দোনর মন্ত্রালয়না ২০২২গী এপ্রিল ২৮দগী মেগী ৪ ফাওবা অৱাং-নোংপোক্কী রাজ্য নিপাল পুম্বদা অজাদি কা অমৃত মহোৎসবকী শরুক ওইনা নোর্থ ইস্ত ফেস্তিবেল শিনগদৌরি। ভারতনা নিং-তম্বগী চহি ৭৫ পাংথোক্লিঙৈদা, মসিগী শিংথানিংঙাই ওইরবা পুৱারী, মীয়াম, কলচর অমসুং অজাদি কা অমৃত মহোৎসব মনুংদা মায় পাকপশিংদা, মন্ত্রালয় অসিনা অৱাং নোংপোক্কী মফমশিংগী ফজবা অমসুং মখোয়গী লম কয়াদা মায় পাকখিবশিং ফেস্তিবেল অসিগী খুত্থাংদা উৎপা পাম্লি।   

রিজনেল অমসুং রাজ্যগী থাক্তা পাংথোক্লিবা থৌরম, নুমিৎ তরেৎনিগী ফেস্তিবেল অসিদা, “হম কিসি সে কম নহি”গী ইথিলগা লোয়ননা অৱাং-নোংপোক্কী ওইবা মফমশিংগী মায় পাকখিবশিং উৎনবা পান্দম থম্লি।

হৌখিবা চহি নিপালগী মনুংদা, অৱাং-নোংপোক্কী মফমশিংদা লম্বী থোং ফাওনবদা য়াম্না নিংথিনা চংশিল্লি। মসিদা ২০১৪গী মমাংদা গুৱাহাতী অসি রেলৱে খক্তনা ফাওনরম্বনি, ঙসিদি কোনুং অনিদগী হেন্না মথং-মথং শম্নরে অমসুং লৈহৌরিবা কোনুং ওইবা সহরশিংগী লম্বী ফাওনবগী থবক চংশিল্লি। মসিগা মান্ননা, অরুনাচল প্রদেশ অমসুং নাগালেন্দগী রাজ্যগী কোনুং লেন মরিগী খুৎথাংদা লম্বী ফাওননবা থবক চংশিল্লি অমসুং অতোপ্পা লেন অনিগী হায়ৱেনা সিক্কিম ফাওরি। মফম অসিগী মনুংগী লম্বী-থোং ফাওনবা অসিনা প্রধান মন্ত্রী গ্রমিন সরক য়োজনাগী খুত্থাংদা পায়খৎলি। হৌজিক ফাওবদা অৱাং-নোংপোক্তা মথৌ তৌবা এয়রপোর্ত ১৫ লৈরে অমসুং অনৌবা এয়রপোর্তশিং পুথোকপা অমসুং ফগৎহনবা অমসুং মতমগা চুনবা শেমগৎনবা প্রোজেক্তশিং হৌজিক পায়খৎলি। মসিগা মান্নবা মওংদা, তেলেকোম, পাৱর, ইন্তর্নেস্নেলগা লম্বী ফাওননবা অমসুং সাইন্স অমসুং তেক্নোলোজীগী প্রোজেক্তশিং পায়খৎলি।

“হম কিসি সে কম নহি”গী ইথিলগী মখাদা, থৌরম কয়া অমা রাজ্য নিপাল পুম্বদা হাংদোক্লি। হায়রিবা থৌরমশিং অসি অৱাং নোংপোক্কী চাউখৎ থৌরাং য়াম্না ৱাবা মফমশিং মদুদি ইনফ্রাস্ত্রকচর, শেন্থং থাদবা য়াবা মফমশিং, শক্তি পীবগী তঙাইফদবা লৈবা অমসুং অৱাং নোংপোক্কী চাউখৎ থৌরাংদা নুপীগী থৌদাংশিং য়াওনা কোনশিল্লি।

ফেস্তিবেল অসিনা ২০২২গী মে ৩দা ইম্ফালদা চয়োল চুপ্পা শান্ন-খোৎনবগী থৌরম পাংথোক্তুনা অৱাং নোংপোক্কী শান্নরোইশিংগী থৌরমশিংসু পাংথোক্কনি। মখা তানা, রাজ্যশিং অসিদা চয়োল চুপ্পা জন ভগিদারি মোদতা থবক-থৌরম অমসুং থৌরমশিংসু পাংথোক্কনি।

ভারতকী রাস্ত্রপতিনা ২০২২গী মে ৪দা গুৱাহাতীদা লোইশিনবগী ফংসন্দা শরুক য়ানবা হায়জরুবদা য়াবিরক্লে।   

***