হৌজিক চত্থরিবা ‘অজাদি কা অমৃত মহোতসব’ থৌরমগী শরুক ওইনা ইন্সোলভেন্সী এন্দ বেঙ্করপসী বোর্দ ওফ ইন্দিয়া (আই.বি.বি.আই.)না মাইগোভ.ইন অমসুং বি.এস.ই. ইনভেস্তর্স প্রোতেক্সন ফন্দগা খুৎশম্নদুনা লৈবাক পুম্বদা তোঙান তোঙানবা স্তেকহোল্দরশিংগী মরক্তা কোদকী এৱারনেস প্রমোত তৌনবা অমসুং খংননবা ইন্সোলভেন্সী অমসুং বেঙ্করপসী কোদ, ২০১৬দা ৩শুবা নেস্নেল ওনলাইন ক্বিজ কন্দক্ত তৌরি। ক্বিজ অসি ২০২২গী এপ্রিল ১৬তগী ২০২২গী মে ১৫ ফাওবা হাংদোক্লি।

৩শুবা ক্বিজ এদিসনগী মমাংওইননা ২০২০ অমসুং ২০২১দা ক্বিজ অনি পাংথোকখ্রে। মসিদা লৈবাক পুম্বগী রাজ্য অমসুং য়ুনিয়ন তেরিতেরী পুম্নমক্তগী পুন্না পার্তিসিপেন্ত লাখ ১.৯ হেনবনা শরুক য়াখি। ক্বিজ অসিদা মহৈরোইশিং, ফ্রোফেস্নেলশিং অমসুং এমপ্লোয়ীশিং য়াওনা পাক চাউরবা স্তেকহোল্দরশিংদগী পুক্নিং চংবা উৎখি।

ক্বিজ অসি চহি ১৮গী মথক ওইবা ভারতকী নাগরিক খুদিংমক্কীদমক মাইগোভ পোর্তেল https://quiz.mygov.in দা হাংদোক্কনি, মসিদা আই.বি.বি.আই., বি.এস.ই. ইনভেস্তর্স প্রোতেক্সন ফন্দদা থবক তৌবা ইন্দিভিজুএলশিং অমসুং আই.বি.বি.আই.দা রেজিস্তার তৌবা সর্ভিস প্রোভাইদরশিং লোয়ননা মখোয়গী ইমুং মনুংগী মীওইশিংদি মনুং চল্লোই।

খ্বাইদগী ফবা পর্ফোমরদা গোল্দ মেদল অমগা লোয়ননা লুপা ১,০০,০০০ (লুপা লাখ অমা)গী কেশ প্রাইজ অমা লান্থোক্কনি। খ্বাইদগী ফবা অনিশুবা পর্ফোমরদা সিলভর মেদল অমগা লোয়ননা লুপা ৫০,০০০ (লুপা লিশিং য়াঙ্খৈ)গী কেশ প্রাইজ অমা অমসুং খ্বাইদগী ফবা অহুমশুবা পর্ফোমরদা ব্রাঞ্জ মেদল অমগা লোয়ননা লুপা ২৫,০০০ (লুপা লিশিং কুনমঙা)গী কেশ প্রাইজ অমা লান্থোক্কনি। মথংগী খ্বাইদগী ফবা পর্ফোমরদা তরাদা লুপা ১০,০০০/- (লুপা লিশিং তরা)গী কন্সোলেসন প্রাইজশিং খুৎশিন্নগনি। মসিগী মথক্তা মকোকথোংবা পর্ফোমর ১০%দা ‘সর্তিফিকেৎ ওফ মেরিত’ খুৎশিন্নগনি অমদি শরুক য়ারিবা পুম্নমক্না ‘সর্তিফিকেৎ ওফ পার্তিসিপেসন’ ফংগনি। কেশ প্রাইজশিং অমসুং মেদলশিং অসি বি.এস.ই. ইনভেস্তর্স প্রোতেক্সন ফন্দনা মসিগী ইনভেস্তর এৱারনেস ইনিসিএতিবকী শরুক ওইনা স্পোন্সর তৌবনি।

তর্মস অমসুং কন্দিসনশিং, সেদ্যুল, এৱার্দস অমসুং ওফর তৌগদবা কমেন্দেসনশিংগী অকুপ্পা ৱারোল https://www.ibbi.gov.in/events/upcoming-events দা ফংবীগনি অমদি ক্বিজ অসি https://quiz.mygov.in/quiz/3rd-national-online-quiz-on-the-insolvency-and-bankruptcy-code-2016/ দা শরুক য়াবা য়াগনি।  

আই.বি.বি.আই.না মীপুম খুদিংবু ক্বিজ অসিদা শরুক য়ানবা অমদি পুক্নিং চিংশিন্নিঙাই ওইরবা মনাশিং লৌননবা পুক্নিং থৌগৎলি।

****