ঙা য়োকপা, শা-শন য়োকপা অমসুং শঙ্গোম পুথোকপা মন্ত্রালয়

শ্রী সঞ্জীব কুমার বাল্যন্না হেন্না খুমাং চাউশিনবা চাথোক্কী তেক্নোলোজীশিংদা মরুওইবা পীনবা হায়খ্রে


নেস্নেল লাইবস্তোক মিসন অমসুং রাস্ত্রিয়া গোকুল মিসন অমুক পুনশিনখ্রে

অজাদি কা অমৃত মহোৎসবকী মখাদা পাউজেল পীবগী থৌরম শিনখ্রে

Posted On: 27 APR 2022 11:27AM by PIB Imphal

অজাদি কা অমৃত মহোৎসবকী অমসুং কিসান ভগীধারী প্রথমিক্তা হমারী অভিয়ানগী শরুক অমা ওইনা ফিসরীজ, এনিমেল হজবেন্দরী অমসুং দায়রীগী মন্ত্রালয়না দিপার্তমেন্ত অসিগী ওন্ত্রোপ্রিন্যুরশিপ স্কীমশিং অমসুং বেনিফিসরীশিংগী ওইবা মরুওইবা থৌরমশিংগী এৱারনেস প্রোগ্রাম শিল্লি। মসি লৈবাক শিনবা থুংনা খুঙ্গংগী থাক্তা কেম্প ৮০০০ চৎথদুনা কমন সর্বিস সেন্তর নেতৱার্ক্কী খুৎথাংদা পাংথোকপনি।  হায়রিবা অসি ২০২২গী এপ্রিল ২৫দগী এপ্রিল ২৮ ফাওবা শিল্লি। লৈবাক শিনবা থুংনা কমন সর্বিস সেন্তরগী খুৎথাংদা লৌমী লাখ অমা নুমিৎ খুদিংগী য়াওগনি।   

ফিসরীজ, এনিমেল হজবেন্দরী অমসুং দায়রীগী মন্ত্রী শ্রী সঞ্জীব কুমার বাল্যন্না কেম্পকী খুৎথাংদা ঙরাংগী থৌরমদা লৌমীশিংদা ৱা ঙাংখি অমসুং পাউদমখি মদুদি নেস্নেল লাইবস্তোক মিসন (এন.এল.এম.) অমসুং রাস্ত্রিয়া গোকুল মিসন (আর.জি.এম.) স্কীমশিংদা হৌজিক ব্রীদর ফার্ম ওন্ত্রোপ্রিন্যর অমসুং ফোদ্দর ওন্ত্রোপ্রিন্যর মচাকশিং লৈরে। অৱাং-নোংপোক রাজ্যশিং, বিহার, ওরিশা, ৱেস্ত বেঙ্গালদগী লৌমী লাখ অমা শরুক য়াখি, এন.এল.এম.না খুঙ্গংগী ওন্ত্রোপ্রিন্যরশিপ পুথোকপদা মতেং পাংগনি অমসুং থবক ফংদ্রিবা নহাশিংদা হেন্না ফবা পুন্সি মহিংগী খুদোংচাবা পীবদা মতেং পাংগনি অমসুং অত্মা নির্ভর ভারত লোমদা চংশিন্দুনা শন-লোক, দায়রী, য়েন-ঙানু লোইবা, য়াও, হামেং, ওক, মচিঞ্জাক অমসুং শজিক্কী সেক্তরদা লাইবস্তোক ফার্মরশিংবু মতেং পাংগনি। মহাক্না হেন্না খুমাং চাউশিনবা চাথোক লৈনবা তেক্নোলোজী শিজিন্নবা অমসুং থবক তৌরিবশিংগী থাক্তা মসিবু পীবা অসিদা মরুওইবা পীখি। মহাক্না লৌমীশিংবু আর্তিফিসিএল ইনসেমিনেসন (এ.আই.)বু অমসুং কেন্দ্রগী লৈরিবা অকংবা শজিকশিংগী স্কীম কয়াগী কান্নবশিং ফংনবগীদমক পুক্নিং থৌগৎনবসু হায়জখি।

https://static.pib.gov.in/WriteReadData/userfiles/image/image001S4CK.jpg

সেক্তেতরী (দি.ও.এফ. অমসুং দি.এ.ঐচ.দি. আই./সি.), শ্রী জাতিন্দ্র নাথনা প্রধা মন্ত্রী মন্তস্য সম্পাদা য়োজনা (পি.এম.এম.এস.ৱাই.) অমসুং ফীসরীজ অমসুং এক্বাকলচর ইনফ্রাস্ত্রকচর দিবলপমেন্ত ফন্দ (এফ.আই.দি.এফ.)কী মরমদা হায়খি। মহাক্না মখা তাখি মদুদি লৈবাক অসিগী কাচিন কোয়া শিনবা থুংনা লৈরিবা ঙামী অমসুং ঙাগী ফার্ম তৌবা মীওইশিংনা ফীসরীজ দিপার্তমেন্তকী মরুওইবা স্কীমশিং অসি ফংবা য়াই। মহাক্না অমুকসু পনখি মদুদি, অনওর্গানাইজ সেক্তরশিংদা পুথোক্লিবা পোৎলমশিং মাংলোমদা পুখৎনবা অমদি ওর্গানাইজ সেক্তরশিংগা পুনশিন্নবা, মসিগী মন্ত্রালয়গী ওন্ত্রোপ্রিন্যুরশিপ স্কীমশিং অসি ওন্ত্রোপ্রিন্যুরশিপকী চাউখৎ থৌরাংদা মতেং ওইরগনি।

দিপার্তমেন্তগী ওন্ত্রোপ্রিন্যুরশিপ স্কীমশিং অসি পাউদম্লদুনা, পি.এম.এম.এস.ৱাই, অসিনচিংবা কালেন পান্থাদা শা-উচেক য়োকপগী শিল-লাংবা অমসুং শজিক্কী শিল-লাংবা, মায় পাকপগী ৱারী হায়রিবা অসিদা পাউ পীবা য়াবা সেসন থৌরম অসিদা পাংথোকখি। শরুক য়ারিবশিংনা স্কীমশিং অসিগী মরমদা মপুং ফাবা ই-পাউ পীখি লোয়ন-লোয়ননা মতৌ করম্না সি.এস.সি.গী খুৎথাংদা স্কীম পোর্তেল অসিদা থাজনগদগে হায়বা তাকখি। 

https://static.pib.gov.in/WriteReadData/userfiles/image/image002ZK03.jpg

***



(Release ID: 1820773) Visitor Counter : 94