এপ্রিল ২৪দা পাংথোক্কদবা “পঞ্চায়তি রাজ দিৱস” থৌরমদা প্রধান মন্ত্রীগিখোংচৎ অদুগী মাংওইননা, জম্মু অমসুং কাশ্মিরগী সাম্বা জিলাদা পল্লি পাঞ্চায়ত্তা কিলোৱাত ৫০০গী সোলর প্লান্ত অদু য়াম্না য়াংনা লোইশিনখি অমসুং মথৌ তৌবা য়ারগনি।

কেন্দ্রগী সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ত চার্জ); অর্থ সাইন্সেসকী রাজ্য মন্ত্রী (ইন্দিপেন্দেন্ত চার্জ); পি.এম.ও., পর্সোনেল, পব্লিক গ্রীভান্সেস, পেন্সন্স, অতোমিক ইনর্জী অমসুং স্পেসকী এম.ও.এস., দা. জিতেন্দ্র সিং না ৱাফম অসি মহাক্না ইন্সপেক্সনগীদমক্তা সাইততা চৎপা মতমদা অমসুং নৌনা ইন্সতোল তৌবা সোলর প্লান্তকী ত্রায়েল রন পাংথোকপা মতমদা হায়খিবনি। সোলর প্লান্ত অসিনা মথৌ তৌবা হৌরকপা অসিনা য়ুম ২৪০ ময়া নক্না লৈবা খুঙ্গং অসি কার্বোন ফ্রী ওইরগনি হায়না মহাক্না হায়খি।

মন্ত্রী অসি মেম্বর ওফ পার্লিয়ামেন্ত, জুগল কিশোর শর্মা অমসুং প্রধান মন্ত্রীগী খোংচৎ অদুগী নোংমা ৱাৎলিঙৈদা অথুবা মতমদা সোলর প্লান্ত অসিবু ইন্সতোল তৌবগী থৌদাং লৌখিবা কেন্দ্রগী সাইন্স অমসুং তেক্নোলোজী মন্ত্রেলয়গী মখাদা লৈবা পি.এস.ই., সেন্ত্রেল ইলেক্ত্রোনিক্স লিমিতেদ (সি.ই.এল.)গী সি.এম.দি., চেতন প্রকাশ জেন্না লোইনখি। সেনিয়র সাইন্তিস্ত অমসুং কেন্দ্রগী সাইন্স অমসুং তেক্নোলোজী মন্ত্রালয়দগী সেনিয়র ওফিসরশিংনা মন্ত্রী অসিগী খোংচত্তা শরুক য়াখি।

দা. জিতেন্দ্র সিংনা হায়খি মদুদি পুন্না স্ক্ব্যার মিতর ৬,৪০৮কী এরিয়াদা ইন্সতোল তৌখিবা কিলোৱাত ৫০০গী সোলর প্লান্ত অসি পঞ্চায়ত অদুদা লৈরিবা য়ুম ৩৪০দা শেংলবা ইলেক্ত্রিসিতী অমসুং মঙাল পীগদবা অসিবু নুমিৎ ২০নিগী য়াম্না থুরবা মতম অসিগী মনুংদা লোইশিনখি। করোর ২.৭৫কী প্রোজেক্ত অসিবু লোইশিন্নবা মেম্বর ২৫গী তীম অমনা পুং ২৪ থবক তৌখি হায়না মআক্না হায়খি। মসিদা পুথোরকপা ইলেক্ত্রিসিতী অদু লোকেল গ্রিদ পাৱর স্তেশন অমগী খুত্থাংদা নোংমগী ওইনা বুনিৎ ২,০০০ মথৌ তাংরিবা খুঙ্গং অসিদা পীরগনি হায়না মহাক্না হায়খি।

হৌখিবা চয়োল অনিগী মমাংদগী প্রধান মন্ত্রীগী জম্মুগী থৌরম অসিগীদমক্তা একজিবিশন থীমশিং অদুবু ফাইন ত্যুন তৌনবা নই দিল্লীদা কেন্দ্রগী মন্ত্রী দা. জিতেন্দ্র সিং অমসুং শ্রী গিরিরাজ সিংগী মরক্তা মীফম কয়া অমা পাংথোকখি। মীফম অদুদা শরুক য়ারিবা তোঙান-তোঙানবা মন্ত্রালয়শিং অমসুং ভারত সরকারগী দিপপার্তমেন্তশিংদগী সেনিয়র ওফিসরশিং অদুগী মনুংদা রুরল দেবেলপমেন্ত, পঞ্চায়তি রাজ অমসুং সাইন্স অমসুং তেক্নোলোজীগী দিপার্তমেন্ত তরুক, কাউন্সিল ওফ সান্তিফিক এন্দ ইন্দস্ত্রিয়েল রিসর্চ, বায়োতেক্নোলোজী, স্পেস, এতোমিক ইনর্জী অমসুং অর্থ সাইন্সেসনি হায়না মহাক্না হায়খি।

পনবা য়াবা অমনা, সাইন্স অমসুং তেক্নোলোজী মন্ত্রালয়গী দিপার্তমেন্ত কয়া অমা অমসুং মশাশিং অদুনা  প্রধান মন্ত্রীগী থৌরম অদুগী একজিবিশন ভেন্যুদা স্তোল ২০ মবা নক্না হাংদোক্লগনি, হায়রিবশিং অসিনা খুঙ্সংগী লমশিং অমসুং লৌউ-শিংউগীদমক্তা কান্নগদবা খ্বাইদগী নৌবা তেক্নোলোজীশিং অমসুং ইন্নোভেশনশিং উৎকনি।

দা. জিতেন্দ্র সিংনা হায়খি মদুদি থীম খরা অমদি লাইর-অনং অমসুং খুঙ্গংগী হিংনবগী লম্বি, ফভম ফনা লৈবা খুঙ্গং, চাইল্দ ফ্রেন্দলী ওইবা খুঙ্গং, ঈশিং মরাং কাইনা ফংবা খুঙ্গং, লু-নানবা অমসুং শংনা লৈবা খুঙ্গং, খুঙ্গং অদুদা সেল্ফ সফিসিবেন্ত ওইবা ইন্ফ্রাস্ত্রকচর লৈবা,  খুঙ্গং অদুদা সাইন্স মন্ত্রালয়গী তোঙান-তোঙানবা দিপার্তমেন্তশিংনা পাইখৎকদবা  চাউখৎ-থৌরাংগী থবকশিং অদুনা খুঙ্গংগী মীশিংদা মখোয়গী ইনকমশিং অদু হেন্না চাউখৎহনবদা অহোংবা পুরক্কদবা অওনবা অমা পুরক্লগনি হায়না  হায়খি।

এগ্রিকলচরগী লমদা খ্বাদগী হেন্না ফাবা প্রক্তিসশিং উৎলিবা স্তোলশিং, দি.বি.তি.গী বায়ো-তেক কিসান স্কীমবু ওইরো, দ্রোন ফার্মিং অসি লৌমীশিংগী য়াইফনবগীদমক্তা সেন্তর অমসুং য়ু.তি. সরকারগী ইন্নোভেতিব ওইবা অনৌবা খোংথাংশিং অদুনা হেন্না ফগৎহল্লগনি হায়না দা. জিতেন্দ্র সিংনা হায়খি। মহাক্না অরোমা মিসন অমসুং পর্পল রিভোল্যুশন ফ্লোরিকলচর মিসন, ৱাবু  মোদর্ন ওইবা মওংদা শিজিন্নবা, ৱেস্ত ৱাতর মেনেজমেন্ত উৎপা স্তোলশিংসু আপকনি হায়না হায়খি। অসিগা চপ মান্ননা, মন্ত্রীনা হায়খি, মীচম প্রজাশিংগী কান্ননবগীদমক্তা রুরল দেবেলপমেন্ত অমসুং পঞ্চায়তি রাজকী থীমশিংগা সাইন্স অমসুং তেক্নোলোজীগা ইন্তিগ্রেত তৌদুনা উৎলিবা স্তোলশিং হাপ্লগনি হায়না হায়খি। থৌরম অদুদা কনভেনস্নেল স্তোলশিং হাপ্পগী মহুত্তা লৌমীশিংগী ইনকমদা ভেল্যু হাপকদবা খ্বাইদগী নৌবা তেক্নোলোজী অমসুং পঞ্চায়তি রাজ ফীচরশিং য়াওবা সাইন্সতা য়ুমফম ওইবা দেমোন্সত্রেশনশিং উৎনবা হোৎনরি হায়না মহাক্না হায়খি।

জম্মুগী পঞ্চায়ত পল্লি অসি হন্দক্কী চহি অসিগী পঞচায়তি রাজ দিৱসকী থৌরম অসিগীদমক্তা খনকি অমসুং খ্বাদগী অনৌবা ইন্নোভেশনশিং উৎপা একজিবিশন অমা লৌমীশিং, সরপঞ্চশিং অমসুং খুঙ্গংগী মকোক ওইবশিংনা মখোয়গী ইনকম অমসুং পোত্থোক হেনগৎহন্নবগীদমক্তা শিল্লগনি। উৎকদাব মরু ওইবা ইন্নভেশনশীং অদুগী মননুংদা রুরল দেবেলপমেন্ত অমসুং লৌমীশিংগীদমক্তা জিয়োস্পেসেল তেক্নোলোজী, নুমিৎ মঙানিগী ৱেদর ফোরকাস্তকীদমক্তা লৌমীশিংনা শিজিন্নবা য়াবা এপশিং, পর্পল রিভোল্যুশন হায়নসু খঙনবা লেভেন্দর কলতিভেশন, লৌমীশিংগী ইনকম হেনগৎহন্নবা চপ মান্নবা মফমদা শেমগী পোত্থোক হেনগৎহন্নবা বায়োতেক্নোলোজী ইন্নোভেশন, পেস্তিসাইত স্প্রে অমসুং ৱেস্ত ত্রীতমেন্তকীদমক্তা দ্রোন এপ্লিকেশন, এতোমিক রেসিয়েশনগী খুত্থাংদা হৈশিংগী সেল্ফ লাইফ হেনগৎহনবনচিংবা অসি য়াওগনি।

নেস্নেল পঞ্চায়তি রাজ নুমিত্তা, প্রধান মন্ত্রীনা জম্মু অমসুং কাশ্মিরগী পঞ্চায়তি রাজ ইন্সতিত্যুশন (পি.আর.আই.) মেম্বর ৩০,০০০ হেন্না পুনবা মীতিন অমদা ৱা ঙাংলগনি অদুগা লৈবাক অসিগী মফম কয়াদগী পি.আর.আই.শিং অদুনা প্রধান মন্ত্রীগী ৱারোল অসিগীদমক্তা ভর্চুৱল ওইনা কনেক্ত তৌরগনি।

******

(Release ID: 1818151) Visitor Counter : 180