नवी दिल्‍ली, 9 मे 2022

 

केंद्रीय लोक सेवा आयोगाने 10 एप्रिल 2022 रोजी घेतलेल्या राष्ट्रीय संरक्षण अकादमी आणि नौदल अकादमीच्या लेखी परीक्षेतील (I) गुणांच्या आधारावर खाली उल्लेख केलेल्या अनुक्रमांकाचे उमेदवार 2 जानेवारी 2023 रोजी सुरु होणाऱ्या राष्ट्रीय संरक्षण अकादमीच्या 149व्या अभ्यासक्रमात आणि 111व्या भारतीय नौदल अकादमीच्या लष्कर, नौदल आणि हवाई दल यामध्ये सेवा बजावण्यासाठीच्या अभ्यासक्रमात प्रवेश घेण्यासाठी केंद्रीय संरक्षण मंत्रालयाच्या सेवा निवड मंडळाच्या  मुलाखतीसाठी पात्र ठरले आहेत. हे निकाल आयोगाच्या www.upsc.gov.in  या संकेतस्थळावर उपलब्ध आहेत.

या यादीत दर्शविलेल्या अनुक्रमांकांच्या उमेदवारांची उमेदवारी तात्पुरती आहे. त्यांना परीक्षेला प्रवेश देण्याबाबतच्या अटींना अनुसरून “उमेदवारांना लेखी परीक्षेच्या निकालाची घोषणा झाल्यानंतर दोन आठवड्यांच्या कालावधीत joinindianarmy.nic.in या भारतीय लष्कर निवड संकेतस्थळावर नोंदणी करण्याची विनंती करण्यात आली आहे. त्यानंतर सेवा निवड मंडळाच्या मुलाखतीसाठी निवड झालेली केंद्रे आणि तारखा यशस्वी उमेदवारांना देण्यात येतील आणि त्याची माहिती त्यांच्या नोंदणीकृत ईमेल आयडीवर कळविण्यात येईल. ज्या उमेदवाराने आधीच या संकेस्थळावर नोंदणी केली असेल त्यांनी पुन्हा नोंदणी करण्याची गरज नाही. या संदर्भात कोणतीही चौकशी अथवा लॉगीन समस्या असल्यास, तसा ईमेल dir-recruiting6-mod[at]nic[dot]in या ईमेल आयडी वर पाठवण्याची विनंती करण्यात आली आहे.” 

“उमेदवारांना वय आणि शैक्षणिक पात्रता यासंबंधीची मूळ कागदपत्रे सेवा निवड मंडळाच्या  मुलाखतीदरम्यान संबंधित सेवा निवड मंडळाकडे सादर करण्याची देखील विनंती करण्यात आली आहे.” उमेदवारांनी केंद्रीय सेवा आयोगाला त्यांची मूळ कागदपत्रे पाठवू नयेत. अधिक माहितीसाठी, उमेदवारांनी आयोगाच्या “सी” गेट जवळील सुविधा केंद्राशी प्रत्यक्षपणे अथवा 011-23385271/011-23381125/011-23098543  या टेलीफोन क्रमांकांवर, कोणत्याही कार्यालयीन कामकाजाच्या दिवशी सकाळी 10 ते संध्याकाळी 5 या वेळेत संपर्क साधावा. याबरोबरच, सेवा निवड मंडळ अथवा मुलाखत यांच्याशी संबंधित समस्यांकरिता ज्या उमेदवारांनी लष्कर हा पहिला पर्याय म्हणून निवडला आहे त्यांना 011-26175473 या टेलीफोन क्रमांकावर अथवा joinindianarmy.nic.in  या ईमेल आयडीवर संपर्क साधता येईल. त्याचप्रमाणे ज्या उमेदवारांनी नौदल हा पहिला पर्याय म्हणून निवडला आहे त्यांना 011-23010097या टेलीफोन क्रमांकावर अथवा officer-navy[at]nic[dot]in or joinindiannavy.gov.in  या ईमेल आयडीवर संपर्क साधता येईल तसेच ज्या उमेदवारांनी हवाई दल हा पहिला पर्याय म्हणून निवडला आहे त्यांना 011-23010231 Extn. 7645/7646/7610 या टेलीफोन क्रमांकावर अथवा www.careerindianairforce.cdac.in या ईमेल आयडीवर संपर्क साधता येईल.
 
अंतिम निकाल घोषित झाल्याच्या तारखेनंतर (सेवा निवड मंडळाच्या मुलाखती पूर्ण झाल्यानंतर) 15 दिवसांच्या आत आयोगाच्या संकेतस्थळावर उमेदवारांच्या गुणपत्रिका जाहीर केल्या जातील आणि त्यानंतर पुढील 30 दिवसांसाठी त्या संकेतस्थळावर उपलब्ध असतील.

निकालांसाठी कृपया येथे क्लिक करा 

* * *

S.Patil/S.Chitnis/D.Rane

 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 1823999) Visitor Counter : 160