ইন্দিয়ন ওইল কোর্পোরেসন লিমিতেদনা ঙসি গুৱাহাতীদা অৱাং নোংপোক ভারতকী বাইওফুইলশিংগী মিৎয়েং অমদা সেমিনার অমসুং একজিবিসন হৌদোকখ্রে। সেমিনার অসি ভারত সরকারগী অজাদি কা অমৃত মহোৎসবকা মরী লৈননা পেত্রোলিয়ম অমসুং নেচুরেল গ্যাসকী মন্ত্রালয়না ঐখোয়গী নিং-খা তম্বগী ৭৫শুবা চহি অমসুং চংশিল্লিবা চাউখৎ-থৌরাং অমসুং মতম অসিদা মায় পাকপশিংগী নিংশিং থৌরমগীদমক পাংথোকপনি। মসি এ.কে.এ.এম.গী আইকোনিক ওইবা থৌরমশিংগী মনুংদা অমনি অমসুং অৱাং নোংপোক ভারতকী য়াম্না চাউনা ওইথোকপা য়াবা সেক্তর অমা ওইনা লৈরিবা বাইওফুইলদা মিৎয়েং অমা থম্বগা লোইননা পাংথোকপনি। থৌরম অসি সি.জি.এম. (আই.ও.এ.ও.দি.এস.ও.), শ্রী কে.ভি. রামানামুর্থীনা ময়াই তাংবল লৌখি অমসুং সরকার (সেক্রেতরী,ইন্দস্ত্রী অমসুং কম্মর্স, অসাম সরকার) ইন্দস্ত্রী (অসাম বাইওরিফাইনরী প্রাইবেৎ লিমিতেদ (এন.আর.এল.), ইন্দিয়ন ওইল), অসাম ইনর্জী দিবলপমেন্ত এজেন্সীগুম্বা সরকারগী বোদীশিং, এন.ই.সি.তি.এ.আর. (নোর্থ ইস্ত সেন্তর ফোর তেক্নোলোজী এপ্লিকেসন এন্দ রিচ) অমসুং তেজপুর সেন্ত্রেল য়ুনিভর্সিতীদগী মকোক থোংবা ফেকল্তীনা ৱাঙাংলোই ওইনা শরুক য়াখি।   

সেমিনার অসিদা ৱাইওমাসকী লৌফম কয়াদগী, ইয়ুজ কুকিং ওইল (য়ু.সি.ও.)দগী বাইওদিজল অমসুং বাইও-হায়দ্রোজেনদগী ইথানোল অমসুং কমপ্রেস বাইওগ্যাসগুম্বা বাইওফুইলশিংগী ওইথোকপা য়াবা, হৌজিক ওইরিবা ফিভম অমসুং মাংদা লাক্লিবশিংদা মরীক চুম্না খন্নখি। থৌরম অসিদা ঐচ.পি.সি.এল., বি.পি.সি.এল.গুম্বা ও.এম.সি.শিং; এফ.এস.এস.ও.আই.গুম্বা সরকারগী বোদীশিং, সি.আই.আই.গুম্বা ইন্দস্ত্রী বোদীশিং, এস.এ.তি.এ.তি. প্রোগ্রামগী এল.ও.আই.গী হোল্দরশিং, তুংগী আসা লৈবা ওন্ত্রোপ্রিন্যুরশিং অমসুং আই.আই.তি.গুৱাহাতীগী গ্রীন সেল, তেজপুর য়ুনিভর্সিতী অমসুং কতন য়ুনিভর্সিতীদগী রিসর্স স্কোলারশিংনা থৱায় য়াওনা শরুক য়াবা উবা ফংখি।  

সেমিনার মনুংদা ৱাঙাংলোইশিংনা বাইওফুইলশিংগী লম য়াওনা এন.ই.আর.না জাতিদা পীবা য়াবা শিজিন্দ্রবা চাওরবা তুংদা ওইথোকরকদবা কয়াগী মরমদা কুপ্না খন্নখি। মফম অসিদা হৌজিক্কী ওইনা তি.এম.তি. ২০,০০০গী বাইওমাস মরাং কাইনা লৈরিবা অসি পাবগা লোয়ননা, কমপ্রেস বাইওগ্যাস (সি.বি.জি.)গী তি.পি.দি. ~ ১০০০ পুথোকপা ঙম্বা য়ানা লৈরি। মসিদা মফমসিগী ওইবা পাম্বৈ অমসুং শিজিন্নদবা রিসোর্সশিং হায়বদি ৱা, শিজিন্নদবা ফৌগী চরু, শা-ঙাগী হস্বেন্দরী অমসুং পাম্বীশিংদগী লেমহৌবা ফত্তবশিংদগী মরমদা কুপ্না নৈনবা মথৌ তারি। এ.বি.আর.পি.এল.না ৱাদা য়ুম্ফম ওইবা ইথানোল বাইওরিফাইনরী লিংখৎনবা শেম-শারিবা অমসুং থৌওং অসিদা মখোয়না থেংনরকপশিং মরীক চুম্না উৎখি।  

ইন্দিয়ন ওইলনসু ও.এম.সি.না বাইওফুইলশিংগী লমদা হোৎনরিবাশিং উৎখি। ইন্দিয়ন ওইলনা এন.ই.আর.দা ২০২১গী সেপ্তেম্বরদগী পেত্রোলদা ইথানোল ১০% য়ান্নবগী পোলিসীশিং চৎথরি অমসুং কেন্দ্রগী সরকারনা ২০২৫ ফাওবদা থম্লিবা ২০%গী পান্দম য়ৌননবা অরোইবী থাক্তা হোৎনরী। মখা তানা, ইন্দিয়ন ওইলনা লৈবাক্কী ওইনা সি.বি.জি.গী এম.এম.তি.পি.এ. ১৫ পুথোক্নবা পান্দম থম্লিবা অমা ওইনা এস.এ.তি.এ.তি. স্কীম (সস্তেনেবল আলতর্নেতিব ফোর এফোর্দেবল ত্রান্সপোর্তেসন)গী মখাদা কমপ্রেস বাইওগ্যাস (সি.বি.সি.) হেন্না ফংনবা কন্না হোৎনরি। ইন্দিয়ন ওইলনা পান্দম অসি ফংননবা ইন্দস্ত্রী,ওন্ত্রোপ্রিন্যুরশিং, একাদমিয়া অমসুং রাজ্য সরকারগা খুৎশম্নরি।     

**********