হ্যুমেন রিসোর্স চাউখৎ-থৌরাংগী মন্ত্রালয়
azadi ka amrit mahotsav

চহি ৪গী ইন্তিগ্রেতেদ তিচর এজুকেসন প্রোগ্রাম (আই.তি.ই.পি.)গীদমক মহৈ-মশিং মন্ত্রালয়গী মখাদা এন.সি.তি.ই.না দর্খাশ কৌরি

Posted On: 01 MAY 2022 3:39PM by PIB Imphal

একাদমিক সেসন ২০২৩-২৪গীদমক নেসনেল কাউন্সিল ফোর তিচর এজুকেসন (এন.সি.তি.ই.)না চহি ৪গী ইন্তিগ্রেতেদ তিচর এজুকেসন প্রোগ্রামশিং (আই.তি.ই.পি.)গীদমক ওনলাইন দর্খাশ কৌরি৷ ২০২১গী ওক্তোবর ২২দা খঙহনখিবগী মতুং ইন্না আই.তি.ই.পি. অসি বি.এ., বি.এদ./বি.এস.সি. বি.এদ. অমসুং বি. কোম ওফর তৌরিবা দ্যুল-মেজর হোলিস্তিক বেচলর্স দিগ্রী অমনি৷ মসি তিচর এজুকেসনগা মরী লৈনবা নেসনেল এজুকেসন পোলিসী ২০২০গী মরু ওইবা মেন্দেৎশিংগী মনুংদা অমা ওইরি৷ মসি লৈবাক অসিদা লৈরিবা মল্তিদিসিপ্লিনরী কেন্দ্র/রাজ্য সরকারগী য়ুনিভর্সিতীশিং/ইন্সতিত্যুসনশিংদা ইহান হান্না পাইলোত মোদতা ফংহল্লগনি৷ হায়রিবা অসিমক্কী এদমিসন তৌবা অসি নেসনেল তেস্তিং এজেন্সী (এন.তি.এ.)না নেসনেল কম্মন এন্ত্রান্স তেস্ত (এন.সি.ই.তি.)গী খুৎথাংদা পাংথোক্লগনি৷

মহৈ-মশিং মন্ত্রালয়গী মখাদা নেসনেল কাউন্সিল ফোর তিচর এজুকেসন (এন.সি.তি.ই.)না এন.ই.পি. ২০২০গী মতুং ইন্না কোর্স অসিগীদমক কুরিকুলম শেমখ্রে, মসিনা হিস্ত্রী, মেথমেতিক্স, সাইন্স, আর্তস, ইকোনোমিক্স নত্রগা কম্মর্সকুম্বা স্পেসিয়েলাইজ দিসিপ্লিনদা অমদা এজুকেসনদা মহৈরোই-ওজা অমনা দিগ্রী অমা ফংহনবা ঙম্লগনি৷ আই.তি.ই.পি.না কত্তিং-এদজ পেদাগোগী পীগদৌরিবা খক্তা নত্তনা মসিনা আর্লী চাইল্দহুদ কেয়র অমসুং এজুকেসন (ই.সি.সি.ই.)দা, ফাউন্দেসনেল লিতরেসী অমসুং ন্যুমরেসী (এফ.এল.এন.), ইনক্লুসিব এজুকেসনদা ফাউন্দেসন অমা শেমগৎলগনি অমদি ভারতকী মরমদা অমদি লৈবাক অসিগী ভেল্যুশিং/এথোস/আর্ত/ত্রেদিসনশিংগী মরমদা নিংথিনা খঙহনবা ঙম্লগনি৷ সেকেন্দরীগী মতুংদা ওজাগী শিনফমবু খল্লিবা মহৈরোই পুম্নমক্কীদমক চহি ৪গী আই.তি.ই.পি. অসি ফংহল্লগনি৷ মসিগী ইন্তিগ্রেতেদ কোর্স অসিনা হৌজিক হৌজিক বি.এদ. প্লানদা চহি মঙা চংলিবা অসিগী মহুৎতা চহি মরি চংহন্দুনা মহৈরোইশিংনা চহি অমা কন্দুনা মহৈরোইশিংদা কান্নবা পীরগনি৷ চহি ৪গী আই.তি.ই.পি. অসি নেসনেল এজুকেসন পোলিসী ২০২০গী মরু ওইবা মেন্দেৎশিংগী মনুংদা ফংবা ঙম্লিবা মাইলস্তোন এচিবমেন্ত অমনি৷ কোর্স অসিনা ওজাগী এজুকেসন সেক্তর পুম্ববু অমুক হন্না হিংগৎহনবদা মরু ওইবা থৌদাং লৌরগনি৷  ইন্দিয়ন ভেল্যুশিং অমদি ত্রেদিসনশিংবু নিংথিনা খঙদুনা মল্তি-দিসিপ্লিনরী এনবাইরোনমেন্ত অমগী খুৎথাংদা কোর্স অসি তম্বা লোইরবা ওজাশিংবু গ্লোবেল স্তেন্দর্দশিংদা ২১শুবা চহি চাগী দরকার ওইরিবশিং অসিগা লোইননা শেমগৎলগনি অমদি মসিনা অনৌবা ভারতকী তুংগী ফিভম লেপ্পদা চাওনা মতেং ওইরগনি৷

প্রোগ্রাম অসিগী মতাংদা অহেনবা অকুপ্পা মরোলশিংগীদমক, ২৬.১০.২০২১দা গেজেৎ ওফ ইন্দিয়াদা থোকখিবা নোর্মশিং অমদি স্তেন্দর্দশিংগীদমক নেসনেল কাউন্সিল ফোর তিচর এজুকেসন (রিকোগনিসন, নোর্মশিং অমদি প্রোসিদ্যোর) এমেন্দমেন্ত রিগুলেসনশিং, ২০২১দা য়েংবিয়ু৷ মল্তিদিসিপ্লিনরী কেন্দ্র/রাজ্য সরকারগী য়ুনিভর্সিতীশিং/ইন্সতিত্যুসনশিংনা  চহি ৪গী আই.তি.ই.পি.গীদমক রিকোগনাইস তৌননবগীদমক ওনলাইন এপ্লিকেসন থাজিল্লক্তুনা ২০২২গী মে ১দগী ৩১ ফাওবা (নুমিদাংগী পুং ১১:৫৯ ফাওবা) এপ্লাই তৌবা য়াগনি৷ অহেনবা ই-পাউগীদমক https://ncte.gov.in/ITEPদা চংবিয়ু৷

*******



(Release ID: 1823548) Visitor Counter : 44


Read this release in: Tamil , English , Urdu , Hindi