুনবা তর্নওভর লুপা করোর লাখ অমা হেল্লকপা অসিদা ঐহাক্না অপেনবা পোকই, মসিদগী মীওই করোর কয়ানা থবক ফংলগনি।
![https://static.pib.gov.in/WriteReadData/userfiles/image/1MBOG.JPG](https://static.pib.gov.in/WriteReadData/userfiles/image/1MBOG.JPG)
কেন্দ্রগী গৃহ অমসুং কোওপরেসন মন্ত্রীনা হায়খি বোরোলেন্দ অমসুং অসাম অসি হনী মিসনগীদমক য়াম্না চুনরবা মফমশিংনি। মসি খঙনা খাদি এন্দ ভিলেজ ইন্দস্ত্রীজনা বোরো লৌমীশিংবু হনী মিসনগা লোয়ননা কন্নেক্ত তৌদুনা মখোয়গী শেন্থোক হেনগৎহন্নবা হোৎনগদবনি। বোরোলেন্দ অসি চফু শাবা, হনী মিসন, ধুপ শাবা, এগ্রো বেজ প্রোসেসিং য়ুনিৎশিং, পেপর ইন্দস্ত্রী, ফুৎৱেয়র দিজাইন, উ অমসুং উপু-কাংথোল য়াওনা লম কয়াদা য়াম্না চুন্নৈ। করিগুম্বা খাদি এন্দ ভিলেজ ইন্দস্ত্রীজনা বোরোলেন্দ অসিবু মিসন অসিগী মখাদা পুরকপা ঙম্লবদি মতম শাংনা খুৎলাই পাইদুনা ঈগী লান শোক্নদুনা লৈরিবা বোরো নহারোকশিংদা থবক পীরগনি। মহাক্না হায়খি খাদি অসি গান্ধীজীনা পীবিরম্বা স্বদেসি মন্ত্র অমসুং শ্রী নরেন্দ্র মোদীগী আত্মনির্ভর ভারত ওইনবগী মঙলানশিংনি থুংহন্নবা মন্ত্রনি। খাদি হায়বা ৱাহন্থোক অসিদা প্যুরিতী য়াওরি। পেরামিলিতরী জৱানশিংনা কেন্তিন পুম্নমক্তা অথুবদা ভিলেজ ইন্দস্ত্রীজ প্রদক্তশিং য়োনবা হৌগদৌরিবা অসিদা ঐহাক্না য়াম্না নুংঙাইবা পোকই।
![https://static.pib.gov.in/WriteReadData/userfiles/image/3(1)Q73D.JPG](https://static.pib.gov.in/WriteReadData/userfiles/image/3(1)Q73D.JPG)
মমাংদা গৃহ মন্ত্রীনা ইন্দো-বাংলাদেশ ঙমখৈদা লৈবা মনকাচর বি.ও.পি.দা চৎখি অমসুং সেক্যুরিতীগী শিল-লাংলিবশিং অমসুং কম্প্রিহেন্সিব ইন্তিগ্রেতেদ বোর্দর মেনেজমেন্ত সিস্তেম য়েংশিনখি। মহাক্কী ত্বিতশিংদা শ্রী অমিত শাহনা হায়খি প্রধান মন্ত্রী, শ্রী নরেন্দ্র মোদীগী লুচিং মখাদা ভারত সরকারনা ঐখোয়গী ঙমখৈশিং ঙাকশেন্নবা লৈরিবা ঐখোয়গী সেক্যুরিতী ফোর্সশিংদা মতমচগা চুনরবা তেক্নোলোজী পীরি। ঙমখৈগী মফমশিংদা লৈরিবা খ্বাইদগী চাউবা সমস্যাশিং অসি চাউখৎ-থৌরাং ৱাৎপনা মরম ওইরগা মাইগ্রেসন তৌবা অসিনি। মোদী সরকারনা লেপ্পা লৈতনা খুমাং চাউশিনহনবা অসিনা মাইগ্রেসন তৌবগী চাংদা চাউনা হন্থহনখি। মহাক্না ঙসি মনকাচর বি.ও.পি.গী ঙমখৈগী মফমদা লৈরিবা মীয়াম্না থৱায় য়াওবা অমসুং থাজবা থম্বা অসি উবদা য়াম্না নুংঙাইবা পোকই হায়না ফোঙদোকখি।
![https://static.pib.gov.in/WriteReadData/userfiles/image/3(2)LRSH.JPG](https://static.pib.gov.in/WriteReadData/userfiles/image/3(2)LRSH.JPG)
![https://static.pib.gov.in/WriteReadData/userfiles/image/6(1)PN1D.JPG](https://static.pib.gov.in/WriteReadData/userfiles/image/6(1)PN1D.JPG)
*****
(Release ID: 1824050)
Visitor Counter : 167