: মুম্বাই, মে ৭, ২০২২

মাইনোরিতী এফিয়র্সকী কেন্দ্র মন্ত্রী শ্রী মুখতার অবাস নাখবিনা ঙসি মু্ম্বাইগী হজ হাউসতা ‘খাদিম-উল-হুজাজ’কী নুমিৎ নিনিগী ওইবা ত্রেনিং কেম্প অমা হৌদোকখি৷

হায়রিবা “খাদিম-উল-হুজাজ” অসিনা মক্কা-মেদিনাদা লৈরিবা ভারতকী হজ পিলগ্রিমশিংবু মতেং পাংলগনি৷ পিলগ্রিমশিংগী হকশেল অমদি হাইজিনদা অখন্নবা মীৎয়েং চংনবা কেন্দ্র মন্ত্রী শ্রী নাখবিনা ময়ামদা তমশিনখি৷নুমিৎ নিনিগী ত্রেনিং কেম্প অসিদা, রাজ্য পুম্নমক্তদগী নুপী ত্রেনী ১২ য়াওনা “খাদিম-উল-হুজাজ” ৪০০ হেনবনা শরুক য়াগনি৷ মক্কা-মেদিনাদা লৈরিবা হজ পিলগ্রিমশিংগী লৈননবা, ত্রান্সপোর্ত, হেল্থ অমসুং সেফতী য়াওনা হজকা মরী লৈনবা প্রোসেস পুম্নমক মখোয়দা কুপথনা খঙহল্লগনি৷ ব্রিহান মুম্বাই মুনিসিপাল কোর্পোরেসন, দিজাস্তর মেনেজমেন্ত এজেন্সীশিং, হজ কম্মিতী ওফ ইন্দিয়াগী ওফিসিয়েলশিং, দোক্তরশিং, এয়রলাইন্স, কস্তমস অমসুং ইম্মিগ্রেসনগী ওফিসিয়েলশিংনা নুমিৎ নিনি হেন্না মীয়ামদা ত্রেনিং পীগনি৷

ভারতকী মুসলিম ৭৯,২৩৭না হজ ২০২২গীদমক চৎকনি৷ মসিদা চাদা ৫০রোমগী  চাংদি নুপীশিং ওইরি৷ মসিগী মনুংদা, ভারতকী মুসলিম ৫৬,৬০১দি ভারতকী হজ কম্মিতীগী খুৎথাংদা হজ ২০২২গীদমক চৎকনি অমদি  মুসলিম ২২,৬৩৬না হজ গ্রুপ ওর্গনাইজরশিং (ঐচ.জি.ও.শিং)গী খুৎথাংদা চৎকনি৷ ঐচ.জি.ও.শিংগী প্রোসেস পুম্বসু ত্রান্সপরেন্ত অমদি ওনলাইন ওইহনখ্রে৷ “মেহরাম” (নুপা য়াওদনা) মুসলিম নুপী ১৮০০ হেনবনা হজ ২০২২গীদমক চৎকনি, হায়রিবা নুপীশিং অসিনা লোত্তরী সিস্তেম য়াওদনা হজতা চৎকনি৷ হজ ২০২২গীদমক এপ্লিকেসন পুন্না ৮৩,১৪০ ফংখ্রে৷

ভারতকী হজ কম্মিতীগী খুৎথাংদা চৎকদৌরিবা হজ ২০২২ পিলগ্রিমশিংগীদমক এম্বার্কেসন পোইন্ত ১০-অহমেদবাদ, বেঙ্গলুরু, কোচিন, দিল্লী,গুৱাহতি, হায়দ্রবাদ, কোলকতা, লখনৌ, মুম্বাই অমদি শ্রীনগর লৈগনি৷

থৌরম অসিদা ৱা ঙাংলদুনা, কেন্দ্রগী মন্ত্রী হায়খি মদুদি হজ ২০২২ অসি হজ পিলগ্রিমশিংগী হকশেল অমদি য়াইফনবদা প্রাইয়োরিতী  পীদুনা মরু ওইবা রিফোর্মশিংগা লোইননা পাংথোক্লিবনি৷হজ ২০২২গী প্রোসেস পুম্বা ভারত সরকার অমদি সাউদি এরাবিয়া সরকারগী দরকার ওইরিবা গাইদলাইনশিংগা লোইননা প্লান তৌখ্রে৷ মসিগী মনুং চল্লিবশিং অদুদি ইলিজিবিলিতী ক্রাইতরিয়া, এজ লিমিত, হকশেলগা মরী লৈননা দরকার ওইরিবশিং য়াওরি৷

হৌখিবা চহি অনিদা কোরোনানা মরম ওইরগা হজ পিলগ্রিমেজ পাংথোকপা ঙমখিদে৷ অসুম্না ফোংদোক্লদুনা, মন্ত্রীনা মখাতাখি, “মখোয়না সবসিদী অমতা য়াওদনা হজ পাংথোক্কদৌরিবনা পিলগ্রিমশিংদা অহেনবা শেলগী পোৎলুম অমতা লৈহন্দনবা ঐখোয়না ঙমজবা পুম্নমক পুথোক্তুনা হোৎনরি৷ সাউদি এরাবিয়াদা লৈনবা, ত্রান্সপোর্ত তৌনবা অমদি অতোপ্পা তঙাই ফদবা খুদোংচাবশিং অহোংবা মমলশিংদা পীনবগী থৌওং চৎথরি”৷

কোবিদ ভেক্সিনেসনগী পীরিবা প্রোতোকোল অমদি ভারত সরকার অমসুং সাউদি এরাবিয়া সরকারনা লেপখিবা অতোপ্পা তঙাই ফদবা নোর্মশিং অসিগা মরী লৈননা হজ পিলগ্রিমশিং খনবগী থৌওং চৎথখ্রে হায়না শ্রী নাখবিনসু ফোংদোকখি৷

হজ পিলগ্রিমশিংদা ত্রান্সপরেন্ত ওইবা, এসেসিবল ওইবা, এফোর্দেবল ওইবা অমসুং হেন্না খুদোং চাহল্লিবা অসিগী মথক্তা মীয়ামগী হকশেলদা অমদি য়াইফননবা হজ ২০২২গী প্রোসেস পুম্ববু চাদা ১০০ দিজিতেল/ওনলাইন ওইহনবা হায়বসি অদুক্কী মতিক কান্নবা ওইখ্রে হায়না কেন্দ্রগী মন্ত্রীনা ফোংদোকখি৷ মতম অসিদা, হজ এপ্লিকেসন ৭২১৭০ ওনলাইনদা ফংখ্রে, মসি অচৌবা এচিবমেন্ত অমনি, হায়না মহাক্না মখাতানা ফোংদোকখি৷

মক্কা-মেদিনাদা একোমোদেসন/ত্রান্সপোর্তেসনগা মরী লৈনবা ই-পাউ পুম্নমক পীদুনা দিজিতেল হেল্থ কার্দ, “ই-মসিহা” হেল্থ ফেসিলিতী অমদি “ই-লগেজ প্রি-তেগ্গিং” হজ পিলগ্রিম পুম্নমক্তা ফংহল্লগনি হায়না শ্রী নাখবিনসু ফোংদোকখি৷

অহমেদবাদ এম্বার্কেসন পোইন্তনা গুজরাত পুম্বা কবর তৌরগনি৷ বেঙ্গালুরু এম্বার্কেসন পোইন্তনা কর্নাতকা পুম্বা অমদি আন্ধ্র প্রদেশকী চিতুর জিলা কবর তৌরগনি৷ কোচিন এম্বার্কেসন পোইন্তনা কেরলা, লক্ষাদ্বীপ, পুদুচেরী, তামিল নাদু অমদি অন্দামন অমসুং নিকোবর কবর তৌগনি৷ দিল্লী এম্বার্কেসন পোইন্তনা দিল্লী, পঞ্জাব, হরিয়ানা, হিমাচল প্রদেশ, চান্দিগর, উত্তরখন্দ, রাজস্থান, উত্তর প্রদেশকী নোংচুপ থংবা জিলাশিং কবর  তৌগনি৷গুৱাহতি এম্বার্কেসন পোইন্তনা অসাম, মেঘালয়, মনিপুর, অরুনাচল প্রদেশ, সিক্কিম অমদি নাগালেন্দ কবর তৌগনি৷ হায়দ্রবাদ এম্বার্কেসন পোইন্তনা আন্ধ্র প্রদেশ অমসুং তেলঙ্গনা কবর তৌগনি৷ কোলকতা এম্বার্কেসন পোইন্তনা ৱেস্ত বেঙ্গল, ওরিশা, ত্রিপুরা, ঝর্খন্দ অমসুং বিহার কবর তৌগনি৷ লখনৌ এম্বার্কেসন পোইন্তনা নোংচুপ থংবা শরুকশিং নত্তনা উত্তর প্রদেশকী শরুক পুম্নমক কবর  তৌগনি; মুম্বাই এম্বার্কেসন পোইন্তনা মহারাস্ত্র, গোৱা, মধ্য প্রদেশ, ছত্তিশগর, দামন অমসুং দিউ, দদ্রা অমসুং নগর হাভেলি অমদি শ্রীনগর এম্বার্কেসন পোইন্তনা জম্মু-কাশ্মীর, লেহ-লদাখ-কার্গিল কবর  তৌগনি৷

ভারতকী হজ কম্মিতীগী খুৎথাংদা তোঙান তোঙানবা রাজ্যশিংদগী হজ ২০২২দা মখাদা লৈরিবা ভারতকী মুসলিমশিংগী মশিং অসি য়াওরগনি৷ অন্দামন অমসুং নিকোবর ইথৎশিং- ১১৪; আন্ধ্র প্রদেশ- ১২০১; অসাম- ৩৫৪৪; বিহার- ২২১০; চান্দিগর- ২৫; ছত্তিশগর- ৪৩১; দদ্রা অমসুং নগর হাভেলি১৭; দামন অমসুং দিউ- ১৭; দিল্লী-৮৩৫; গোৱা-৬৭; গুজরাত- ২৫৩৩; হিমাচল প্রদেশ- ৩৮; হরিয়ানা- ৬১৭; জম্মু-কাশ্মীর- ৫২৮১; ঝর্খন্দ- ১৫৫৯; কর্নাতকা-২৭৬৪; কেরলা- ৫২৭৪; লক্ষাদ্বীপ- ১৫৯; মধ্য প্রদেশ- ১৭৮০; মহারাস্ত্র- ৪৮৭৪; মনিপুর- ৩৩৫; ওরিশা - ৪৬৬; পুদুচেরী- ৫২; পঞ্জাব- ২১৮; রাজস্থান- ২০৭২; তামিল নাদু- ১৪৯৮; ত্রিপুরা- ১০৮; উত্তর প্রদেশ- ৮৭০১; উত্তরখন্দ- ৪৮৫; ৱেস্ত বেঙ্গল- ৫৯১১; তেলঙ্গনা- ১৮২২  অমসুং লদাখ-২১৬৷

******