انڈین کمپیوٹر ایمرجنسی رسپانس ٹیم (سی ای آر ٹی-اِن) انفارمیشن ٹیکنالوجی ایکٹ 2000 کے سیکشن 70بی کی دفعات کے مطابق ملک میں سائبر سیکیورٹی کے شعبے میں مختلف کام انجام دینے کے لیے قومی ایجنسی کے طور پر کام کرتی ہے۔سی ای آر ٹی-اِن مسلسل سائبر خطرات کا تجزیہ کرتا ہے۔ اور سائبر واقعات کا سراغ لگاتا ہے اور اسے رپورٹ کرتا ہے۔سی ای آر ٹی-اِن باقاعدگی سے تنظیموں اور صارفین کو اپنے ڈیٹا/معلومات اور آئی سی ٹی  انفراسٹرکچر کی حفاظت کے قابل بنانے کے لیے مشورے جاری کرتا ہے۔ سائبر سیکیورٹی کے واقعات کے حوالے سے ردعمل کی سرگرمیوں کے ساتھ ساتھ ہنگامی اقدامات کو مربوط کرنے کے لیےسی ای آر ٹی-اِن سروس فراہم کرنے والوں، بچولیوں، ڈیٹا سینٹرز اور باڈی کارپوریٹ سے معلومات طلب کرتا ہے۔

سائبر واقعات سے نمٹنے اور حلقے کے ساتھ تعاملات کے دوران سی ای آر ٹی-اِن نے کچھ ایسی کمیوں کی نشاندہی کی ہے جو واقعہ کے تجزیہ میں رکاوٹ کا باعث بن رہے ہیں۔ شناخت شدہ کمی اور مسائل کو دور کرنے کے لیے تاکہ واقعے کے ردعمل کے اقدامات کو آسان بنایا جا سکے،سی ای آر ٹی-اِن نے انفارمیشن ٹیکنالوجی ایکٹ، 2000 کے سیکشن 70بی کی ذیلی دفعہ (6) کی دفعات کے تحت معلومات کے تحفظ کے طریقوں، طریقہ کار، روک تھام، ردعمل اور سائبر واقعات کی رپورٹنگ سے متعلق ہدایات جاری کی ہیں۔ یہ ہدایات 60 دنوں کے بعد موثر ہو جائیں گی۔

ہدایات آئی سی ٹی سسٹم کی گھڑیوں کی مطابقت پذیری سے متعلق پہلوؤں کا احاطہ کرتی ہیں۔ سائبر واقعات کی سی ای آر ٹی-اِن کو لازمی رپورٹنگ؛ آئی سی ٹی سسٹم کے لاگز کی بحالی؛ ڈیٹا سینٹرز، ورچوئل پرائیویٹ سرور (وی پی ایس) فراہم کنندگان، وی پی این سروس فراہم کرنے والے، کلاؤڈ سروس فراہم کنندگان کے ذریعے سبسکرائبر/کسٹمر رجسٹریشن کی تفصیلات؛ ورچوئل اثاثہ سروس فراہم کنندگان، ورچوئل اثاثہ جات کے تبادلے فراہم کرنے والوں اور کسٹوڈین والیٹ فراہم کرنے والوں کے کے وائی سی کے اصول اور طریقے۔ یہ ہدایات مجموعی طور پر سائبر سیکورٹی کی پوزیشن کو بہتر بنائیں گی اور ملک میں محفوظ اور بھروسہ مند انٹرنیٹ کو یقینی بنائیں گی۔

سی ای آر ٹی- ان کی طرف سے جاری کردہ ہدایات https://www.cert-in.org.in/Directions70B.jspپر دستیاب ہیں۔

۔۔۔۔۔۔۔۔۔۔۔۔۔۔۔۔۔۔۔۔۔

ش ح۔م ع۔ع ن

                                                                                                                                      (U: 4793)