মে দেগী থৌরম অসি ভারত পুম্বদা নহা ওইরিবা আর্চরশিংগীদমক মরুওইবা ওইখি মরমদি মখোয়না নোংমাইজিং নুমিৎতা খেলো ইন্দিয়া জোনেল আর্চরী তুর্নামেন্তদা মখোয়গী খ্বাইদগী ফজবা অদু উৎখি। আর্চরী এসোসিএসন ওফ ইন্দিয়া (এ.এ.আই.)না শিনবা তুর্নামেন্ত অসিদা জোন মরিদগী আর্চর ৬০০না শরুক য়াবা উবা ফংখি। পাংথোক্লিবা মফমশিংনা সোনেপৎ, ইম্ফাল, কোলকত্তা, গুৱাহাতি অমসুং ঔরঙ্গবাদতা লৈরিবা স্পোর্তস ওথোরিতী ওফ ইন্দিয়া নেস্নেল সেন্তর্স ওফ এক্সেলেন্স (এন.সি.ও.ই.এস)শিংনি।

এস.এ.আই. এন.সি.ও.ই.শিংদা রিকর্ব অমসুং কম্পাউন্দ আর্চরশিং (নুপা অমসুং নুপী)না সেনিয়র, জুনিয়র অমসুং সব-জুনিয়র কেতেগোরীশিংদা শরুক য়াখি। এ.এ.আই.না এস.এ.আই.গা খুৎশম্নদুনা দোমেস্তিক কম্পিতিসনশিং হেনগৎহনবা অমসুং পাক চাওনা শরুক য়াহনবা অমদি মনাক নকপা জোনেল স্তেতশিংদগী থৱায় য়াওবা এথেলেৎশিং লাক্তুনা শরুক য়াহনবগী পান্দম অমগা লোয়ননা তুর্নামেন্ত অসি পাংথোকপনি। থা খুদিংগী অহানবা নোংমাইজিং নুমিৎতা খেলো ইন্দিয়া মন্থলি আর্চরী কম্পিতিসন হোস্ত তৌনবসু ৱারেপ লৌরে।    

য়ুথ এফিয়ার্স অমসুং স্পোর্তসকী কেন্দ্র মন্ত্রী শ্রী অনুরাগ সিংহ থাকুরনা মমাং চহিদা নই দিল্লীদা খেলো ইন্দিয়া ৱুমেন্স হোক্কী লিগ (অন্দর ২১) হৌদোকপগী মতমদা অসিগুম্বা কম্পিতিসনশিং শিন-লাংবগী মরুওইবা অদু ফোংদোকখি।

পদ্ম শ্রী অমসুং অর্জুন এৱার্দী বোম্বেলা দেবী লাইশ্রম অমসুং অর্জুন এৱার্দী মঙ্গল সিংহ চাম্পিয়া য়াওনা শক্নাইরবা কয়ানা নোংমাইজিং নুমিৎতা এস.এ.আই. কোলকত্তা সেন্তরদা অথোয়বা মীথুংলেন ওইদুনা তুর্নামেন্ত অসি পাংথোকখি। এ.এ.আই.গী মিসন ‘হর ঘর আর্চরী হর গাও আর্চরী’ অদু ৱাখলদা থম্বগা লোয়ননা তুর্নামেন্ত অসিগী মরুওইবা পান্দমদি দোমেস্তিক কম্পিতিসন হেনগৎহনবা, পাক চাওনা শরুক য়াবা অমদি আর্চরশিংদা খুদোংচাবা অমা পীবনি।

খেলো ইন্দিয়া আর্চরী তুর্নামেন্তশিং (সেনিয়র, জুনিয়র অমসুং সব জুনিয়র) অসি তুর্নামেন্তশিং অসিবু কন্দক্ত তৌবদা তেক্নিকেলগী ওইবা তেংবাং পুম্নমক ফংহল্লিবা মরী লৈনবা স্তেত এসোসিএসনশিংগা লোয়ননা খুৎশম্নদুনসু পাংথোক্লি।

অপুনবা পার্তিসিপেসন ফিগর:

এন.সি.ও.ই. সোনেপৎ (নোর্থ জোন): ১৯০

এন.সি.ও.ই. কোলকত্তা (ইস্ত জোন): ৭৫

এন.সি.ও.ই. ঔরঙ্গবাদ (ৱেস্ত জোন): ১৫১

এন.সি.ও.ই. গুৱাহাতি (নোর্থ-ইস্ত জোন): ৫২

এন.সি.ও.ই. ইম্ফাল (নোর্থ-ইস্ত জোন): ১১৮

*******