یہ بتاتے ہوئے کہ وزیر اعظم جناب نریندر مودی کے پاس انڈیا@2047 کے لیے ایک بڑا وژن ہے، محترمہ پٹیل نے کہا کہ حکومت اگلے 25 سالوں میں امرتکال کے دوران ہندوستان کو تبدیل کرنے کے لیے پرعزم ہے۔

انہوں نے کہا "صنعت کا بھی بہت بڑا تعاون ہے اور یہ ہی تعاون" انڈسٹری 4.0 کو اپنانے کی طرف بڑھ سکتا ہے۔ صنعت کا شعبہ، ایک بڑے طریقے سے، اقتصادی ترقی میں اپنا تعاون دے سکتا ہے جو پائیدار بھی ہے اور جامع بھی،" ۔

محترمہ پٹیل نے کہا کہ امرتکال کے دوران مینوفیکچرنگ اور ایکسپورٹ دونوں ہندوستان کی ترقی کے محرک ہوں گے۔ انہوں نے پی ایل آئی اور ای او ڈی بی سمیت مینوفیکچرنگ میں سہولت فراہم کرنے اور مختلف ایف ٹی اے جیسے کہ ہند-یو اے ای سی ای پی اے اور ہند-آسٹریلیا ای سی ٹی اے کی پیروی کرتے ہوئے برآمدات کو فروغ دینے کے لیے حکومت کے اقدامات کا ذکر کیا۔

محترمہ پٹیل نے کہا کہ حکومت صنعت دوست اور سازگار ماحول پیدا کرنے کے لیے پرعزم ہے۔

انہوں نے کہا"آج، حکومت ہند کا کردار ریگولیٹر سے ایک سہولت کار میں بدل گیا ہے… ہم نے صنعتی بنیادی ڈھانچے کی تخلیق پر بہت زور دیا ہے، ہم تعمیل کے بوجھ کوکم کرنے کے لئے بے حد کوشاں ہیں، نیشنل سنگل ونڈو (سسٹم) پورٹل شروع کیا گیا ہے، ہم نے کاروبار کرنے میں آسانی کے لحاظ سے بہت سی پوزیشنوں  کی چھلانگ لگائی ہے، "

وزیر موصوفہ نے کہا کہ صرف پانچ سالوں میں ہندوستان امریکہ اور چین کے بعد دنیا کا تیسرا سب سے بڑا سٹارٹ اپ ایکو سسٹم بن کر ابھرا ہے اور پچھلے مہینے ہم نے 100 یونی کورنز رکھنے کا اعزاز  حاصل کیا ہے۔

انہوں نے کہا کہ ذرا اسٹارٹ اپس کے سفر پر نظر ڈالیں اور یونی کورنز کی یہ لہر ابھی بھی آگے بڑھ رہی ہے، یہ بہت مضبوط ہوتی جارہی ہے، یہ اچھال لگاتار جاری ہے۔ مجھے نہیں پتہ کہ اس سال ہم اس کی کتنی اور زیادہ تعداد دیکھ سکتے ہیں۔