صحت اور خاندانی بہبود کی وزارت (ایم او ایچ ایف ڈبلیو) ریاستوں اور مرکز کے زیر انتظام علاقوں کے تعاون سے 16 اپریل سے 22 اپریل 2022 تک آزادی کا امرت مہوتسو کے تحت آیوشمان بھارت صحت اور معالجہ مراکز (اے بی-ایچ ڈبلیو سی ایس) کی چوتھی سالگرہ منا رہی ہے۔ صحت میلے 18 اپریل 2022 کو ملک بھر کی 33 ریاستوں/ مرکز کے زیر انتظام علاقوں میں شروع ہوئے۔ یہ صحت میلے ضروری ادویات اور تشخیصی خدمات کے ساتھ ساتھ معیاری صحت کی دیکھ بھال کی خدمات حاصل کرنے کے لیے ہزاروں لوگوں کو راغب کرنے کے لیے پلیٹ فارم کے طور پر کام کر رہے ہیں۔ یہ صحت کی تعلیم فراہم کرنے کا ایک ذریعہ ہیں، صحت مند طرز زندگی کے بارے میں معلومات کے ساتھ ساتھ  صحت کی دیکھ بھال کی دیگر خدمات، بیماریوں کا جلد پتہ لگانے اور ان کے علاج کے لیے کام کررہے ہیں۔ صحت میلے اپریل کے آخر تک جاری رہیں گے۔

ملک بھر میں جشن آزادی کی تقریبات بڑے جوش و خروش سے منائی جا رہی ہیں۔ مرکزی وزیر صحت، ریاستوں/ مرکز کے زیر انتظام علاقوں کے وزیر صحت، اراکین پارلیمنٹ، ایم ایل ایز، مرکزی وزارت صحت کے سینئر افسران، ریاستوں/ مرکز کے زیر انتظام علاقوں کے پرنسپل ہیلتھ سکریٹریز/ ہیلتھ سکریٹریز، ریاستی محکمہ صحت کے سینئر افسران، نمائندے اور مقامی معززین بھی اے بی-ایچ ڈبلیو سی کا دورہ کررہے ہیں اور سستی اور قابل رسائی صحت کی دیکھ بھال فراہم کرنے میں اے بی- ایچ ڈبلیو سی کی اہمیت کو سمجھنے کے لیے عوام میں بیداری پھیلا رہے ہیں۔

(18 اپریل 2022 سے) ان صحت بخش کھانے پر عمل درآمد کے سات دنوں کی مجموعی رپورٹ کے مطابق 3204 بلاکس میں بلاک ہیلتھ میلے منعقد کیے گئے ہیں۔ ان سات دنوں میں ملک بھر میں منعقد ہونے والے ان میلوں کے دوران کچھ اہم سرگرمیاں ذیل میں دی گئی ہیں۔ (18 تا 24 اپریل 2022):-

• 33 ریاستوں/ مرکز کے زیر انتظام علاقوں میں 3204 بلاک ہیلتھ میلوں میں 27.31 لاکھ سے زیادہ لوگوں کی آمد ہوئی۔
• پورے ہندوستان میں 3.66 لاکھ سے زیادہ اے بی ایس اے  آئی ڈیز بنائے گئے، سب سے زیادہ مہاراشٹر میں بنائے گئے (56,321)
• پورے ہندوستان میں 1.17 لاکھ سے زیادہ پی ایم جے اے وائی گولڈن کارڈ بنائے گئے، سب سے زیادہ کرناٹک میں بنائے گئے (22,091)
• ہندوستان بھر میں 1.76 لاکھ سے زیادہ ٹیلی مشاورت کی گئی
• مجموعی طور پر 6.75 لاکھ ہائی بلڈ پریشر اسکریننگ، 6.11 لاکھ ذیابیطس اسکریننگ، 2.05 لاکھ موتیابند کی اسکریننگ کی گئی
• تقریباً 1,009 بلاک ہیلتھ میلوں میں خون کے عطیہ کے کیمپ لگے اور 519 میں اعضاء کا عطیہ دینے کے لئے رجسٹریشن کیا گیا
• ریاستوں / مرکز کے زیر انتظام علاقوں کی طرف سے شیئر کی گئی معلومات کے مطابق بلاک ہیلتھ میلوں کا افتتاح منتخب نمائندوں جیسے ممبران پارلیمنٹ (ایم پی)، ممبران اسمبلی (ایم ایل اے) اور سرپنچوں کے ساتھ ساتھ ڈپٹی کمشنروں، چیف میڈیکل آفیسرز اور سول سرجنوں نے کیا۔

لکشدیپ: رمضان کے مہینے میں رات کے وقت میلوں کا انعقاد کرکے اختراعی طور پر بلاک ہیلتھ میلے کو ایڈجسٹ کیا گیا

بلاک ہیلتھ میلے میں شرکت کو بڑھانے کے لیے ریاستوں کے منفرد اقدامات:

گوا: ویکٹر سے پیدا ہونے والی بیماریوں پر بچوں کے لیے ڈرائنگ کی تکمیل

لداخ: آرمی میڈیکل کور ذیابیطس اور ہائی بلڈ پریشر کی اسکریننگ میں مصروف ہے۔

یوپی:  ایف ایس ایس اے آئی کے ذریعے پہیوں پر فوڈ سیفٹی

چنڈی گڑھ: آزادی کا امرت مہوتسو کے تحت ٹیٹو بنانے کی سرگرمی

پنجاب: صحت سے متعلق آگاہی پر اسٹریٹ پلے (نکڑ ناٹک)

26 اپریل 2022 کو ریاست وار بلاک ہیلتھ میلہ کی رپورٹ حسب ذیل ہے:

 

۔۔۔۔۔۔۔۔۔۔۔۔۔۔۔۔۔۔۔۔۔

 

ش ح۔م ع۔ع ن

                                                                                                                                      (U: 4705)

(Release ID: 1820343) Visitor Counter : 133