অঙাংশিংগী স্কীমগীদমক পি.এম. কেয়রস কয়াগা মরী লৈননা সেন্সিতাইজেসনগী পুক্নিং থৌগৎনবা, নেস্নেল কম্মিসন ফোর প্রোতেক্সন ওফ চাইল্দ রাইত্স (এন.সি.পি.সি.আর.)না ২২/০৪/২০২২ অমসুং ২৩/০৪/২০২২দা অঙাংশিংগী স্কীমগী পি.এম. কেয়রস্তা ভর্চুএল রিজনেল কনক্লেবশিং ৪ শিনখ্রে। অঙাংশিংগী স্কীমগী পি.এম. কেয়রস অসি কোবিদ-১৯ লায়চৎতা মমা-মপা অনিমক নত্ত্রগা লেগেল গার্জিয়ানশিং নত্ত্রগা য়োক্লিবা মমা-মপা ওইবশিং নত্ত্রগা হিংহৌরবা মমা-মপা ওইবশিংগী অঙাংশিংদা অহেনবা মতেং পীনবা ২০২১গী মে ২৯দা ভারতকী প্রধান মন্ত্রীনা হৌদোকখিবনি। স্কীম অসিনা অসিগুম্বা অঙাংশিং অসি হেলথ ইন্সুরেন্স, মহৈ তম্বগী খুত্থাংদা শক্তি পীদুনা, অমসুং শেল-থুমগী ওইবা মতেংগা লোয়ননা মখোয়বু য়াইফনবা শিল্লি। ৱিমেন অমসুং চাইল্দ দিবলপমেন্ত মন্ত্রালয়না স্কীম অসিবু য়েংশিল্লি, হায়রিবা অসিদা মশক খঙদোক্নবা, রেজিস্তর তৌনবা অমসুং অঙাংশিংবু ওনলাইন পোর্তেলগী খুৎথাংদা মতেং পীনবা তেক্নোলোজীশিং হেন্না ফগৎহল্লি।

অৱাং নোংপোক অমসুং নোংপোক থংবা মফমশিংগী রাজ্যশিং মদুদি অরুনাচল প্রদেশ, অসাম, মনিপুর, মেঘালয়, নাগালেন্দ, সিক্কিম, বিহার, ঝর্খন্দ, ওরিশা, ৱেস্ত বেঙ্গাল অমসুং নোংচুপ থংবা মফমগী রাজ্যশিং/য়ু.তি.শিং মদুদি রাজস্থান, গুজরাত, মহারাস্ত্রা, গোৱা, দদ্রা অমসুং নগর হবেলি, দামন অমসুং দিয়ু, মধ্য প্রদেশ, ছত্তিসগরগী ভর্চুএল কনক্লেব অসি ২০২২গী এপ্রিল ২২দা শিনখি।

২০২২গী এপ্রিল ২৩দা ভর্চুএল কনক্লেব অসি অৱাংথংবা মফমশিংগী রাজ্যশিং/য়ু.তি.শিং হায়রিবা অসিদা জম্মু অমসুং কশ্মির, লদাখ, চান্দিগর, হিমাচল প্রদেশ, উত্তরাখন্দ, পঞ্জাব, দিল্লী, উত্তর প্রদেশ, হরিয়ানা য়াওনা অমসুং খা থংবা রাজ্যশিং/য়ু.তি.শিং মসিদা আন্ধ্র প্রদেশ, তেলঙ্গনা, কর্নাতকা, তামিল নাদু, কেরলা, লক্ষ্যদ্বীপ, আন্দমান অমসুং নিকোবর ইথৎ অমসুং পুদুচেরীগা লোয়ননা শিনখি। 

মহাক্কী ৱেলকম এদ্রেস্তা, নেস্নেল কম্মিসন ফোর প্রোতেক্সন ওফ চাইল্দ রাইত্স (এন.সি.পি.সি.আর.)কী চেয়রপর্সন শ্রী প্রিয়াঙ্ক কানুঙোনা উৎখি মদুদি কনক্লেব অসিগী পান্দম অসি সেন্সিতাইজ তৌবা অমসুং দিপার্তমেন্ত খুদিংগী স্তেকহোল্দর পুম্নমক্না লৌরিবা থৌদাংশিং অসি পুথোকপনি। মহাক্না মসিমসু পনখি মদুদি ভারতকী প্রধান মন্ত্রীনা মপা মপা লৈত্রবা অঙাংশিংগী গর্জিয়ানগী থৌদাং লৌদুনা চহি ২৩ মহৈ-মশিংদা মতেং পীবা, হেলথদা চেকশিনবা, স্কোলারশিপ অসিনচিংবা পীরগনি। দিস্ত্রীক্ত খুদিংমক্তা অসিগুমবা অঙাংশিং লৈরি অমসুং অসিগুম্বা অঙাংশিং অসি অঙাংশিংগী স্কীমগীদমক পি.এম. কেয়রস্তা লিঙ্ক তৌদুনা মখোয়বু স্কীমশিং অসিগী কান্নবা ফংহন্নবা হায়জরি, হায়না মহাক্না মখা তাখি।

ভারত সরকারগী ৱিমেন অমসুং চাইল্দ দিবলপমেন্ত মন্ত্রালয়গী সেক্রেতরী, শ্রী ইন্দেবর পান্দেনা মহাক্কী কিনোৎ এদ্রেস্তা পনখি মদুদি অঙাংশিংগী স্কীমগীদমক পি.এম. কেয়রস অসি মচাক ৪ হায়রিবা অসিদা শেল-থুমগী মতেং, বোর্দিং অমসুং লোদজিং, মহৈ তম্বা অমসুং স্কোলার্শিপ অমসুং পি.এম.জে.এ.ৱাই.গী মখাদা হেলথ ইন্সুরেন্স য়াওনা ২০২১গী মে ২৯দা হৌদোকখিবনি। মহাক্না মখা তানা স্কীমশিংগী কান্নবা অমসুং স্কীম অসিবু ফংহনবদা মন্ত্রালয় কয়ানা লৌরিবা থৌদাংগী মরমদা মরীক চুম্না পীখি। শ্রী ইন্দেবর পান্দেনা এন.সি.পি.সি.আর.বু নোংপোক অমসুং অৱাং নোংপোক্কী মফমশিং, নোংচুপ থংবা মফমশিং, অৱাংথংবা মফমশিং অমসুং খা-থংবা মফমশিংগীদমক কনক্লেব ৪ শিনবগীদমক্তা থাগৎপা ফোংদোকখি।

কনক্লেব অসিগা মরী লৈনবা সেসনশিং মন্ত্রালয়শিং/দিপার্তমেন্তশিংগী স্তেকহোল্দর পুম্বগী ওফিসরশিংনা প্রজেন্ত তৌখি। কনক্লেব মরীমক্তা রাজ্যশিং/য়ু.তি.শিংগী সরকারগী দিপার্তমেন্ত কয়াদগী ওফিসর ৬৭০০ হেনবনা “রিজনেল কনক্লেব ওন পি.এম. কেয়রস ফোরো চিলদ্রন’দা শরুক য়াখি। কনক্লেব অসিদা শরুক য়ারিবশিং অসি ওথোরিতীশিং অমসুং ওফিসিএলশিংনি হায়রিবা অসিদা (১) দিুপুতী কম্মিস্নর/দিস্ত্রীক্ত কলেক্তর/দিস্ত্রীক্ত মাইজিস্ত্রেৎ (২) চাইল ৱেলফিয়র কম্মিতীগী চেয়রপর্সন অমসুং মেম্বরশিং (৩) দিস্ত্রীক্ত চাইল্দ প্রোতেক্সন ওফিসর (দি.সি.পি.ও.) – য়ুনিৎ ইন-চার্জ ওফ দি.সি.পি.য়ু. (৪) দিস্ত্রীক্ত প্রোগ্রাম ওফিসর (দি.পি.ও.) (৫) দিস্ত্রীক্ত এজুকেসন ওফিসর (দি.ই.ও.) (৬) দিস্ত্রীক্ত রিপ্রজেন্তেতিব ওফ হায়র এজুকেসন/রিপ্রজেন্তেতিব ওফ লিদ কোলেজ ওফ দিস্ত্রীক্ত ফোর হায়র এজুকেসন (৭) চীফ মেদিকেল হেলথ ওফিসর (সি.এম.ঐচ.ও.)(৮) দিস্ত্রীক্ত রিপ্রজেন্তেতিব ওফ দিপার্তমেন্ত ওফ ত্রাইবেল এফিয়র্স (৯) দিস্ত্রীক্ত রিপ্রজেন্তেতিব ওফ দিপার্তমেন্ত ওফ মাইনোরিতী এফিয়র্স (১০) দিস্ত্রীক্ত রিপ্রজেন্তেতিব ওফ দিপার্তমেন্ত ওফ সোসিএল ৱেলফিয়র য়াওনা মীফম অসিদা শরুক য়াখি।

নেস্নেল কম্মিসন ফোর প্রোতেক্সন ওফ চাইল্দ রাইত্স (এন.সি.পি.সি.আর.) অসি কম্মিসন ফোর প্রোতেক্সন ওফ চাইল্দ রাইত্স (সি.পি.সি.আর.) এক্ত, ২০০৫ (৪ ওফ ২০০৬)গী মখাদা প্রোভিজন পীবা অঙাংশিংগী হক অমসুং অতৈ মরী লৈনবা ঙাক-শেন্নবা লিংখৎপনি।  মসিগী অতৈ মথৌ অমসুং থৌদাংশিংগা লোয়ননা কম্মিসন অসিনা সেক্সন ১৩(১)(ঐচ.) ওফ দ সি.পি.সি.আর. এক্ত ২০০৫ অসি শোইদনা তৌগদবনি; “সমাজগী মফম সেক্সন কয়াদা চাইল্দ রাইত লিতরেসী শন্দোক্কদবনি অমসুং মসিগী হক অসি ঙাক শেন্নবগীদমক্তা পব্লিকেসন, মেদিয়া, সেমিনর অমসুং অতৈ অঙম্বা পাম্বৈ শিজিন্নদুনা মখোয়বু ঙাক শেন্ননবগীদমক্তা পাউজেল শন্দোক্কদবনি”।

***