প্রধান মন্ত্রী, শ্রী নরেন্দ্র মোদীনা এপ্রিল ২১দা পুৱারী ওইরবা লাল কিলাদা শ্রী গুরু তেগ বহাদুরজীগী ৪০০শুবা প্রকাশ পুরব নুমিৎতা জাতি মীয়ামদা ৱা ঙাংলগনি। প্রধান মন্ত্রীনা য়াইফরবা থৌরম অসিদা নীংশিং শেনয়েক অমা অমসুং পোস্তেজ স্তাম্প ফোঙলগনি। ৱাফম অসি ঙসি নই দিল্লীদা পাঙথোলপা প্রেস কনফরেন্স অমদা কলচরগী কেন্দ্র মন্ত্রী শ্রী. জি. কিশন রেদ্দীনা লাউথোকখি। কলচরগী রাজ্য মন্ত্রী শ্রী অরজুন রাম মেঘৱাল অমসুং কলচরগী সেক্রেতরী, শ্রী গোবিন্দ মোহনসু মেদিয়া ব্রিফিং অদুদা শরুক য়াখি।

মেদিয়াদা ৱা ঙাংলদুনা শ্রী জি.কে. রেদ্দীনা গুরু তেগ বহাদুরনা ধর্মিক লাইনিংশিংগী নীংতম্বা অসিবু মুগলশিংগী মীওৎ-মীনৈশিংদগী ঙাকথোক্নবা লেপখি হায়না ফোঙদোকখি। মখোয়গী লাইনীং অদু চৎনবা নমদুনা লাইনীং ওলহন্নবগী থৌওং চত্থখিবা অসিগী মায়োক্তা মহাক্না সিখশিং অমসুং হিন্দুশিং মরু ওইনা কাশ্মির পন্দিৎশিংগী হকশিংগীদমক লান্থেংনখি।

মহাক্না মখা তারদুনা হায়খি, “এপ্রিল ২১দা শিল্লিবা থৌরম অসিদা ইকাই খুম্নরবা প্রধান মন্ত্রী শ্রী নরেন্দ্র মোদীনা শরুক য়াগনি, মহাক্না স্তাম্প অমা অমসুং নীংশিং শেনয়েক অমা ফোঙগনি অমসুং এপ্রিল ২০দা ইকাই খুম্নরবা গৃহ অমসুং কোওপরেসনগী মন্ত্রী, শ্রী অমিত শাহজীনা শরুক য়াগনি”।

কেন্দ্রগী মন্ত্রীনা হায়খি “ঐহাক্না তোঙান-তোঙানবা রাজ্যশিংগী মুখ্য মন্ত্রীশিং অমসুং অমৃতসরদা লৈবা হরমন্দির সাহিবতগী মীওইশিং য়াওনা মশক নাইবা সিখকী লুচিংবশিং, পতনা সাহেব অমসুং লৈবাক অসিদা লৈরিবা মশক নাইবা গুরুদ্বরাশিংগী অতোপ্পা লুচিংবশিংদা ঐহাক্না হকথেংননা য়াওবীনবা পাউজেল পীখি”।

 

 

প্রোগ্রাম অসি কলচর মন্ত্রালয়না দিল্লী শিখ গুরদ্বারা মেনেজমেন্ত কম্মিতী (দি.এস.জি.এম.সি.)গা খুৎশম্নরগা শিনগনি। তোঙান তোঙানবা রাজ্যশিংদগী মুখ্য মন্ত্রীশিং, সবকন্তিনেন্ত অমসুং মপান লৈবাকশিংদগী মমিং লৈরবা মীওই কয়ানা থৌরমশিং অসিদা শরুক য়াগনি। মসিগী প্রোগ্রাম অসি আজাদি কা অমৃত মহোতসব (এ.কে.এ.এম.)গী মখাদা শিনগনি।

সিখ ফেথনা অমম্বা মাংহল্লিবা –গুরুগী ওজা অমসুং মহৈরোয়গী শেংলবা মরীগী অকোইবদা খোঙজং চংশিনখি। সিখশিংগী ওইনা গুরু অসি সিখ ফেথ লিংখৎখিবা মপা মপুশিং ওইরিবা স্পিরিচুএল গাইদ তরাগী মথং মনাওশিং অদুবু খংনৈ। শ্রী গুরু তেগ বহাদুরজী অসি মপানশুবা সিখ গুরুনি। মহাক্না অসি মীয়াম্না ‘হিন্দ দি চদ্দর’ জগৎ গুরু হায়না খঙনৈ। মহাক্না অসি অমৃতসরদা পোকখি অমসুং দিল্লীদা অরোইবা য়াহীব তানখি। মহাক অসি শ্রী গুরু হরগোবিন্দজীগী মচানুপা অতোনবনি। মহাক মমা অসি মাতা নানাকিজীনি। মহাক্কী নুপীনা মাতা গুজরিজীনি। মহাক অসি শ্রী গরুরু অ্রজান দেবঈগী মশুনুপানি অমসুং মহাক্কী মচানুপনা অকোনবদা গুরু গোবিন্দ সিংহজী ওইখিবা গোবিন্দ রাইনি।  

মহাক্না নহা ওইরিঙৈ মতমদগী শ্রী গুরু তেগ বআদুরজী অসি য়াম্না পুক্নিং চংনা মেদিএতেত তৌবগী মওং মতৌ উৎখি অমসুং মহাক্কী নুপীসু থৱাই য়াওনা শরুক য়াখি। অহানবা সিখ গুরু মঙাগা মান্ননা শরী গুরু তেগ বহাদুরজীনা শাবাদকী অঙকপা ফংলবা এক্সপরিএন্সশিং লৈ অমসুং ঈশৈগী খুত্থাংদা মহাক্কী হৈথোই শিংথোইবা অদু মীয়ামদা শিয়র তৌখি। শ্রী গুরু নানকজীগুম্না মহাক্না শ্রী গুরু নানকজীগী মতমদগী সিখ গুরু অমত্তনা চৎলমদ্রবা মফমশিংদা অনৌবা কম্ম্যুনিতীশিং লিংখৎবা অঞসুং হান্না লৈরম্লবা কম্ম্যুনিতীশিং শেমগৎনবা মহাক্না অরাপ্পা মফমশিংদা চৎলি। 

শ্রী গুরু তেগ বহাদুরজী অসি অহানবা ওইবা থৱাই কৎখিবা সিখ শ্রী গুরু অর্জান দেবজীগী মশুনুপানি। শ্রী গুরু তেগ বহাদুর অসি ঔরঙজেবকী য়াথংগী মতুংইন্না কাশ্মীরি পন্দিৎশিংগী ধর্মগী ওইবা নীংতম্বা শৌগৎলুবগী শিবগী চৈরাক পীখি। মহাক্না লৈখিদবা নুমিৎ অসি চহি খুদিংগী নোভেম্বর ২৪দা শাহীদি দিবস হায়না পালন তৌই। হায়রিবা মীওই অসি দিল্লীগী চান্দনি চোক্তা মঙক ককখি। দিল্লীদা গুরদ্বারা সিস গঞ্জ সাহিব অমসুং গুরদ্বারা রাকব গঞ্জনা মহাক্কী শেংলবা থৱাই কৎখিবা অদুদা শরুক য়াখি। মহাক্কী লেগেসীনা লৈবাক অসিবু অমত্তা ওইনা পুনশিন্নবা শক্তি অমা ওইনা মথৌ তৌখি।   

এপ্রিল ২০, ২০২২গী থৌরমগী অহানবা নুমিত্তা গৃহ মন্ত্রী অমিৎ শাহনা ইকাই খুম্ননীংঙাই ওইরবা থৌরম অসিদা শরুক য়াগনি। এপ্রিল ২০ ২০২২দা অঙাং ৪০০ মুক্না শাবাব কির্তন্দা শরুক য়াগনি। মহাক্না লাল কিলাদা ‘দি লাইফ এন্দ সেক্রিফাইস ওফ দি শ্রী গুরু তেগ বহাদুরজী’ হায়বা মল্তিমেদিয়া শো হৌদোক্কনি।

*****

(Release ID: 1817901) Visitor Counter : 190