روڈ ٹرانسپورٹ اور شاہراہ کے مرکزی وزیر جناب نتن گڈکری نے کہاکہ ملک بھر میں بندرگاہوں اور گھریلو پیداوار اور کھپت کے مراکز کے درمیان بہترکنکٹیوٹی  فراہم کرنے کے وزیراعظم جناب نریندر مودی کے وژن کے مدنظر ہماری حکومت ورلڈکلاس روڈ نیٹ ورک کی تعمیر کے ذریعہ بندرگاہوں کی ترقی کے لئے پابندعہدہے۔

اپنے سلسلے وار ٹویٹ کے ذریعہ جناب گڈکری نے بتایا کہ نیشنل ہائی وے اتھارٹی آف انڈیا نے جواہرلال نہرو پورٹ ٹرسٹ (جے این پی ٹی ) کو دورافتادہ روڈ نیٹ ورک سے جوڑنے کے لئے تقریباً 3500 کروڑ روپئے کی لاگت سے متعدد سڑکوں کو جوڑنے والے پروجیکٹوں سے متعلق این ایچ -4 بی (نیا این ایچ-348، 548) اور ایس ایچ -54 (نیا این ایچ- 348 اے )کی تجدیدکاری اور درستگی کا کام شروع کیا ہے۔

وزیرموصوف نے کہا کہ تقریباً 38 لاکھ ٹریفک کی سہولت فراہم کرنے والے ان پروجیکٹوں سےسفر کا وقت اور گاڑیوں کو چلانے کا خرچ کم ہوگا۔ انہوں نے کہاکہ اس سے خطے کی اقتصادی ترقی میں اضافہ ہوگا اور نوی ممبئی انٹرنیشنل ایئرپورٹ سے کنکٹیوٹی بہتر ہونے کے ساتھ ساتھ برآمدات میں بھی اضافہ ہوگا۔وزیرموصوف نے مزیدکہاکہ کرال پھاٹا اور گاواں  پھاٹا پر موجود دو گریڈسپریٹرز سے لین کو بدلنے کی رفتار بھی بڑھے گی اور یہ قومی اور ریاستی سڑکوں کو جوڑنے کا کام کرے گا۔

************

ش ح ۔ ق ت   ۔  م  ص

 (U: 5004 )