আয়ুশ
আয়ুশ মন্ত্রালয়না য়োগাগী ইন্তর্নেস্নেল দে ২০২২দা নুমিৎ ৫০নি কাউন্তদাউন তৌনবা য়োগা উৎসবকী থৌরম পাংথোক্কদৌরি
শ্রী সর্বানন্দ সোনোৱালনা অসামগী মুখ্য মন্ত্রীগা লোয়ননা আই.দি.ৱাই. ২০২২গী কাউন্তদাউনগী ৫০শুবা নুমিৎতা ইচম-চম্বা য়োগা প্রোতোকোল উৎকদৌরি
Posted On:
01 MAY 2022 6:28PM by PIB Imphal
আয়ুশকী মন্ত্রালয়না অসামগী রাজ্য সরকারগা লোয়ননা খুৎশম্নদুনা লাক্লিবা ৮শুবা য়োগাগী ইন্তর্নেস্নেল দে ২০২২গী নুমিৎ ৫০নি কাউন্তদাউন তৌনবা ২০২২গী মে ২দা অসামগী সিবসাগরগী রঙ্গ ঘর গ্রাউন্দা মপুং ওইবা থৌরম অমা শিনগদৌরি।
আয়ুশ কেন্দ্রগী মন্ত্রীমন্দলগী মন্ত্রী শ্রী সর্বানন্দ সোনোৱালনা অসামগী মুখ্য মন্ত্রী শ্রী হিমন্ত বিস্বা শর্ম লোয়ননা থৌরম অসিদা শরুক য়াগনি। মখোয়গা লোয়ননা তুরিজম, কলচর অমসুং দোনর কেন্দ্রগী মন্ত্রী শ্রী জি. কিসন রেদ্দি, আয়ুশ অমসুং দবল্যু.সি.দি.গী এম.ও.এস. দাঃ মুঞ্জপরা মহেন্দ্রভাই অমসুং অসামগী ঐচ.অমসুং এফ.দবল্যু. অমসুং আয়ুশকী মন্ত্রী শ্রী কেশব মহন্তাসু শরুক য়াগনি। আয়ুশ মন্ত্রালয় অমসুং অসাম সরকারগী ওফিসিএলশিং, শক্নাইরবা য়োগা গুরুশিং, য়োগাগী এক্সপর্তশিংনা থৌরম অসিদা শরুক য়াখি।
সিবসাগর অসি য়োগা উৎসবকীদমক খনগৎলি মরমদি ভারত সরকারনা আর্কিওলোজিকেলগী মফম মঙা শেমগৎনবা থৌরাং অমা তৌরি মদুদি রখিগরী (হরিয়ানা), হস্তিনাপুর (উত্তর প্রদেশ), সিবসাগর (অসাম), ধোলাবিরা (গুজরাত) অমসুং অদিচানালুর (তামিল নাদু) অসি ভারত শিনবা থুংনা “আইকোনিক”কী মফম ওইনা।
আয়ুশ মন্ত্রালয়না মসিগী মরোমদোম লেপচবা মোরাজী দেসাই নেস্নেল ইন্সতিত্যুৎ ওফ য়োগা (এম.দি.এন.আই.ৱাই.)গী মখাদা অমসুং অসামগী রাজ্য সরকারগী মতেংনা থৌরম অসি শিনগনি। থৌরম অসিগী পান্দমদি হকচাং ফনবগীদমক্তা য়োগাগী লৈরিবা মওং মতৌ, মসিগী কান্নবা অমসুং আই.দি.ৱাই. ২০২২গী কাউন্তদাউন কেম্পেন অসিগী পাক-চাউনা পুক্নিং থৌগৎপা অমসুং মীয়াদা খঙহনবা অসিনি।
আয়ুশ মন্ত্রালয় অসি য়োগাগী ইন্তর্নেস্নেল দে পাংথোক্নবগী নোদাল মন্ত্রালয়নি। চহি খুদিংগী, মরুওইবা আই.দি.ৱাই.গী মরুওইবা থৌরম অসি প্রধান মন্ত্রী মশামক্না লুচিংদুনা য়াম্না পাক শন্না য়োগা উৎতুনা পাংথোকই। আই.দি.ৱাই. ২০২২গী শিল-লাংবা হান্ননা হৌখ্রে।
মন্ত্রালয় অসিনা মসিগী স্তেকহোল্দর কয়া অমগা ৮শুবা য়োগাগী ইন্তর্নেস্নেল দেগী কাউনদাউন প্রোগ্রাম নুমিৎ ১০০নি থৌরাং তৌখ্রে হায়রিবা অসিদা ওর্গানাইজেসন ১০০না মফম/সহর ১০০দা য়োগাবু পুক্নিং থৌগৎলি। নুমিৎ ৫০নি কাউন্তদাউন তৌবা অসি চহি খুদিংগী য়োগাগী ইন্তর্নেস্নেল দে পাংথোকপগী মরুওইবা থৌরম অমনি হায়না পনবা য়াই। মন্ত্রালয়না আই.দি.ৱাই. ২০২২গী কাউন্তদাউন্দা য়োগাগী খুৎথাংদা “মাস মুবমেন্ত ফোর হেলথ এন্দ ৱেলবিইং” হায়বা অসিদা পুক্নিং থৌগৎনবা আসা তৌরি।
৮শুবা য়োগাগী ইন্তর্নেস্নেল দেনা “অজাদি কা অমৃত মহোৎসব’কী চহি তাবা অসিদা, মন্ত্রালয়না আই.দি.ৱাই. ২০২২বু লৈবাক শিনবা থুংনা লৈরিবা আইকোনিক ওইবা মফম ৭৫দা পাংথোক্নবগী অপাম্বা ফোংদোরক্লি। মসিগী কাউন্তদাউনগী থৌরম অসি হান্ননা থবকশিং চংশিনখ্রে অমসুং আই.দি.ৱাই. ২০২২ পাংথোকপা অসি য়াম্না কন্না চংশিল্লি।
***
(Release ID: 1821922)
Visitor Counter : 111