ঙসি ত্রিপুরা রুরেল লাইবলিহুদ মিসন আর. দি. দিপার্তমেন্ত অমসুং সোসিএল ৱেলফিয়রগী দিপার্তমেন্ত অমসুং ত্রিপুরা সরকারগী সোসিএল এজুকেসনা খুৎশম্নদুনা এম.ও.দোনরগী মখাদা “অৱাং নোংপোক্কী চাউখৎ থৌরাংদা নুপীগী থৌদাং” হায়বা থীম অসিদা অজাদি কা অমৃত মহোৎসবকী শরুক অমা নোর্থ ইস্ত ফেস্তিবেলগী থৌরম পাংথোকখ্রে।

থৌরম অসি ত্রিপুরা অমসুং ভারত সরকারগী তোঙান-তোঙানবা দিপার্তমেন্তগী দিগ্নতরীশিং, ভারত সরকারগী, সোসিএল জস্তিস অমসুং এম্পৱারমেন্তগী রাজ্যগী মন্ত্রী শ্রীমতি প্রতিমা ভৌমিক, ত্রিপুরা সরকারগী দিপুতী সি.এম. শ্রী জিসনু দেব বর্মা, ত্রিপুরা সরকারগী সোসিএল ৱেলফিয়র অমসুং সোসিএল এজুকেসনগী মন্ত্রী শ্রীমতি সান্তনা চাক্মা, এয়র মার্সেল শ্রী অনজন কুমার গোগোই, মেম্বর এন.ই.সি.সি., ত্রিপুরা সরকারগী প্লানিং অমসুং কোওর্দিনেসন দিপার্তমেন্তগী সেক্রেতরী শ্রী এ. রোই, ৱেস্ত ত্রিপুরাগী জিলা সভারিপতি শ্রীমতি অন্তারা সরকার দেব, দি.এম. অমসুং কল্লেক্তর শ্রী দেবপ্রিয়া বর্ধন অমসুং ত্রিপুরা কম্মিসন ফোর ৱিমেনগী চেয়রপর্সন শ্রীমতি বর্নালি গোস্বামিনা হৌদোকখি।

থৌরম অসি মরুওইনা ভারতকী অৱাং নোংপোক্তা  সোসিও-ইকোনোমিক্কী চাউখৎ থৌরাংদা শিংথানিংঙাই ওইনা থৌদাং লৌরিবা নুপীশিংবু শকখঙবিবা অসিদা মিৎয়েং থম্বনি। অৱাং নোংপোক থংবা রাজ্যশিংগী অপুনবা নুপী ১৯ মনা পীখি।  ত্রিপুরা রুরেল লাইবলিহুদ মিসন্না খুঙ্গংগী শেন্মিৎলোন ফগৎহনবদা থৌদাং লৌবা নুপীশিংগী মায় পাকপগী ৱারী ৫০ য়াওবা লইরিক অমা অমসু ফোংখি।

রাজ্য খুদিংদগী মায় পাকখিবা অমমম্না মতৌ করম্না মখোয়না থৌদাং লোখিবা অমসুং লৈবাক অসিদা লৈরিবা অতোপ্পা নুপীশিংদা মঙাল অমা পীবা অমসুং থৌনা হাপতুনা মীয়ামদা শাফু অমা পীখিবা অসিদা মখোয়গী পুক্নিং থৌগৎনিংঙাই ওইরবা খোঙচৎশিং থমখি।

মসিগী মথক্তা, ত্রিপুরাদগী অতোপ্পা মায় পাক্লবা নুপী ৫৬না  ত্রিপুরা সরকারগী তোঙান-তোঙানবা দিপার্তমেন্তশিংদগী সোসিও-ইকোনোমিক্কী ওইবা শক্তি পীবদা শিংথানিংঙাই ওইবশিং তমখি। নোর্থ ইস্ত ফেস্তিবেল অসি রাজ্য শিনবা থুংনা কম্ম্যুনিতীগী থাক্তা লৈবা ওর্গানাইজেসনশিং হায়বদি এস.ঐচ.জি. ভিলেজ ওর্গানাইজেসন (ভি.ও.), ক্লস্তর লেবেল ফেদেরেসন (সি.এল.এফ.)না নুপী অমসুং অঙাংশিংগী চাউখৎ থৌরাং, ওন্ত্রোপ্রিন্যরশিপগী চাউখৎ থৌরাং মরু ওইনা নুপী ফার্মর অমসুং ওন্ত্রোপ্রিন্যুরশিংগী থৌরম শিন্দুানা  থৌরমশিং পাংথোকখি।

****

(Release ID: 1821923) Visitor Counter : 172