দোনর, কলচর অমদি তুরিজমগী কেন্দ্র মন্ত্রী শ্রী জি. কিসন রেদ্দীনা হান্না লেপখিবা মতম অদুগী মতুং ইন্না মনিপুরদা লাকখি অমদি অজাদি কা অমৃত মহোতসব : নোর্থ ইস্ত ফেস্তিবেলগী শরুক অমা ওইনা নোর্থ ইস্ত রিজনেল স্পোর্তস ৱীক্কী বেদমিন্তন তোর্নামেন্ত হৌদোকখি৷

অৱাং-নোংপোক্কী রাজ্য নিপান পুম্নমক্তা পাংথোক্লিবা অজাদি কা অমৃত মহোতসব: নোর্থ ইস্ত ফেস্তিবেল অসি "হম কিসি সে কম নহি’ হায়বা স্পিরিত অসিগা লোইননা ২০২২গী এপ্রীল ২৮দগী মে ৪ ফাওবা কেন্দ্র দোনর মন্ত্রালয়না শিনখিবনি৷

অজাদি কা অমৃত মহোতসবকী মতমদা লৈবাক অসিনা হৌজিক হৌজিক নিং-খা তম্লকপগী চহি ৭৫ শুরকপা, মহাক্কী মঙাল নাইরবা পুৱারীস মীয়াম, কলচর অমদি এচিবমেন্তশিংদা নুংঙাইবা ফোংদোক্লি অমদি  ফেস্তিবেল অসিগী মতেংদগী দোনর মন্ত্রালয়না অৱাং-নোংপোক লমদমগী ফজবা অমদি তোঙান তোঙানবা ফিল্দশিংদা ফংলিবা এচিবমেন্তশিং অদু পুথোক্তুনা উৎলি৷ হৌজিক হৌজিক চৎথরিবা কুহ্মৈ অসিগী মনুংদা তোঙান তোঙানবা থীমশিংদা অসিগুম্না মান্নবা থৌরমশিং অৱাং-নোংপোক রাজ্য নিপানগী তোঙান তোঙানবা কেপিতেল সিতীশিংদা পাংথোক্লি৷

শ্রী জি. কিসন রেদ্দীনা রাজ্য অমদি কেন্দ্র সরকারগী ওফিসিয়েলশিং, লোক্তাক দিবেলপমেন্ত ওথোরিতী অমদি তোঙান তোঙানবা অতোপ্পা দিপার্তমেন্তশিংগী ওফিসিয়েলশিংগা লোইননা ঙসি মোইরাংগী সেন্দ্র পার্কতা পাংথোকখিবা মীফম অমদা তোঙান তোঙানবা তুরিজম প্রোজেক্তশিং য়েংশিনখি৷

মহাক্নসু বিষ্ণুপুর জিলাগী মোইরাংদা লৈরিবা আই.এন.এ. ম্যুজিয়ম কমপ্লেক্সতা থম্লিবা নেতাজি সুভাশ চন্দ্র বোসকী মীতমদা লৈ কৎতুনা ইকাই খুম্নবসু উৎখি৷

******