প্রধান মন্ত্রী উজ্জ্বলা য়োজনা (পি.এম.য়ু.ৱাই.) অসি বি.পি.এল.গী ইমুং খুদিংমক্তা লেম্না এল.পি.জি. শম্নবা মীয়াম্বু শরুক য়াহন্নবা মরু ওইবা খোঙথাং অমনি। স্কীম অসি ইকাই খুম্নজরিবা প্রধান মন্ত্রীনা উত্তর প্রদেশকী বাল্লিয়াদা ২০১৬গী মে ১দা হৌদোকখিবনি। প্রধান মন্ত্রী উজ্জ্বলা য়োজনাগী মায় পাকপা অসিবু নুঙাইবা ফোংদোকপা ওইনা পেত্রোলিয়ম অমসুং নেচুরেল গ্যাসকী মন্ত্রালয় (এম.ও.পি.এন.জি.)না ২০২২গী মে ১বু উজ্জ্বলা দিবস হায়না পাংথোক্নবা ৱারেপ লৌখ্রে।  
ওইল মার্কেতিং কম্পনীশিংনা ২০২২ মেগী ১দা উজ্জ্বলা দিবসকী থৌরমদা এল.পি.জি. ৫০০০ হেন্না পঞ্চায়তশিং শিনগদৌরি, হায়রিবা অসিদা মখোয়-মখোয়না থেংনরকপশিং থম্বগী মথক্তা, শোই-ঙামদবা অমসুং নুঙাইনা শিজিন্নবা অসিদা পান্দম থম্লি, হোৎনরিবা পুম্বা কস্তমরশিং ঙম্লিবমখৈ য়াওহনবা অসিনি। এল.পি.জি. পঞ্চায়তকী মথক্তা, উজ্জ্বলা ২.০গী মখাদা অনৌবা কন্নেক্সনশিং য়েন্থোকপা; অনৌবা পি.এম.য়ু.ৱাই. কেতগরীশিং মরীক চুম্না তাকপা অমসুং হৌজিক চৎথরিবা স্কীম উজ্জ্বলা ২.০গী কে.ৱাই.সি. ফোর্ম খোমগৎপা, লেম্না হোৎ প্লেৎ পীবগী কেম্প শিনবা, সেফতী ক্লিনিকশিং শিনবা, উজ্জ্বলাগী বেনিফিসরীশিংদা লায়থোকহনবা অসিনচিংবসু শিনগনি।

পেত্রোলিয়ম অমসুং নেচুরেল গ্যাসকী মন্ত্রী, শ্রী হর্দীপ সিংহ পুরিনা থাখিবা মতমদা লায়রবা বেনিফিসরীশিংবু য়ৌহন্নবা পি.এস.য়ু. ও.এম.সি.শিংনা হোৎনরিবশিং থাগৎপা ফোংদোকখি অমসুং বেনিফিসরীশিংবু য়াইফ পাউজেল পীখি। উজ্জ্বলা দিবসকী থৌরমদা, পেত্রোলিয়ম অমসুং নেচুরেল গ্যাসকী এম.ও.এস. শ্রী রামেশ্বর তেলিনা অসামগী দিব্রুগরদা পাংথোকপা উজ্জ্বলা দিবসকী থৌরমদা ময়াই তাংবল লৌগনি অমসুং অনৌবা উজ্জ্বলা বেনিফিসরীশিংদা কন্নেক্সনশিং খুৎশিন্নগনি।

****