হোম এফিয়র্সকী কেন্দ্রগী রাজ্য মন্ত্রী, শ্রী নিত্যানন্দ রাইনা ঙসি নই দিল্লীদা ‘অৱাং নোংপোক্তা ইনসর্জেন্সীশিং মরু ফংনা মুত্থৎনবা শেন্মীৎলোন্দা শাহৌ লৈবা তঙাই ফদে’ হায়বা হীরম অসিদা অসাম রাইফল্সনা শিনবা সেমিনার অমদা ৱা ঙাংখ্রে। সেমিনার অসিদা দিরেক্তর জেনরেল, অসাম রাইফল্স, লেফতনেন্ত জেনরেল পি.সি. নায়র য়াওনা দিগনিতরী কয়ামরুমনা শরুক য়াখি। মহাক্কী ৱারোলদা শ্রী নিত্যানন্দ রাইনা অৱাং নোংপোক লমদমগা মরী লৈনবা স্ত্রেতেজিক ওইবা হীরমশিংদা শরুক তম্লিবা কন্তেম্পোররী তোপিকশিংগী ৱাখল্লোনশিংগী কম্প্রিহেন্সিব এক্সচেঞ্জ তৌনবা একাদমিসিয়নশিংগীদমক কম্মন প্লেৎফোর্ম অমা পীনবা সেমিনার অসি চহিগী ওইনা পাঙথোকপা মরু ওইবা থৌরম অমনি হায়না ফোঙদোকখি।

প্রধান মন্ত্রী শ্রী নরেন্দ্র মোদীনা “অৱাং নোংপোক লমদম অসি নাথৈদুনা থমখি মরমদি লৈবাক অসিগী অপুনবা চাউখৎ-থৌরাং অসি মচেৎ-মচেৎ ওইনা উখি। মতমগা চুনবা ইনফ্রাস্ত্রকচর শেমগৎলগা অমসুং কন্নেক্তিবিতী ফগৎহল্লবা মতমদা সেক্তর অসিগী অচৌবা তৌবা ঙম্বা অসি পুথোকপা ঙমগনি। ঙসি লৈবাক অসিগী চাউখৎ-থৌরাং অসি এক ভারত, শ্রেস্থ ভারতকী ৱাখল্লোনগা লোয়ননা মীৎয়েং চংলি। চাউখৎ-থৌরাং অসি হৌজিক্তি লৈবাক অসিগী অপুনবা অমসুং অমত্তা ওইবা শক্তম ঙাকপগা লোয়ননা পাইখৎলি” হায়না ফোঙদোকখি হায়না হোম এফিয়র্সকী কেন্দ্রগী রাজ্য মন্ত্রীনা পাউদমখি। প্রধান মন্ত্রী শ্রী নরেন্দ্র মোদীনা লমদম অসিগী শেন্মীৎলোনগী চাউখৎ-থৌরাং অসি লৈবাক্কী অপুনবা চাউখৎ-থৌরাংদা শরুক তম্লিবা অমা ওইনা লৌবা খক্তা নত্তনা লৈবাক অসিগী লেমহৌরিবা শরুক্কা লোয়ননা লমদম অসি ইন্তিগ্রেসন তৌবনি হায়না ফোঙদোকখি। মসিগা লোয়ননা প্রধান মন্ত্রীনা অৱাং-নোংপোক্কী মফম খরদগী আর্মদ ফোর্সেস স্পেসিএল পাৱর এক্ত (অফস্পা) লৌথোক্নবা লৌখিবা ৱারেপ অসিনা মফম অসিদা লৈরিবা অচৌবা চাউখৎ-থৌরাংগী ওইথোকপা য়াবশিং অদু উৎলি।

শ্রী নিত্যানন্দ রাইনা কেন্দ্রগী গৃহ মন্ত্রী শ্রী অমিত শাহগী লুচিং মখাদা লালহৌলুপ কয়ারুমগা ৱারী শাবা অমসুং রাজ্যশিংগা উনবা অসিনা অৱাং নোংপোক্তা লৈরিবা সেক্যুরিতীগী ফীভমদা চাউনা ফগৎলকখি অমসুং নহারোলশিংনা চাউখৎ-থৌরাংগী মেনস্ত্রীমদা খোঙজেল য়াংনা চংশিল্লক্লি হায়না ফোঙদোকখি। শ্রী অমিত শাহনা মহাক্কী ৱারোল অমদা মোদী সরকারনা অৱাং-নোংপোক লমদম অসি হীরম পুম্নমক্তা চাউখৎনবা হোৎনরি হায়না ফোঙদোকখি। অৱাং নোংপোক লমদমদা তোঙানতোঙানবা ইনফ্রাস্ত্রকচর প্রোজেক্তশিংগী চাউখৎ-থৌরাংগীদমক ইং কুমজা ২০১৪দগী মার্চ ২০২১ ফাওবা লুপা করোর ২,৬৫,৫১৩গী শেনফম অমা কাইথখি, মসিগী ফল অসি ঙসি খুমাং চাউশিনবা উবা ফংলি।

গৃহগী রাজ্য মন্ত্রীনা অৱাং নোংপোক্কী ফুরুপশিংগী মতাংদা স্তদী তৌবনা লমদম অসিদা লৈরিবা ত্রাইব কয়ামরুমগী ফজরবা পুৱারী, চৎনবী অমসুং নাৎকী ওইবা হীরমশিংগী মতাংদা খঙহল্লি হায়খি। অৱাং নোংপোক্তা ত্রাইবেল ফুরুপ ১৪৫রোম লৈ, মসি ভারতকী অপুনবা ত্রাইবেল পোপুলেসনগী চাদা ১২ অমসুং অৱাং নোংপোক্কী অপুনবা মীশিংগী চাদা ২৬ ওইরি। মসি তোঙান-তোঙানবা ইথনিক কলচরশিং, তোঙান-তোঙানবা লোশিং, তোঙান-তোঙানবা চৎনবী অমসুং লমদম অসিগী তোপ-তোপ্পা ত্রাইবেলগী মশক তাক্লিবা অচৌবা ফম্পাক অমনি।

শ্রী নিত্যানন্দ রাইনা দিকেদ খরা অসিদা লালহৌবগী ৱাখল্লোন অসি সোসিএল ইস্যুশিংদগী পোলিতিকেল এস্পিরেসনশিং, শক্তি অমসুং শেলগী কান্নবশিংদা হোংলক্লি হায়না ফোঙদোকখি। লমদম অসিগী চমজরবা নহারোলশিংবু লৈবাকনীংবা শাশিন্নবা অমসুং খুৎলাই পাইহন্দুনা শাথিরবা লাং অমদা থুহনখি। শেন্মীৎলোনগী ফীভম ফত্তবা অমসুং থবক্কী খুদোংচাবশিং ফংদনবগা লোয়ননা নীশাগী ইপাক্তা লুপ্পা অসিনা মীরোল অসিবু এক্সত্রিমিজমগী লাংদা থুহনখি। মখোয়বু হিংশা অমসুং অরানবা ৱাখল্লোন অসিগী লাপথোকহন্নবা সিস্তেম অসিদা খুন্নাইগী অমদি শেন্মীৎলোনগী থৌরাংশিং পাইখৎপা অসি তঙাই ফদবা অমা ওইরি। মসি লমদম অসিদা লৈরিবা থবক ফংদবা নহারোলশিংদা থবক মরাং কাইনা পীনবা পান্দম অমগা লোয়ননা রাজনিতীগী ফীভম অমসুং ঙাকশেলগী ফীভম অসি কুপ্না খন্নরবা অমসুং কম্প্রিহেন্সিব ইনফ্রাস্ত্রকচর দিবেলপমেন্ত প্লান অমা ইমপ্লিমেন্ত তৌরবা মতমদা ওইথোক্কনি। প্রধান মন্ত্রী শ্রী নরেন্দ্র মোদীগী লুচিং মখাদা অৱাং নোংপোক থংবা রাজ্যশিংদা অওনবশিং অসি পুরকপা ঙমখি অমসুং মসিনা অফবা ফলশিং পুরকপা ঙমখি। শান্তি, থবক পীবা অমসুং চাউখৎ-থৌরাংগী লমদা চাউনা খুমাং চাউশিনখি। ইনফ্রাস্ত্রকচর অমসুং শেন্মীৎলোনদা চাউখৎলকপা অসিনা কন্নেক্তিবিতী ফগৎহল্লি, মসিনা তংদু লৈতাবা, শান্তি ওইবা অমসুং চাউখৎপা লমদম অমা ওইহন্নবা ফাইনান্সিএল স্তেভিলিতী অমসুং রিসোর্সশিং শিয়র তৌবা ঙমহল্লি।

হোম এফিয়র্সকী রাজ্য মন্ত্রীনা হায় অৱাং নোংপোক্তা ত্রান্সপোর্ত, হাইৱেজ, কম্ম্যুনিকেসন, পাৱর অমসুং ৱাতরৱেজদা চাউখৎ থৌরাং পুরক্নবা ঙসিদি রাজনিতীগী ওইবা অকনবা ৱারেপ অমা অমসুং কম্মিৎমেন্ত অমা লৈ। হৌজিক সিক্যুরিতীগী ওইবা ফীফম লাকশিনবা ঙমলে অমসুং মীয়াম্না চাউখৎ থৌরাং অমসুং ইনফ্রাস্ত্রকচর প্রোজেক্তশিংগী কান্নবশিং ফংবা হৌরে। মহাক্না হায়না প্রধান মন্ত্রীগী মন্ত্র ‘সবকা সাথ, সবকা ভিকাস, সবকা ভিশ্বাস অমসুং সবকা প্রয়াস’কী মাইকৈদা থবক পাইখৎতুনা অৱাং নোংপোকপু মতম চুনরবা চাউখৎ থৌরাংগী মাইকৈদা পুদুনা চৎপা হায়বসি ঐখোয়গী পুম্নমক্কী থৌদাংনি।

শ্রী নিত্যনন্দ রাইনা হায় ১৮৩৫তা শেমখিবদগী হৌরগা অসাম রাইফল্সনা অৱাং নোংপোক লমদমদা চাউখৎ থৌরাং পুরকপা অমসুং শান্তি পুরকপদা মরুওইবা থৌদাং চাউনা লৌরি। মসিগী ফোর্স অসিনা ইন্দিয়ন আর্মীগা খুৎশম্নরগা অফবা থবকশিং পাইখৎলি অমসুং য়াম্না লাইবা মওংদা য়াম্না সেন্সিতিব ওইবা সিচুএসনশিং ৱারোইশিন পুরকপদা শীংথানীংঙাই ওইরবা থবক পাংথোকখি। সরকারনা অসাম রাইফল্সদা নার্কোতিক্স দ্রগস এন্দ সাইকোত্রোপিক সবসতেন্স এক্ত (এন.দি.পি.এস.)কী মখাদা শক্তিশিং পীরি, মসি য়াম্না কুপ্না খন্নরগা লৌখিবা ৱারেপ অমনি, মসিগী ফল ওইনা হৌখিবা চহি অমা অসিদা লুপা করোর ১,৫০০ রোমগী ময়াই কাবা চীঞ্জাক অমসুং দ্রগশিং ফাখি।  

হোম এফিয়র্সকী রাজ্য মন্ত্রীনা হায়না অসাম রাইফল্সনা সরকারগী ত্রী প্লান্তেসন দ্রাইবকী মখাদা হৌজিক ফাওবদা উ পাম্বী লাখ ৩১ রোম থাখ্রে, মসি গৃহ মন্ত্রালয়গী মখদা লৈবা ফোর্স খুদিংমক্না থাখিবা অদুগী মরক্তগী খ্বাইদগী য়াম্বা ওইরি। ঐখোয়গী লৈবাক অসিবু মালেমগী সুপরপাৱর অমা ওইহন্নবা ঐখোয়গী অপাম্বশিং অদু মখোয়না মালেমদা শান্তি অমসুং তংদু লৈতানা লৈহনবদা শরুক তমদুনা পুক্নীং থৌগৎলি। মহাক্না হায় ঐখোয়না মতম শাংনদগী য়ুনাইতেদ নেসন্স পিচকীপিংগী থৌশিলদা ঐখোয়না শরুক তমদুনা লাক্লি, অদু অসাম রাইফল্সকী রাইফলৱুমেন তীম্না য়াওশিনখিবদা লৈবাক কয়াগী কম্ম্যুনিতীদা ঐখোয়না শরুক তম্লিবা অতোপ্পা সোসিএল অমসুং হ্যুমন দাইমেন্সন অমা হাপচিনখ্রে। ঐহাক্না মসিগী ফীদম অসি ফংবা ঙমহনখিবা রাইফলৱুমেন খুদিংমক্তা থাগৎপা ফোঙদোকচরি অমসুং তুংলমচৎতা মখোয়না অহেনবা অফবা থবক কয়ামরুম তৌবা ঙম্বা ওইরক্কনি হায়না থাজবা থমজরি। শ্রী নিত্যনন্দ রাইনা হায় সরকার অসিনা এক্স-সর্ভিসমেনশিংগী য়াইফনবা থবক পাইখৎলি অমসুং লৈবাক অসিগী তোঙান তোঙানবা মফমশিংদা এক্স-সর্ভিসমেনশিংগী রেল্লী কয়ামরুম শিন্দুনা হায়রিবা লান্মীশিং অসিনা মায়োক্নরিবা অৱাশিং অদু অসাম রাফল্সনা কোকহনখ্রে। অসাম রাইফল্সনা নেপালদা এক্স-সর্ভিসমেনশিংগী ই.এস.এম. রেল্লী অমা শিনখ্রে।

*****