بھارت کے چیف الیکشن کمشنر جناب سشیل چندر نے الیکشن کمشنر جناب انوپ چندر پانڈے کے ساتھ آج دہلی کے این سی ٹی کے ای وی ایم اور وی وی پیٹ کے ویئر ہاؤسنگ اور انتظام کے لیے بختاور پور، دہلی میں انٹیگریٹڈ الیکشن کمپلیکس کا افتتاح کیا۔ انٹیگریٹڈ الیکشن کمپلیکس چیف الیکٹورل آفیسر دہلی نے بنایا ہے جب کہ اور دہلی ٹورزم اینڈ ٹرانسپورٹیشن ڈویلپمنٹ کارپوریشن لمیٹڈ (ڈی ٹی ٹی ڈی سی) اس پروجیکٹ کے لیے عمل درآمد کرنے والی ایجنسی ہے۔

افتتاحی تقریب میں سی ای سی جناب چندر نے سی ای او دہلی اور ان کی ٹیم کو اس پروجیکٹ کی منصوبہ بندی اور طریقہ کار انجام دینے پر مبارکباد دیتے ہوئے کہا کہ یہ جدید ترین انٹیگریٹیڈ الیکشن کمپلیکس بھارت کے انتخابی کمیشن کے لیے ایک سنگ میل کی حیثیت رکھتا ہے۔ انھوں نے کہا کہ اس کمپلیکس نے، جسے تمام خصوصیات اور ای وی ایم کی ذخیرہ اندوزی، سلامتی اور نقل و حرکت کے انتظامی حفاظتی پروٹوکول کو خیال میں میں رکھ کر بنایا گیا ہے، دیگر تمام ریاستی سی ای اوز کے لیے قابل تقلید ہے۔

اپنی نوعیت کا پہلا مربوط کمپلیکس ایک کثیر جہتی جدید ترین سہولت ہے جس کا مقصد ای وی ایم اور وی وی پیٹ کے ویئر ہاؤسنگ اور انتظام کو جدید بنانا ہے۔ آئی ای سی، ای وی ایم اور وی وی پیٹ کے لیے کافی ذخیرہ کرنے کی صلاحیت کی حامل ہے جو خطہ راجدھانی دلی کے تمام 11 اضلاع پر محیط ریاستی سطح کے گودام کے طور پر کام کرے گی۔ کمپلیکس میں ای سی آئی کے رہنما خطوط کے مطابق ای وی ایم اور وی وی پیٹ کی پہلی سطح کی جانچ پڑتال کے لیے جامع سہولیات موجود ہیں۔ فرسٹ لیول چیکنگ ہال کو بڑے اجلاسوں اور تربیتی سیشنوں کے لیے بھی استعمال کیا جاسکتا ہے۔

جناب چندر نے اپنے خطاب کے دوران اس بات پر زور دیا کہ ای وی ایم بھارتی انتخابات کا فخر ہیں۔ انھوں نے کہا کہ 2004 سے اب تک تمام انتخابات میں ای وی ایم کا استعمال کیا گیا ہے اور اب تک 350 کروڑ سے زائد رائے دہندگان نے 4 عام انتخابات اور 37 اسمبلی انتخابات میں ای وی ایم کے ذریعے اپنا ووٹ دیا ہے۔ مزید وضاحت کرتے ہوئے سی ای سی ش چندر نے کہا کہ ای وی ایم ایک انجینئرنگ کا حیرت انگیز مقام ہے۔ ای وی ایم میں چھیڑ چھاڑ نہیں کی جاسکتی اور انھوں نے درست اور بروقت نتائج فراہم کرکے تب سے اپنی ساکھ قائم رکھی ہے جب ان کو پہلی بار 4 دہائیوں قبل پائلٹ کی بنیاد پر استعمال کیا گیا تھا۔ انھوں نے مزید کہا کہ 2019 کے عام انتخابات کے بعد سے متعارف کرائی گئی وی وی پیٹ آڈٹ ٹریل نے ای وی ایم کی ساکھ کو مزید بہتر بنایا ہے جس میں ای وی ایم میں ڈالے گئے ووٹوں اور وی وی پیٹ سلپس کی گنتی میں کوئی عدم مطابقت نہیں پائی گئی ہے۔ انھوں نے دہلی کے ضلعی انتخابی افسران پر زور دیا کہ وہ عوام کے درمیان موثر مواصلات اور رسائی کو یقینی بنانے کے لیے ای وی ایم کی تمام خصوصیات اور پروٹوکول سے واقف ہوں۔ ڈی ای اوز سے بات چیت کرتے ہوئے سی ای سی جناب چندر نے اس بات پر بھی زور دیا کہ انھیں ووٹرٹرن آؤٹ بڑھانے کے لیے مزید ٹھوس کوششیں کرنی چاہئیں اور ٹارگٹڈ مداخلت کرنی چاہیے۔

الیکشن کمشنر جناب انوپ چندر پانڈے نے اپنے خطاب میں کہا کہ انتخابی انتظام میں شفافیت، غیر جانبداری اور تاثر انتہائی اہم ہے اور منظم ذخیرہا ندوزی، دیکھ بھال اور ای وی ایم کی نقل و حرکت کے لیے معیاری آپریٹنگ طریقہ کار اور چیک لسٹ پر عمل کرنا کسی بھی خرابی سے بچنے اور یکسانیت کو یقینی بنانے کے لیے انتہائی ضروری ہے۔ اس طرح کے مربوط کمپلیکس کے قیام کے لیے معیارات بندی پر پروجیکٹ ٹیم کو مبارکباد دیتے ہوئے انھوں نے مزید کہا کہ اس سہولت کو انتخابی عہدیداروں کے لیے ای وی ایم/ وی وی پیٹ کے لاجسٹکس اور انوینٹری مینجمنٹ کے تربیتی مرکز کے طور پر بھی استعمال کیا جاسکتا ہے۔

ای سی آئی کے سکریٹری جنرل جناب امیش سنہا نے اس منفرد سہولت کی تعمیر میں مختلف ایجنسیوں اور تنظیموں کی مربوط کوششوں کو سراہتے ہوئے کہا کہ یہ انٹیگریٹیڈ الیکشن کمپلیکس ای وی ایم اور وی وی پیٹ کے لیے ذخیرہ گھر کے طور پر تمام چیف الیکٹورل افسران کے لیے ایک سنگ میل ثابت ہوگا۔

چیف الیکٹورل آفیسر دہلی ڈاکٹر رنبیر سنگھ نے اپنے استقبالیہ خطاب میں تصور سے تکمیل تک شروع ہونے والے پروجیکٹ کا تفصیلی تسلسل پیش کیا۔ افتتاحی تقریب کے دوران سی ای سی جناب سشیل چندر نے 2021-22 کے دوران چیف الیکٹورل آفیسر دہلی کی جانب سے ووٹروں کے بارے میں آگاہی مہمات سے متعلق ایک کافی ٹیبل بک اور ایک دستاویزی فلم بھی جاری کی۔

اس موقع پر سینئر ڈپٹی الیکشن کمشنر ایس ایچ دھرمیندر شرما اور ایس ایچ چندر بھوشن کمار، ڈپٹی الیکشن کمشنر ایس ایچ ٹی سریکانت، ڈائریکٹر جنرل (میڈیا) محترمہ شیفالی شرن، ایم ڈی ڈی ٹی ٹی ڈی سی محترمہ سواتی شرما اور این سی ٹی دہلی کے ضلعی الیکشن افسران/ ڈی ایم بھی موجود تھے۔

انٹیگریٹیڈ الیکشن کمپلیکس کی اہم خصوصیات

انتخابی کمیشن کے تصور کردہ اور دہلی کے چیف الیکٹورل آفیسر کے زیر اہتمام تعمیر کیا گیا انٹیگریٹڈ الیکشن کمپلیکس ای وی ایم اور وی وی پیٹ اسٹوریج اور مینجمنٹ کی جدیدکاری کے لیے ایک اہم پروجیکٹ ہے۔ 12865 مربع میٹر کے علاقے میں پھیلا ہوا یہ جمہوریت پر ہمارے اجتماعی یقین کا ایک بلند و بالا ثبوت ہے۔ ہر منزل پر ای وی ایم والٹس ہیں جن میں 1080  خصوصی طور پر ڈیزائن کردہ ریک ہیں۔ سیکورٹی اور نگرانی کے لیے، 2 کنٹرول روم کے ساتھ 80 سی سی ٹی وی ہیں. انٹیگریٹڈ الیکشن کمپلیکس میں ایک لاکھ سے زائد بیلٹ یونٹ/کنٹرول یونٹ اور تقریباً 45000 وی وی پیٹ کی مشینیں ذخیرہ کرنے کی گنجائش ہے جو این سی ٹی دہلی کے تمام 11 اضلاع کی ضروریات کو پورا کرنے کے لیے کافی ہے۔ 36 خصوصی طور پر ڈیزائن کردہ اسٹوریج والٹس ہیں جو ای وی ایم اور وی وی پیٹ کے مناسب ذخیرہ اندوزی کے لیے اسٹیل ریکس سے مناسب طور پر لیس ہیں۔ این سی ٹی دہلی کے مختلف انتخابی اضلاع کو ان کی ضروریات کے مطابق کافی والٹس تفویض کیے گئے ہیں۔

آئی ای سی لوگوں اور مشینوں کی مکمل رسائی اور ہموار نقل و حرکت کے لیے ایک جامع ریمپ سہولت کے علاوہ 3 مسافر لفٹوں اور 2 کارگو لفٹوں سے لیس ہے۔ تین منزلہ کمپلیکس میں سیکورٹی عملے کے لیے مکمل طور پر بیرکوں کو پیش کیا گیا ہے۔ اس کے ساتھ ساتھ سیکورٹی کو دو سطحی اعلی حفاظتی دیوار کے ذریعے اچھی طرح یقینی بنایا جاتا ہے۔

کمپلیکس ایک ماحول دوست عمارت ہے جس میں کم سے کم توانائی کی مانگ ہے جس میں قدرتی روشنی اور قدرتی وینٹی لیشن جیسی ماحولیاتی خصوصیات شامل ہیں۔ عمارت نے 200 کلوواٹ کی گنجائش والے سولر پینل نصب کرکے ماحول دوست نقطہ نظر اپنایا ہے جو پاور گرڈ سے منسلک ہیں۔ اضافی شمسی توانائی گرڈ کو فروخت کی جائے گی۔

تمام منزلیں خودکار آگ بجھانے اور الارم سسٹم سے لیس ہیں۔ اس کمپلیکس میں گندے پانی پر کارروائی کے لیے جدید سیوریج ٹریٹمنٹ پلانٹ کے ساتھ پانی کی کٹائی کا ایک وقف نظام ہے۔ اس کمپلیکس کو وسیع باغبانی اور لینڈ اسکیپنگ خدمات کے ذریعے ماحول دوست بنادیا گیا ہے۔ بلڈنگ کمپلیکس میں انتخابات سے متعلق مورلز اور آرٹ ورک کی نمائش سے آئی ای سی کمپلیکس کی جمالیاتی اور تعلیمی قدر میں اضافہ ہوا ہے۔

***

(ش ح - ع ا- ع ر)

U. No. 4851

(Release ID: 1821420) Visitor Counter : 131