نئی دہلی، 30 اپریل 2022:

الیکٹرانکس اور انفارمیشن ٹیکنالوجی کی وزارت (ایم ای آئی ٹی ای ٹی) الیکٹرانکس اینڈ انفارمیشن ٹیکنالوجی (لازمی رجسٹریشن کی ضرورت) حکم نامہ 2012 کے تحت مخصوص اشیا (جیسے لیپ ٹاپ، وائرلیس کی بورڈ، پی او ایس مشینیں اور دیگر الیکٹرانک آلات) کی لازمی رجسٹریشن کرتی ہے۔

محکمہ ٹیلی کام (ڈی او ٹی) نے ٹیلی کمیونیکیشن کے لیے استعمال ہونے کی صلاحیت رکھنے والے آلات کے لیے انڈین ٹیلی گراف (ترمیمی) ضوابط 2017 کے تحت 5 ستمبر 2017 کو ٹیلی کمیونیکیشن آلات (ایم ٹی سی ٹی ای) کی لازمی جانچ اور تصدیق کو لازمی ٹھہرایا تھا۔

ٹیکنالوجی کی بڑھتی ہوئی ہم آہنگی کے ساتھ، کچھ مصنوعات جیسے سمارٹ واچ، سمارٹ کیمرہ وغیرہ کے بارے میں ریگولیٹری اوور لیپ کا مشاہدہ کیا گیا۔ ڈی او ٹی اور ایم ای ٹی ای کے دائرہ اختیار کے بارے میں صنعتوں اور صنعتی ایسوسی ایشنوں سے بھی درخواستیں موصول ہوئیں۔ اس بات کو اجاگر کیا گیا کہ اس طرح کا اوورلیپ نئی مصنوعات کے بروقت لانچ کے لیے ایک رکاوٹ ہے۔ یہ صنعت کے لیے تعمیل کی بوجھ میں بھی اضافہ کرتا ہے۔

ڈی او ٹی نے ایم ای ٹی ای ٹی کی مشاورت سے اس معاملے کا جائزہ لیا اور اب مندرجہ ذیل مصنوعات کو ایم ٹی سی ٹی ای حکومت کے دائرے سے مستثنیٰ قرار دینے کا فیصلہ کیا ہے:

1. موبائل صارف سازوسامان / موبائل ہینڈ سیٹ (موبائل فون)
2. سرور
3. سمارٹ واچ
4. سمارٹ کیمرہ
5. پی او ایس مشین (پوائنٹ آف سیل ڈیوائسز)

ان وسیع پیمانے پر استعمال ہونے والی مصنوعات پر چھوٹ سے تعمیل کے بوجھ میں کمی آئے گی اور صنعت کو اپنی مصنوعات کو تیزی سے جاری کرنے کے قابل بنائے گی۔ اس سے درآمدی تاخیر میں کمی آئے گی۔

یہ اقدام عزت مآب وزیر اعظم جناب نریندر مودی کے ایک واضح اور آسان ریگولیٹری نظام کے وژن سے ہم آہنگ ہے۔ ان ریگولیٹری اصلاحات سے الیکٹرانکس مینوفیکچرنگ کمپنیوں کے لیے کاروبار کرنے میں آسانی میں بہتری آئے گی اور بھارت کو 1 ٹریلین ڈالر کی ڈیجیٹل معیشت بنانے میں مدد ملے گی۔

اس سلسلے میں گزٹ نوٹیفکیشن مناسب وقت پر جاری کیا جائے گا۔

***

(ش ح- ع ا  -ع ر)

U. No. 4866