ওইল ইন্দিয়া লিমিতেদ (ও.আই.এল.)না ঙসি অসামগী জোর্হাত পম্প স্তেসন্দা নোংমদা কে.জি. ১০গী কেপাসিতী ইন্সতোল তৌবগা লোয়ননা ভারতকী অহানবা ৯৯.৯৯৯% শেংবা গ্রীন হায়দ্রোজেন প্লান্ত কমীসন পীবগা লোয়ননা ভারতকী গ্রীন হায়দ্রোজেন ইকোনোমীলোমদা অহানবা শিংথানিংঙাই ওইবা খোঙথাং লৌখৎখ্রে। প্লান্ত অসি থা ৩গী রেকোর্দ মত অমদা কমীসন পীখি।   

চেয়রমেন অমসুং মেনেজিং দাইরেক্তর শ্রী সুশিল চন্দ্র মিশ্রানা কম্পনীগী দাইরেক্তর (ফাইনান্স) শ্রী হরিশ মাধব অমসুং রেসিদেন্ত এজিক্যুতিব শ্রী প্রসান্ত বোর্কাকোতী য়াওনা প্লান্ত অসি হৌদোকখি। প্লান্ত অসিনা এনিওন একচেঞ্জ মেমব্রেন (এ.ই.এম.) ইলেক্ত্রোলাইজর এরে কিলোৱাত ১০০ অমা শিজিন্নদুনা হান্না লৈখিবা সোলর প্লান্ত কিলোৱাত ৫০০দগী ইলেক্ত্রিসিতী জেনেরেৎ গ্রীন হায়দ্রোজেন পুথোক্লি। এ.ই.এম. তেক্নোলোজী শিজিন্নবা অসি ভারতকী ওইনা অহানবা শিজিন্নবা ওইরি।  

থৌরম অসিদা ৱা ঙাংলদুনা, শ্রী মিশ্রানা হায়খি মদুদি কম্পনী অসিনা অত্মানির্ভর ভারত অমগীদমক ঐখোয়গী প্রধান মন্ত্রীগী মিৎয়েং মংফাওননবা মরুওইবা খোঙথাং অমা লৌখৎলি। মসিগী প্লান্ত অসিনা তুংদা নোংমদা কে.জি. ১০দগী নোংমদা কে.জি. ৩০ ফাওবা গ্রীন হায়দ্রোজেন পুথোকপা হেনগৎনবা পারি। কম্পনী অসিনা আই.আই.তি.গুৱাহাতীগা খুৎশম্নদুনা নেচুরেল গ্যাসকা লোয়ননা গ্রীন হায়দ্রোজেন য়ানশিন্নবা অমসুং মসিনা হান্না লৈরিবা ও.আই.এল.গী ইনফ্রাস্ত্রকচরদা ওইরকপা য়াবদা মরীক চুম্বা স্তদী অমা হৌদোকখ্রে। কম্পনীনা ব্লেন্দেদ তৌরবা ফুইলগী কম্মর্সিএল এপ্লিকেসনগী শিজিন্নবগী কেস্তা স্তদী অমা থৌরাং তৌরি।  

*******