فوڈ کارپوریشن آف انڈیا (ایف سی آئی) نے 25 اور 26 اپریل 2022 کو نئی دہلی میں واقع اپنے ہیڈ کوارٹرس کے ساتھ ساتھ دیگر ریاستوں/ مرکز کے زیر انتظام علاقوں میں واقع اپنے دیگر دفاتر میں صفائی مہم کا انعقاد کیا۔ مہم کے دوران ایف سی آئی کے ذریعہ تمام دفاتر میں 6000 سے زیادہ فائلوں کو صاف کیا گیا ہے۔

دو روزہ صفائی مہم کے دوران عملے نے لائبریری، تہہ خانے، کمپاؤنڈ کے احاطے سمیت پارک ایریا  کے ساتھ ساتھ مین گیٹ  کے باہر صفائی کا کام کیا۔ ہیڈکوارٹر میں آڈیٹوریم، کیو سی لیب اور جمنازیم کی صفائی بھی کی گئی۔ اسی طرح کی مشق ایف سی آئی کے فیلڈ دفاتر نے ملک کے مختلف حصوں میں کی۔

 

کاغذ سے مبرا کلچر کے لئے کوششیں کرتے ہوئے ایف سی آئی ہیڈکوارٹرس نے اسکیننگ کے ذریعے تمام فائلوں کی ڈیجیٹائزیشن کا عمل شروع کردیا ہے۔ اب تک 20 لاکھ صفحات پر محیط نو ڈویژنوں کی فائلیں مکمل کر کے ڈیجیٹل طور پر دستیاب کرادی گئی ہیں۔   بعد میں ای-آفس کے ساتھ انضمام، دفتر کے احاطے کی دیکھ بھال کو بہتر بنانے کے علاوہ صاف ستھرے دفاتر، کاغذ کی کھپت میں کمی کو یقینی بنائے گا۔

۔۔۔۔۔۔۔۔۔۔۔۔۔۔۔۔۔۔۔۔۔

 

 

ش ح۔م ع۔ع ن

                                                                                                                                      (U: 4768)

(Release ID: 1820787) Visitor Counter : 123