آئل انڈیا لمیٹیڈ (او آئی ایل) نے آج آسام میں اپنے جورہاٹ پمپ اسٹیشن پر 10 کلو گرام یومیہ نصب صلاحیت  کے ساتھ ہندستان کے  پہلے 99.999 فی صد  خالص  سبز ہائیڈروجن پائلٹ پلانٹ کی شروعات کے ساتھ ہندستان  میں سبز ہائیڈروجن  معیشت  کی جانب  اہم قدم اٹھایا ہے۔ پلانٹ کی شروعات 3 ماہ  کے ریکارڈ وقت میں ہوئی۔

چیئرمین  اورمنیجنگ  ڈائریکٹر جناب سشیل   چندر مشرا نے جناب ہریش  مادھو، ڈائریکٹر (مالیات) اور جناب پراسنتا  بورکاکوئی، کمپنی  کےریزیڈنٹ چیف  ایگزیکٹیو  کی موجودگی میں پلانٹ کا افتتا ح کیا۔ یہ پلانٹ 100 کے ڈبلیو  انین  ایکسچینج ممبرین (اے ای ایم) الیکٹرولائزر کا استعمال  کرکے موجودہ 500 کے ڈبلیو  شمسی پلانٹ کے  ذریعہ  پیدا کردہ بجلی سےسبز  ہائیڈروجن پیدا کرتا ہے۔

اس موقع پر  گفتگو کرتے ہوئے جناب مشرا نے کہا کہ  کمپنی نے ہمارے وزیراعظم کے آتم نربھر بھارت کےوژن کی تکمیل کی جانب ایک اہم قدم اٹھایا ہے ۔ اس پلانٹ کے بارے میں  توقع ہے کہ یہ اپنے  سبز  ہائیڈروجن  کے پروڈکشن کو مستقبل میں 10 کلو گرام  یومیہ  سے 30 کلو گرام یومیہ تک بڑھائے گا۔ کمپنی  نے آئی آئی ٹی گوہاٹی کے اشتراک سے سبز  ہائیڈرو جن کے قدرتی گیس کے ساتھ  امتزاج  پر اور اس کے  او آئی ایل کےموجودہ  انفراسٹکچر  پر مرتب ہونے اثر کےبارے میں  ایک تفصیلی مطالعہ  کی پہل قدمی کی ہے۔ کمپنی کا منصوبہ  یہ بھی  ہے کہ بلنڈڈ ایندھن کے تجارتی استعمال کے لئے اسعتمال سے متعلق  کیسوں کا بھی اہتمام کیا جائے۔

***********

ش ح۔ اک ۔ ج

UNO-4507