এনভাইরোনমেন্ত ফোরেস্ত অমসুং ক্লাইমেৎ চেঞ্জ অমসুং লেবর অমসুং এমপ্লোইমেন্তগী কেন্দ্রগী মন্ত্রী, শ্রী ভুপেন্দর য়াদবনা ঙসি গুজরাতকী গান্ধীনগরদা পাংথোকপা “ফার্মর বোদীশিং, ইন্দস্ত্রীশিং অমসুং রাজ্য/য়ু.তি. সরকারনা মাইয়োক্নরক্লিবা অমসুং মাইয়োক্নরিবা অসিদা বাইয়র-সেলর মীত” হায়রিবা অসিদা হিদাক-লাংথক্কী ওইবা পাম্বীশিং থাবা অমসুং সপ্লাই চেন শিল-লাংবগী মরমদা পেনেল দিস্কসনশিং য়াওবা প্রোগ্রাম অমদা শরুক য়াখ্রে। আয়ুশ মন্ত্রালয় অমসুং ৱিমেন অমসুং চাইল্দ দিবলপমেন্ত মন্ত্রালয়গী রাজ্যগী মন্ত্রী দাঃ মুঞ্জপরা মহেন্দ্রভাই কালুভাইসু থৌরম অসিদা শরুক য়াখি। মন্ত্রীনা থৌরম অসিদা মফম অসিগী অখন্নবা হিদাক-লাংথক্কী ওইবা পাম্বীশিংগী বুকলেৎ, আর. অমসুং দি.দা মায় পাকপগী পোস্তর অমসুং সপ্লাই চেন মেনেজমেন্তকী পোস্তর ফোংখি। 

শ্রী ভুপেন্দর য়াদবনা এক্সপার্ত পুম্নমক্কী মিৎয়েং অমসুং এন.এম.পি.বি.না এগ্রীকলচর অমসুং ফার্মরস ৱেলফিয়রগী মন্ত্রালয়, এনভাইরোনমেন্ত, ফোরেস্ত অমসুং ক্লাইমেৎ চেঞ্জকী মন্ত্রালয় অমসুং প্রোসেস ফুদ প্রদক্ত এক্সপোর্ত দিবলপমেন্ত ওথোরিতী (এ.পি.ই.দি.এ.) অমসুং দিবলপমেন্ত ওফ নোর্থ ইস্তর্ন রিজন (দোনর) মন্ত্রালয়বু হিদাক-লাংথক্কী ওইবা পাম্বীশিংগী ইসুশিং খন্ন-নৈননবা অমসুং চেকশিন্না লৌননবা ফম্বাক অমদা পুরক্নবা হোৎনবগীদমক থাগৎপা ফোংদোকখি।

শ্রী য়াদবনা পনখি মদুদি ভারত্তা, উমংগী মনাক্তা লৈরিবা মীওইশিংনা মখোয়গী পুন্সি মহিং উমংগী মপাল তাংদুনা হিংলি। মরম অদুনা, উমংগী রিসোর্সশিং মতিক চানা য়োকখৎনবা হায়রিবা মফম অসিগী মীওইশিং অসি মখোয়গী পুন্সি মহিংগী চপ চাবা ফংফম থোকপা ফংহনগদবনি। উমংগী পোত্থোক মচাশিং লেপ্পা লৈতনা লৌবা য়ানবা উমংগা থংননা লৈরিবা মফমশিংগী লোকেলগী মীওইশিংদা তাকপি-তম্বিনবা ত্রেনিং মোদ্যুল অমা শেম্বা য়াই, হায়না মহাক্না কন্না হায়খি।

মন্ত্রীনা মরুওইবা পীখি মদুদি হিদাক লাংথক্কী ওইনা লৈরক্লবা ঐখোয়গী থায়নগী সহিত্য, মতম অমসুং খোমজিনবগী মেথদ অমসুং খোমজিনবগী শরুক অসিনচিংবা অসি মীওইবা খুনাইগী কান্ননবগীদমক্তা নিংথিনা চে-চাং শেমদুনা থমগদবনি।

শ্রী ভুপেন্দ্র য়াদবনা উৎখি মদুদি হিদাক লাকথক্কী ওইবা মনা-মশিংশিংগী অফবা নিংথিনা থম্বদা থেংনরিবা অৱাবা অসি কোক্নবা মসিগী কম্পোনেন্ত/ইনগ্রিদিএন্ত খঙবদা মরুওইবা ইসু পীখি। হিদাক লাকথক্কী ওইবা পাম্বীশিংগী দিমান্দ অমসুং সপ্লাই কৈথেলদা মপাল তাংবা মরম্না, রাজ্যগী ফোরেস্ত দিপার্তমেন্তশিংগী ওফিসিএলশিংগা লোয়ননা হিদাক লাকথক্কী ওইবা পাম্বীশিংগী রিসোর্সশিং মতিক চানা চাওখৎনবা অমসুং মখোয়বু লেঙদবা থাক অমদা ফংহন্নবা মীফম অমা শিনবা য়াই, হায়না মহাক্না হায়খি। 

মন্ত্রী মসিমসু পাউদমখি মদুদি বাইওলোজিকেল দাইবর্সিতী এক্তকী এমেন্দমেন্ত অমা হৌজিক চংশিল্লি অমসুং মসিনা ফার্মরশিং অমসুং ইন্দস্ত্রীশিংদা কান্নবা ফংগনি।

গুজরাতকী মহাত্মা মন্দিরদা এন.এম.পি.বি.না ফার্মর বোদীশিং, ইন্দস্ত্রীশিং অমসুং রাজ্য/য়ু.তি. সরকারনা হিদাক লাংথক্কী পাম্বীশিং থাবা অমসুং সপ্লাই চেন মেনেজমেন্তগা লোয়ননা বাইয়র-সেলর মীত থেংনখিবা অমসুং থেংনরিবা পেনেল দিস্কসন শিনখি।  

মরী লৈনবা মন্ত্রালয় মরুওইনা এনভাইরোনমেন্ত ফোরেস্ত অমসুং ক্লাইমেৎ চেঞ্জ মন্ত্রালয়, এগ্রীকলচর অমসুং ফার্মরস ৱেলফিয়র মন্ত্রালয়, এ.পি.ই.দি.এ. অমসুং ইন্দস্ত্রীগী ৱাঙাংলোইশিংনা পেনেল দিস্কসন্দা শরুক য়াখি অমসুং লৈবাক অসিগী হার্বেল সেক্তরদা মায় পাক্না অমসুং অপুনবা ওইনা পুখৎনবা মখোয়গী মিৎয়েং শিয়র তৌখি। পেনেল দিস্কসন অসি দোনর সেক্রেতরীনা ময়াই তাংবল লৌখি হায়রিবা অসিদা সেক্তর অসিগী অপুনবা চাউখৎ-থৌরাংগীদমক স্তেকহোল্দর কয়াগী অমত্তা ওইবা প্লেতফোর্ম অমা পুরকপগীদমক্তা এন.এম.পি.বি.গী খোঙথাংবু থাগৎপা ফোংদোকখি।  

থৌরম অসি দিলিগেৎ ৫০০গী মথক্তা শরুক য়াখি।

হিদাক-লাংথক্কী ওইবা পাম্বীশিং য়োনবা লায়নবা ইন্দস্ত্রী অমসুং এন.এম.পি.বি.গী লমজিং লমতাক্কী মখাদা এস.এম.পি.বি.শিং অমসুং আর.সি.এফ.সি.শিংনা হোৎনবগা লোয়ননা ফার্মর বোদীশিংগী মরক্তা এম.ও.য়ু. ৫০ খুৎয়েক পীনখি।

***

(রিলিজ আই.দি.: 1818897) ভিজিতর কাউন্তর : 152