کیمیکلز اور  فرٹیلائزرس کے مرکزی وزیر  مملکت جناب  بھگونت کھوبا نے  ادویہ سازی کے محکمہ  کی سکریٹری  محترمہ ایس اپرنا کی موجودگی میں  فارما اور  طبی  آلات کے سیکٹر   پر بین الاقوامی کانفرنس 2022  کے  ساتویں ایڈیشن میں کہا کہ ‘‘بھارتی طبی آلات  کے سیکٹر   میں وسیع امکانات ہیں اور ہمیں زیادہ  اختراعات ، تحقیق و ترقی  کے ذریعہ بھارت میں جدید ترین  تکنیکی  سازو سامان اور مشینری  تیار کرنے پر  توجہ مرکوز  کرنی چاہئے۔ اس موقع پر  مرکزی وزیر مملکت  نے ادویہ سازی کے محکمے کی سکریٹری کے ساتھ  انڈیا فارما اور انڈیا میڈیکل ڈیوائس ایوارڈ 2022   بھی پیش کئے۔

آج  چار اجلاسوں کا انعقاد کیا گیا  جن میں  جدت طرازی اور  مربوط خدمات کے ذریعہ حفظان صحت میں یکسر تبدیلی، اقدار پر مبنی  خریداری کو فروغ دینے کی خاطر  حفظان صحت کے لئے مریضوں پر مرکوز نتائج کا قیام، طبی آلات  کے لئے  مینوفیکچرنگ، مانگ اور عالمی سپلائی چین اور   طبی  تکنیک میں تحقیق  و ترقی اور جدت طرازی شامل ہیں۔

تقریب سے خطاب کرتے ہوئے کیمیکلز اور فرٹیلائزرس کے مرکزی وزیر مملکت  جناب بھگونت کھوبا نے کہا کہ  محترم وزیراعظم کی  وژنری  قیادت میں ہم ہر سیکٹر میں ترقی کر رہے ہیں اور  سبھی تیز تر ترقی فراہم کرنے کے لئے عہد بستہ  ہیں ۔ ادویات  اور طبی  آلات کا سیکٹر   دنیا کے ساتھ ساتھ بھارتی معیشت  کا بھی ایک  اہم سیکٹر ہے۔ انہوں نے مزید کہا کہ  اگر ہم مل  کر کام کریں تو  ہم محترم وزیراعظم کے وژن کے مطابق  50  کھرب ڈالر کی معیشت   بن جائیں گے۔

مرکزی وزیر مملکت  نے کہا کہ بھارتی فارما اور طبی آلات کے سیکٹر میں  ترقی کی  زبردست صلاحیت موجود ہے  ۔ ہم نہ صرف  کھریلو مارکیٹ کی ضروریات  کو پورا کر سکتے ہیں بلکہ  دنیا کے لئے بھی  یہ چیزیں تیار کرسکتے ہیں۔ انہوں نے  کہا کہ بھارت میں  کم لاگت پر  یہ چیزی  تیار کرنے کی صلاحیت ہے۔ انہوں نے  مزید کہا کہ سردست  ہم بھارت میں  صرف  20  فیصد  طبی سازو سامان  تیار کرتے ہیں اور ہم در آمدات پر  انحصار کرتے ہیں۔ انہوں نے مزید کہا کہ حکومت  اس سیکٹر میں ملک کو آتم نر بھر بنانے کے لئے  صنعت کو ہر ممکن  مدد  دینے کے لئے عہد بستہ ہے۔ انہوں نے کہا  کہ پچھلے 8  برسوں کے دوران  اس سیکٹر میں  ترقی میں اضافہ کرنے کی خاطر  حکومت نے  مختلف اقدامات کئے ہیں۔ بھارت تحقیق  و ترقی کی بنیادی  ڈھانچے  کو مستحکم کر کے ہی ادویہ  سازی  اور  طبی آلات  میں خود  کفالت  حاصل کر سکتا ہے، جو  ملک میں  زندگی بچانے  والی ادویات کی توسیع کی مہم   کو قابل رسائی بنائے گی اور  عالمی ادویہ سازی  اور طبی  آلات  کی  بر آمدات کے مرکز کے طور پر  بھارت  کی حیثیت کو منوائے گی۔

نیتی آیوگ  کے سی ای او  جناب امیتابھ کانت  نے  کانفرنس سے خطاب کرتے ہوئے کہا کہ  بھارت کی حفظان صحت کی  صنعت  2016  سے  تیز رفتاری سے بڑھ رہی ہے اور امید ہے کہ  یہ اس سال  380  ارب ڈالر کے قریب پہنچ جائے گی۔ بیرونی سرمایہ کاروں کو  بھارت میں  طبی آلات   تیار کرنے  کی دعوت دیتے ہوئے  جناب امیتابھ کانت نے کہا کہ  اگر  آپ  یہاں  طبی آلات  تیار کریں گے تو  آپ  صرف بھارت  کے لئے  ہی نہیں بلکہ دنیا کے لئے یہ آلات تیار کریں گے اور یہ مارکیٹ  سائز میں  بہت وسیع  ہے۔ انہوں نے کہا کہ  فارما اور  طبی سیکٹر  کے ساتھ  حفظان صحت بھارت کا سب سے بڑا  ملازمتیں دینے والا سیکٹر  ہے۔ انہوں نے کہا کہ  لاگت  میں  مقابلتا کمی اور  ہنر مند لیبر کی دستیابی بھارت کو آنے والے برسوں میں ایک پسندیدہ مقام بنائے گی اور  طبی  سیاحت  کے لئے بھی  پسندیدہ مقام بنائے گی۔

ادویہ سازی کے محکمے  کی سکریٹری  محترمہ ایس اپرنا  نے  پروگرام سے خطاب کرتے ہوئے کہا کہ  طبی آلات  کا سیکٹر  تیزی سے فروغ  پانے والا سیکٹر  ہے اور اسے  ابھرتے ہوئے سورج  کے سیکٹر  کے طور پر  درست  نشان دہی کی گئی ہے۔ ہم  پی ایل آئی اسکیم ، تمل ناڈو  ، ایم پی ، ہماچل پردیش  اور  اترپردیش میں چار میڈیکل  آلات  کے پارک ، بہت سے اقدامات کے ذریعہ اس سیکٹر  کو مدد فراہم کر رہے ہیں۔ انہوں نے مزید بتایا کہ  طبی آلات کی پالیسی منظوری کے  آخری مراحل میں ہے اور اس میں مختلف فریقوں کی رائے کو  شامل کیا گیا ہے۔ انہوں نے صنعت  کے  تمام ایوارڈ پانے والوں کو مبارک باد دی اور  فارما اور طبی آلات کے شعبے میں آتم نر بھر بھارت کے ویژن کے حصول کے لئے  کام کرنے پر زور دیا۔

 

اس سال ادویہ سازی کے محکمے نے بھارت  کے  ادویہ سازی اور طبی آلات  کے ایوارڈس  کے 6  اہم زمروں میں ایوارڈ کا اعلان کیا ہے، جن میں لیڈرس  کا زمرہ ، کمپنی آف دی ایئر ، ایم ایس ایم ای آف دی ایئر، اسٹارٹ  اپ آف دی ایئر، جدت طرازی کا زمرہ، سی ایس آر کا زمرہ شامل ہیں۔ مرکزی وزیر مملکت  نے  ایوارڈ پانے والوں کو  ایوارڈ دیتے ہوئے اور انہیں مبارک باد دیتے ہوئے کہا کہ  ایوارڈ  ملک میں ادویہ سازی اور طبی آلات  کی تیاری  میں کار کردگی   اور معیار کو بہتر بنانے  کے لئے ایک ترغیب کے طور پر کام کریں گے۔

بھارتی فارما اور بھارتی طبی آلات  2022  ایوارڈ پانے والوں کی تفصیلات مندرجہ ذیل ہیں:

کانفرنس میں کیمیکلز اور فرٹیلائزرس کی وزارت ، فکی، انویسٹ انڈیا کے سینئر عہدیدار  اور  مختلف  فارما اور  طبی آلات  کی کمپنیوں کے سی ای اوز  بھی  موجود تھے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح-و ا- ق ر)

U-4789

(Release ID: 1820900) Visitor Counter : 131