“ইন্দিয়ন মেদিকেল দিবাই সেক্তর অসি য়াম্না চাউনা ওইথোকপা য়ানা লৈ, অমসুং ঐখোয়না ভারত্তা অনৌবা পুথোকপা, থি-হুম্বা অমসুং চাউখৎ থৌরাংগী খুৎথাংদা য়াম্না থাক ৱাংবা তেক্নিকেলগী মচাকশিং অমসুং মেচিন্নরী পুথোক্নবা মিৎয়েং থমগদবনি,” হায়রিবা অসি কেমিকেলস অমসুং ফর্তিলাইজরগী রাজ্যগী কেন্দ্রগী মন্ত্রী শ্রী ভগৱন্ত খুবানা ফার্মা অমসুং মেদিকেল দিবাইসেস সেক্তর ২০২২দা ইন্তর্নেস্নেল কনফরেন্সকী ৭শুবা ইদিসন্দা ফার্মাসিয়ুতিকেলস দিপার্তমেন্তগী সক্রেতরী শ্রীমতি এস. অপর্না য়াওনা পাংথোকপা থৌরমদা হায়খিবনি। থৌরম অসিদা রাজ্যগী কেন্দ্রগী মন্ত্রীগা লোয়ননা ফার্মাসিয়ুতিকেলস দিপার্তমেন্তগী সক্রেতরীনসু ইন্দিয়া ফার্মা অমসুং ইন্দিয়া মেদিকেল দিবাইসেস এৱার্দ ২০২২ খুৎশিন্নখি।

থীম কয়াদা সেসন মরি ঙসি শিনখি – অনৌবা ৱাখল পুথোকপগী খুৎথাংদা হেলকেয়দা অওনবা পুরকপা অমসুং অপুনবা থবকশিং, ভেল্যুদা য়ুম্ফম ওইবা লৈনবা পুক্নিং থৌগৎনবগী য়েংশিন্নবা পেসেন্ত-সেন্তরগী অফবা ওইরক্নবা লিংখৎপা, মেদিকেল দিবাইসকী দিমান্দ অমসুং মালেমগী সপ্লাই চেন, মেনুফেকচরিং অমসুং মেদতেক্তা রিসর্স অমসুং চাউখৎহনবা অমসুং অনৌবা ৱাখল পুথোকপা।

কেমিকেলস অমসুং ফর্তিলাইজরগী রাজ্যগী কেন্দ্রগী মন্ত্রী শ্রী ভগৱন্ত খুবানা থৌরম অসিদা ৱা ঙাংলদুনা হায়খি মদুদি ইকাই খুম্নজরিবা লুচিংবা প্রধান মন্ত্রী মিৎয়েং মখাদা সেক্তর খুদিংমক্তা খুমাং চাউশিল্লক্লি অমসুং পুম্নমক্তা খোঙজেল য়াংনা চংশিন্নবা ৱাফম ঙাক্তুনা থম্লি। ফার্মাসিয়ুতিকেল অমসুং মেদিকেল দিবাইসেস্কী সেক্তর অসি মালেমগী লোয়ন-লোয়না ভারতকী ইকোনোমীদী য়াম্না মরু ওইবা সেক্তরনি। ঐখোয়না করিগুম্বা পুন্না থবক তৌমিন্নরবা অদু ওইরবদি ইকাই খুম্নজরিবা প্রধান মন্ত্রীনা মিৎয়েং থম্লিবা দোলর-ত্রিল্লিয়ন ৫গী শেন্মিৎলোন অমা ঐখোয়না ওইগনি, হায়না মহাক্না মখা তাখি

রাজ্যগী কেন্দ্রগী মন্ত্রীনা হায়খি মদুদি ইন্দিয়ন ফার্মা অমসুং মেদিকেল দিবাইস সেক্তর অসি য়াম্না চাউনা ওইথোকপা য়ানা লৈ। ঐখোয়না ইরমদমগী কৈথেলগী তঙাইফদবা খক্তা পীবা নত্তনা মালেমগী ওইনা মেনুফেকচর তৌরি। “ভারতনা মমল হোংনা পুথোকপা ঙম্মী। ঐখোয়না মসিগী মচাকশিং অসি হৌজিক ২০% খক্তমক পুথোক্লি অমসুং ইম্পোর্ত্তা মীপাল তাংলি। সরকার অসিনা সেক্তর অসিদা লৈবাক অসি অত্মানির্ভর ওইনবা মতেং খুদিংমক পাংনবা ৱা ঙাক্লি। হৌখিবা চহি নিপালদা, সেক্তর অসিদা হেন্না চাউখৎনবা সরকারনা খোঙথাং কয়া অমা লৌখৎখি। ভারতনা রিসর্স অমসুং দিবলপমেন্ত ইনফ্রাস্ত্রকচর মপাঙ্গ কনখৎহল্লবা মতমদতা ফার্মাসিয়ুতিকেল অমসুং মেদিকেল দিবাইসেস্তা মরোমদোম লেপচবা ঙম্লগনি, হায়রিবা অসিদা পুন্সিবু কন্নবা হিদাক-লাংথক পীনবা পাকথোক চাউথোকহনবা অমসুং ভারত অসি ফার্মাসিয়ুতিকেল অমসুং মেদিকেল দিবাইসেসকী এক্সপোর্ত হব অমা ওইনা থম্বা ঙমগনি।  

কনফরেন্স অসিদা ৱা ঙাংলদুনা, নিতি আয়োগকী সি.ই.ও. শ্রী অমিতাভ কান্তনা হায়খি মদুদি ভারতকী হেলথকেয়র ইন্দস্ত্রী অসি ২০১৬দগী য়াম্না য়াংনা চাউখৎলক্লি অমসুং হায়রিবা অসি হন্দক্কী চহি অসিদা দোলর বিল্লিয়ন ৩৮০ ময়াদা য়ৌরগনি হায়না পারি। মপাল লমগী ইনভেস্তরশিংবু ভারত্তা মেদিকেল দিবাইস পুথোক্নবা, শ্রী অমিতাভ কান্ত হায়খি, “করিগুম্বা অদোম্না মফম অসিদা মেদিকেল দিবাইস শেমগৎলবা অমসুং পুথোক্লবা, অদোম্না ভারত খক্তগী নত্তনা মালেমগী কৈথেলদা য়াম্না চাউনা পুথোকপা অমা ওইগনি। ফার্মা অমসুং মেদিকেল সেক্তরগা লোয়ননা হেলথকেয়র অসি ভারতকী খ্বায়দগী চাউবা থবক পীফম্নি। ভারতকী মমলদা মন্তিক্নবা অমসুং থবক্তা হৈ-শিংবা লৈবা অসিনা পন্থুংদা য়াম্না চান্নবা অমা ওইরগনি অমুকসু মেদিকেলগী ভেল্যুদা লম কোইবশিংসুনি”

ফার্মাসিয়ুতিকেল দিপার্তমেন্তগী সেক্রেতরী শ্রীমতি এস. অপার্নানা থৌরম অসিদা ৱা ঙাংবদা হায়খি মদুদি মেদিকেল দিবাইস সেক্তর অসি য়াম্না য়াংনা চাউখৎলক্লিবা সেক্তরনি অমসুং হৌজিক্কী ওইনা নুমিৎ থোকপা সেক্তর হায়না খঙনরি। ঐখোয়না সেক্তর অসিদা পি.এল.আই. স্কীম, তামিল নাদু, এম.পি., হিমাচল প্রদেশ অমসুং উত্তর প্রদেশতা মেদিকেল দিবাইস পার্ক ৪ য়াওনা খোঙথাং কয়া অমগী মখাদা মতেং পাংবা ঙম্লি। মহাক্না অমুকসু পাউদমখি মদুদি মেদিকেল দিবাইস পোলিসী অসি অয়াবা পীবগী অরোইবা থাক্তা লৈরে অমসুং মসিদা স্তেকহোল্দর কয়াগী ইনপুৎ কয়া অমা য়াওরি।  মহাক্না ইন্দস্ত্রী অসিগী এৱার্দ ফংখ্রবশিংদা হরাওবা ফোংদোকখি অমসুং ফার্মা অমসুং মেদিকেল দিবাইসকী সেক্তরদা আত্মানির্ভর ভারতকী মিৎয়েং মংফাওননবগীদমক্তা থবক তৌনবা কন্না তকশিনখি।    

হন্দক্কী চহি অসিদা, ফার্মাসিয়ুতিকেল দিপার্তমেন্তনা ইন্দিয়া ফার্মা অমসুং ইন্দিয়া মেদিকেল দিবাইস এৱার্দশিংবু মরুওইবা কেতগরী তরুক্তা লাওথোকখ্রে: - লিদরস কেতগরী, কম্পনী ওফ দ ইয়ার, এম.এস.এম.ই. ওফ দ ইয়ার, স্তার্ত-অপস ওপ দ ইয়ার, ইন্নোভেসন কেতগরী, সি.এস.আর. কেতগরী অসিনি। “মসিগী এৱার্দ অসিনা লৈবক অসিদা ফার্মা অমসুং মেদিকেল দিবাইস পুথোকপদা মথৌ অমসুং অফবা হেনগৎনবা কেতলাইজ অমা ওইনা মথৌ তৌরগনি”, হায়না রাজ্যগী কেন্দ্রগী মন্ত্রীনা মায় পাক্লবশিংদা এৱার্দশিং খুৎশিন্নবা মতমদা হরাওবা ফোংদোক্তুনা হায়খি।

মখাদা পীরিবা অসি ইন্দিয়া ফার্মা অমসুং ইন্দিয়া মেদিকেল দিবাইস ২০২২ এৱার্দকী মায় পাকপশিংনি: -

ইন্দিয়া ফার্মা অমসুং ইন্দিয়া মেদিকেল দিবাইস ২০২২ এৱার্দশিং
মশিং	কেতগরী	এৱার্দ	এৱার্দী	রেঙ্ক
১	লিদরস কেতগরী এৱার্দ	ইন্দিয়া ফার্মা লিদর ওফ দ ইয়ার	সাইপ্লা লিমিতেদ	ৱিন্নর
		ইন্দিয়া মেদিকেল দিবাইস লিদর ওফ দ ইয়ার	পোলি মেদিক্যুর লিমিতেদ	ৱিন্নর
			হেলথিয়ম মেদতেক্ত লিমিতেদ	রন্নর-অপ
			ত্রান্সাসিয়া বাইও-মেদিকেলস লিমিতেদ	২শুবা রন্নর-অপ
২	কম্পনী ওফ দ ইয়ার এৱার্দ	ইন্দিয়া ফার্মা (ফোর্মুলেসন) কম্পনী ওফ দ ইয়ার	মাইক্রো লেবস লিমিতেদ	ৱিন্নর
		ইন্দিয়া মেদিকেল দিবাইস কম্পনী ওফ দ ইয়ার	ত্রিবিত্রোন হেলথকেয়র	ৱিন্নর
			নাইস নিওতোক্ত মেদিকেল সিস্তেম প্রাইবেৎ লিমিতেদ	রন্নর-অপ
			কানম লেতেক্স ইন্দস্ত্রীজ প্রাইবেত লিমিতেদ	২শুবা রন্নর-অপ
৩	এম.এস.এম.ই. কেতগরী এৱার্দ	ইন্দিয়া মেদিকেল দিবাইস এম.এস.এম.ই. ওফ দ ইয়ার	নাইস নিওতোক্ত মেদিকেল সিস্তেম প্রাইবেৎ লিমিতেদ	ৱিন্নর
			প্রমিয়ম হেলথকেয়র প্রাইবেৎ লিমিতেদ	রন্নর-অপ
			এ.ভি.আই. হেলথকেয়র প্রাইবেৎ লিমিতেদ	২শুবা রন্নর-অপ
৪	স্তার্ত-অপ কেতগরী	ইন্দিয়া মেদিকেল দিবাইস স্তার্ত-অপ ওফ দ ইয়ার	ভানগার্দ দাইগ্নোস্তিক্স (পি.) লিমিতেদ	ৱিন্নর
৫	ইন্নোভেসন কেতগরী	ইন্দিয়া ফার্মা ইন্নোভেসন ওফ দ ইয়ার	গ্লেনমার্ক ফার্মাসিয়ুতিকেল লিমিতেদ	ৱিন্নর
		ইন্দিয়া মেদিকেল দিবাইস ইন্নোভেসন ওফ দ ইয়ার	মেরিল লাইফ সাইন্স প্রাইবেত লিমিতেদ	ৱিন্নর
৬	সি.এম.আর. কেতগরী	ইন্দিয়া ফার্মা কম্পনী ওফ দ ইয়ার	জাইদস লাইফসাইন্স লিমিতেদ	ৱিন্নর
			গ্লেনমার্ক ফার্মাসিয়ুতিকেল লিমিতেদ	রন্নর-অপ
			লুপিন লিমিতেদ	২শুবা রন্নর-অপ

 

কেমিকেল অমসুং ফর্তিলাইজরগী  মন্ত্রালয়, এফ.আই.সি.সি.আই., ইনভেস্ত ইন্দিয়াগী মকোক থোংবা ওফিসিএলশিং অমসুং ফার্মা অমসুং মেদিকেল দিবাইস কম্পনী কয়াগী সি.ই.ও.শিংনা কনফরেন্স অসিদা শরুক য়াখি।

****

(Release ID: 1820770) Visitor Counter : 132