تلنگانہ سے تعلق رکھنے والی ٹینس کھلاڑی شریولی رشمیکا کئی سالوں سے ہندوستان کے جونیئر ٹینس سرکٹ میں شاندار کارکردگی کے ساتھ اپنا نقش چھوڑ رہی ہیں۔ 20 سالہ نوجوان خاتون کھلاڑی کے نام پہلے ہی دو اے آئی ٹی اے جونیئر نیشنل چیمپئن شپ ہیں اور 2018 میں انہیں ہندوستان میں  رونالڈ-گروس کے ذریعہ منعقدہ ایک مدعو ایونٹ جیتنے کا اعزاز حاصل ہے، جس میں مقابلہ جیتنے والوں کو جونیئر رولینڈ گیروس مین ڈرا میں وائلڈ کارڈ انٹری کے ذریعے پیرس میں مقابلہ کرنے کا موقع ملا۔ رشمیکا آئی ٹی ایف گریڈ 3 ایونٹ میں سیمی فائنلسٹ بھی رہ چکی ہیں اور وہ صرف اپنے نئے ٹینس کیریئر میں مضبوطی سے بلندی کی طرف جارہی ہیں۔

کھیلو انڈیا یونیورسٹی گیمز 2021 کے باسکٹ بال میچز 23 اپریل کو کانتیراوا اسٹیڈیم میں شروع ہونے کے بعد سے تماشائیوں کی گیلری میں ایک آدمی، ہندوستانی مردوں کی باسکٹ بال ٹیم کے ہیڈ کوچ ویسلن میٹک باقاعدگی سے شریک رہتے ہیں۔ تین سال سے زائد عرصے سے قومی ٹیم کے ساتھ رہنے والے سربیائی کوچ نے ایک بھی میچ نہیں چھوڑا ہے۔ ویسلین میٹک نے کہا کہ ‘‘میں گزشتہ تین چار دنوں سے یہاں ہوں اور میں نے کچھ دلچسپ میچز دیکھے ہیں۔ اس میں کوئی شک نہیں کہ ہندوستان میں بہت زیادہ ٹیلنٹ ہے اور ان میں سے کچھ کھلاڑی کافی اچھے ہیں۔’’

میٹک نے کہا کہ باسکٹ بال کے کچھ میچز آخری لمحے تک لڑے جانے کے ساتھ مقابلے کی سطح کافی پرزور ہے۔ انہوں نے مزید کہا کہ ‘‘خاص طور پر

 26 برس سے کم عمر زمرے کے کھلاڑیوں کے لیے اچھے میچز کھیلنا بہت ضروری ہے۔ کھیلو انڈیا یونیورسٹی گیمز جیسے مقابلے یقیناً باسکٹ بال کے ایکو سسٹم میں حصہ ڈالیں گے خاص طور پر اسکول اور کالج میں جہاں باسکٹ بال ایک مقبول کھیل ہے۔’’

ویسلین نے مردوں کے گروپ اے میں جین یونیورسٹی کی کروکشیترا یونیورسٹی سے 67-73سے ہارنے کے موقع پر بات کی۔ دوسرے میچوں میں منگل کو پنجاب یونیورسٹی نے گروپ بی مردوں میں جامعہ ملیہ یونیورسٹی کو 72-90 سے شکست دی اور خواتین کے گروپ اے میں یونیورسٹی آف مدراس نے مہاتما گاندھی یونیورسٹی کو 56-67 سے شکست دی۔ جبکہ گرو نانک یونیورسٹی نے ممبئی یونیورسٹی کو 56-85 سے شکست دی۔ گروپ بی میں کروکشیتر یونیورسٹی نے میزبان جین یونیورسٹی کو 45-50 سے شکست دی۔

پچھلے کچھ دنوں سے کھلاڑیوں کو قریب سے دیکھنے کے بعد میٹک نے کہا،‘‘میں ان میں سے زیادہ تر کھلاڑیوں کو جانتا ہوں۔ وہ یا تو ہندوستانی کیمپ میں ہیں یا میں نے انہیں پہلے کھیلتے ہوئے دیکھا ہے۔ لیکن اس ٹورنامنٹ میں کچھ نئے چہرے ہیں جنہوں نے صلاحیت دکھائی ہے۔ یہی وجہ ہے کہ اس طرح کا مقابلہ اہم ہے تاکہ وہ اعتماد حاصل کریں اور انہیں ملک کے سرکردہ کھلاڑیوں کے خلاف کھیلنے کا موقع ملے۔’’

مردوں اور خواتین کے باسکٹ بال کے سیمی فائنل اور فائنل بدھ کو کانتیراوا انڈور اسٹیڈیم میں ہونے والے ہیں۔

 

۔۔۔۔۔۔۔۔۔۔۔۔۔۔۔۔۔۔۔۔

 

ش ح۔م ع۔ع ن

                                                                                                                                      (U: 4708)

(ریلیز آئی ڈی: 1820344) وزیٹر کاؤنٹر : 213