ఏప్రిల్, 2022 నెలలో సేకరించిన స్థూల జీఎస్టీ ఆదాయం రూ. 1,67,540 కోట్లు. అందులో సిజీఎస్టీ రూ. 33,159 కోట్లు, ఎస్జీఎస్టీ, రూ. 41,793 కోట్లు  ఐజీఎస్టీ రూ.81,939 కోట్లు. 

ప్రభుత్వం ఐజీఎస్టీ నుండి రూ. 33,423 కోట్లను సిజీఎస్టీకి, రూ. 26962 కోట్లను ఎస్జీఎస్టీకి సెటిల్ చేసింది. రెగ్యులర్ సెటిల్మెంట్ తర్వాత ఏప్రిల్ 2022 నెలలో కేంద్రం, రాష్ట్రాల మొత్తం ఆదాయం సి జీఎస్టీ కి రూ. 66,582 కోట్లు, ఎస్జీఎస్టీకి రూ. 68,755 కోట్లు. ఏప్రిల్ 2022 నెలలో వచ్చే ఆదాయం  జీఎస్టీ  రాబడి కంటే 20% ఎక్కువ. ఈ నెలలో, వస్తువుల దిగుమతుల ద్వారా వచ్చే ఆదాయాలు 30% ఎక్కువగా ఉన్నాయి, దేశీయ లావాదేవీల (సేవల దిగుమతితో సహా) ద్వారా వచ్చే ఆదాయాలు గత ఏడాది ఇదే నెలలో ఈ వనరుల నుండి వచ్చిన ఆదాయాల కంటే 17% ఎక్కువగా ఉన్నాయి.

ఏప్రిల్ 2022 నెలలో 20 ఏప్రిల్ 2022న ఒకే రోజులో అత్యధిక పన్ను వసూళ్లు నమోదయ్యాయి  ఆ రోజు సాయంత్రం 4 గంటల నుండి 5 గంటల వరకు ఒక గంట సమయంలో అత్యధిక వసూళ్లు జరిగాయి. 20 ఏప్రిల్ 2022న 9.58 లక్షల లావాదేవీల ద్వారా రూ. 57,847 కోట్లు చెల్లింపులు జరిగాయి. సాయంత్రం 4-5 గంటల సమయంలో 88,000 లావాదేవీల ద్వారా దాదాపు రూ. 8,000 కోట్లు చెల్లింపులు నమోదయ్యాయి. గత సంవత్సరం (అదే తేదీన) అత్యధికంగా 7.22 లక్షల లావాదేవీల ద్వారా రూ. 48,000 కోట్లు, అత్యధికంగా ఒక గంట వసూళ్లు (గత సంవత్సరం ఇదే తేదీన మధ్యాహ్నం 2-3) 65,000 లావాదేవీల ద్వారా రూ. 6,400 కోట్లు వసూలయింది.