نئی دہلی، 18 اپریل 2022:

مرکزی وزیر ثقافت نے نئی دہلی میں آزادی کا امرت مہوتسو کے حصے کے طور پر عالمی یوم ورثہ کے موقع پر نئی دہلی کے باولیوں پر منعقدہ تصویری نمائش کا افتتاح کیا۔ ثقافت کے وزیر مملکت جناب ارجن رام میگھوال نے بھی اس تقریب کو زینت بخشی۔ اس موقع پر وزارت ثقافت اور اے ایس آئی کے افسران بھی موجود تھے۔

عالمی یوم ورثہ یادگاروں اور مقامات کے عالمی دن کے طور پر بھی جانا جاتا ہے اور اس کا مقصد ثقافتی ورثے کے تنوع کے بارے میں بیداری پیدا کرنا ہے۔ عالمی یوم ورثہ 2022 کا موضوع "ورثہ اور آب و ہوا" ہے۔

اس موقع پر خطاب کرتے ہوئے جناب ریڈی نے کہا کہ ''فطرت کی پوجا کرنا ہماری روایات اور ملک کے ثقافتی ورثے کا حصہ ہے۔ آج ہماری ذمہ داری بڑھ جاتی ہے کیونکہ پوری دنیا بھارت کی طرف دیکھ رہی ہے جو موسمیاتی تبدیلیوں اور ثقافتی ورثے کے تحفظ سے متعلق مسائل کو حل کرنے کے طریقے دے سکتا ہے۔" اس وقت بھارت یونیسکو کی "عالمی ورثہ کمیٹی" کا رکن ہے۔ بھارت میں 40 عالمی ورثہ مقامات ہیں جن میں سے 32 ثقافتی، 7 قدرتی مقامات اور 1 مخلوط زمرہ میں شامل ہے۔ ان میں سے 24 یادگاریں اور آثار قدیمہ کے مقامات آرکیالوجیکل سروے آف انڈیا کے ذریعہ تحفظ یافتہ ہیں۔ 2021 کی عالمی ورثہ کی فہرست میں کاکتیہ طرز کی 13 ویں صدی میں تعمیر کردہ خوبصورت عمارت "رامپا مندر" اور قدیم ہڑپائی شہر دھولاوبیرا شامل تھے۔ اس کے علاوہ 49 سائٹس عارضی فہرست میں درج ہیں۔

مرکزی وزیر نے ہمارے ورثے جیسے مورتیوں کو واپس لانے میں وزیر اعظم کی کوششوں اور قیادت کے بارے میں بھی بات کی جنھیں بھارت سے باہر لے جایا جاچکا تھا۔ "آج دنیا کے مختلف حصوں سے تقریبا 228 اشیاء بھارت کو واپس کی گئی ہیں۔ 2014 سے پہلے صرف 13 اشیاء واپس کی گئیں۔"

مرکزی وزیر نے کہا کہ "ہمارے آباؤ اجداد نے ہمیں عظیم ورثہ دیا ہے جو دنیا کے قدیم ترین تہذیب میں سے ایک ہے۔ آج جب ہم آزادی کا امرت مہوتسو منا رہے ہیں تو یہ ہماری ذمہ داری ہے کہ ہم اس ورثے کو اپنی آنے والی نسل تک پہنچائیں۔ ہمارے وزیر اعظم جناب نریندر مودی جی نے آزادی کے حصول کے لیے اپنی جانوں کا نذرانہ پیش کرنے والے عظیم لوگوں کے خوابوں کو پورا کرنے کے لیے وکاس اور وراثت دونوں کے لیے کام کیا ہے۔

جناب ریڈی نے مزید کہا، ''جناب نریندر مودی کی حکومت بہت سے اقدامات کر رہی ہے اور آب و ہوا کو بچانے کے لیے کام کر رہی ہے۔ ہم قابل تجدید توانائی، ہائیڈروجن اور الیکٹرک گاڑیوں، نامیاتی کاشت کاری اور سوچھ بھارت ابھیان، جل جیون مشن جیسے بہت سے اقدامات کی طرف بڑھ رہے ہیں جن کا مقصد پائیدار ترقی کو فروغ دینا اور اپنے شہریوں کے لیے بہتر حالات زندگی کو فروغ دینا ہے۔"

اس موقع پر جناب ارجن رام میگھوال نے کہا کہ اے ایس آئی نے کھدائی کے شعبے میں عظیم کارنامہ انجام دیا ہے اور انہوں نے اتنے اچھے کام کو جاری رکھنے کی ضرورت پر بھی زور دیا۔ انہوں نے یہ بھی کہا کہ اناپورنا مورتی کو واپس لانا اے ایس آئی کی ایک بہت بڑی کامیابی ہے۔

باؤلی:

انسانی تہذیب کے آغاز سے لے کر اب تک زراعت، روزمرہ استعمال اور دیگر رسمی سرگرمیوں کے لیے پانی کا استعمال ایک عام رواج ہے۔ بنجر پن سے لے کر پانی کی دستیابی تک کے موسمی حالات کے مطابق تہذیبوں نے پانی کے استعمال اور ذخیرہ کرنے میں مختلف تکنیکوں کا استعمال کیا تھا؛ ایسی ہی ایک ٹیکنالوجی میں باؤلیوں/سیڑھی والے کنووں کی ہے۔ باؤلی نہ صرف پانی کے استعمال تک محدود تھی بلکہ ماحولیات کو فروغ دیتے باؤلی نے پانی کے دیوتا میں عقیدہ مستحکم کرتی تھی اور اس طرح ڈھانچے کو ایک مذہبی شناخت دیتی تھی۔

باولی/باوڑی کا لفظ سنسکرت کے لفظ واپی یا واپی/واپیکا سے ماخوذ ہے۔ باؤلی عام طور پر گجرات، راجستھان اور شمالی بھارت کے کچھ حصوں میں استعمال ہوتی ہے۔ باؤلیوں کے اسٹریٹجک مقامات ان کی اہمیت اور افادیت کو ظاہر کرتے ہیں۔ بستی کے کنارے واقع سٹیپ ویل جیسے قصبے یا سیٹلائٹ گاؤں زیادہ تر ایسے سیکولر ڈھانچے ہیں جہاں سے لوگ پانی نکال سکتے تھے اور اس مقام کو ٹھنڈے اجتماع کے لیے استعمال کرسکتے تھے۔ تجارتی راستوں کے قریب سیڑھی والے کنوؤں کو زیادہ تر آرام گاہ سمجھا جاتا تھا جبکہ ٹیراکوٹا والے سٹیپ ویل زرعی زمینوں کے قریب پائے جاتے تھے۔ مرکزیت اور زراعت میں تیزی کے دباؤ کی وجہ سے سٹیپ ویل/باولی کا نظام تباہ ہو گیا۔

دہلی کی باؤلیوں کی بات کریں تو شائع شدہ معلومات کے مطابق قرون وسطیٰ میں تقریباً 32 باؤلیاں تھیں جن میں سے 14 باؤلیاں تو کھو گئی ہیں یا مدفون ہیں۔ مزید برآں 18 باؤلیوں میں سے 12 باؤلیاں مرکزی طور پر محفوظ ہیں اور اے ایس آئی کے تحفظ میں ہیں۔ ایک عام باؤلی عام طور پر تین عناصر پر مشتمل ہوتی ہے، کنواں جس میں پانی جمع ہوتا ہے، کئی منزلوں تک باہم مربوط پویلین کے ذریعے زمینی پانی تک پہنچنے کے لیے سیڑھیاں۔ عام طور پر، سیڑھیاں کنویں یو شکل کی ہوتی ہیں لیکن فن تعمیر میں ہمیشہ مستثنیات ہوتے ہیں اور ایل  شکل کے مستطیل یا ہشت پہلو سٹیپ ویل بھی غیر معروف نہیں ہیں۔

***

(ش ح - ع ا - ع ر)

U. No. 4410

(Release ID: 1817921) Visitor Counter : 194