প্রধান মন্ত্রী, স্রী নরেন্দ্র মোদীনা ২০২২গী এপ্রিল ৩০দা নই দিল্লীদা অয়ুক্কী পুং ১০ তাবা মতমদা ৱিগ্যান ভাৱনদা রাজ্যশিংগী মুখ্য মন্ত্রীশিং অমসুং হাই কোর্তশিংগী চীফ জস্তিসশিংগী জোইন্ত কনফরেন্সকী ইনোগুরেল সেসনদা শরুক য়ারগনি। থৌরম অদুদা মহাক্না মীতিন অদুদসু ৱা ঙাগনি।

জোইন্ত কনফরেন্স অসি একজিক্যুতিব অমসুং জুদিস্যারীনা পুনশীন্নদুনা ৱায়েল পীবদা বাম্না লাইনবা অমসুং কোম্নবা ফ্রেমৱার্কশিং শেম্নবা অমসুং জস্তিস সীস্তেমনা মায়োক্নরিবা শিংনবশিং অদুবু ময়োক য়াবা ঙম্নবা মথৌ তাবা খোংথাংশিং অদুগী মতাংদা খন্না-নৈননবগীদমক্তা ওইবা থৌরম অমনি। মমাংগী অসিগুম্বা কনফরেন্স অদু ২০১৬দা পাংথোকখি। মদুগী মতুংদা, সরকার অসিনা ইকোর্ত মিসন মোদ প্রোজেক্তকী মখাদা ইনফ্রাস্ত্রকচর ফগৎহন্নবা অমসুং  কোর্তকী থবক-থৌরমশিংদা দিজিতেল তেক্নোলোজী হাপচিন্নবগীদমক্তা অনৌবা খোংথাং কয়া অমা লৌখৎখ্রে।

কনফরেন্স অসিনা রাজ্যশিংগী মুখ্য মন্ত্রীশিং অমসুং হাই কোর্তশিংগী চীফ জস্তিসশিংনা এজেন্দা ইসুশিং খন্ননবগীদমক্তা প্লেতফোর্ম অমা পীরি, মসিনা জস্তিস দেলিবরী সীস্তেম অসিবু ইফেক্তিব, এফিসিয়েন্ত, এসেসিবল অমসুং প্রজাশিংগী তঙাইফদবশিংদা রেসপোন্সিব ওইবা অমসুং মসিগা লোইন-লোইননা ইনভেস্তমেন্ত অমসুং এমপ্লোইমেন্ত জেনরেশনদা গ্রোথ লৈহন্নগীদমক্তা ইজ ওফ দুইং বিজনেসতা শরুক য়াবা। মসি সরকারনা সবকা সাথ, সবকা ৱিকাস, সবকা ৱিস্বাস অমসুং সবকা প্রয়াসকী মাইকৈদা হোৎনবা থবক অমনি।

***