3 દિવસીય "સ્માર્ટ સિટીઝ, સ્માર્ટ અર્બનાઇઝેશન" કોન્ફરન્સનો આજે સુરતમાં ભવ્ય પ્રારંભ થયો હતો. સ્વતંત્રતાની 75મી વર્ષગાંઠની ઉજવણી  માટે માનનીય પ્રધાનમંત્રી દ્વારા આપવામાં આવેલ આઝાદી કા અમૃત મહોત્સવ (એકેએએમ)નાં બુલંદ આહ્વાન હેઠળ, આ કાર્યક્રમનું આયોજન ભારત સરકારના આવાસ અને શહેરી બાબતોના મંત્રાલય (MoHUA), સુરત સ્માર્ટ સિટી કોર્પોરેશન ડેવલપમેન્ટ લિ. સાથે કરવામાં આવી રહ્યું છે.

આ કાર્યક્રમમાં કેન્દ્રીય આવાસ અને શહેરી બાબતોના મંત્રી શ્રી હરદીપ સિંહ પુરી મુખ્ય અતિથિ હતા. ગુજરાતના મુખ્યમંત્રી શ્રી ભૂપેન્દ્રભાઈ પટેલે વીડિયો સંદેશ દ્વારા સભાને સંબોધી હતી. કેન્દ્રીય આવાસ અને શહેરી બાબતોના રાજ્ય મંત્રી શ્રી કૌશલ કિશોર, કેન્દ્રીય રેલવે રાજ્ય મંત્રી શ્રીમતી દર્શના જરદોશ, ગુજરાત સરકારના શહેરી વિકાસ અને શહેરી આવાસ મંત્રી શ્રી વિનોદ મોરાડિયા, આંધ્ર પ્રદેશના શિક્ષણ મંત્રી ડૉ. ઓડીમુલાપુ સુરેશ, સાંસદ શ્રી સી.આર. પાટીલ, અને સુરતનાં મેયર શ્રીમતી હેમાલી કલ્પેશકુમાર બોઘાવાલાએ ઉદ્ઘાટન સત્રમાં ભાગ લીધો હતો

કેન્દ્ર અને રાજ્ય સરકારમાંથી તમામ મહત્વના શહેરી હિતધારકો આ કાર્યક્રમમાં જોડાયા હતા જેમાં અન્યોની સાથે, સચિવ, MoHUA શ્રી મનોજ જોષી, રાજ્યો/કેન્દ્રશાસિત પ્રદેશોના મુખ્ય સચિવો, શહેરોના મ્યુનિસિપલ કમિશનરો, 100 સ્માર્ટ સિટીના MD/CEO, રાજ્ય સ્તરીય નોડલ એજન્સીઓ/મિશન ડિરેક્ટોરેટ, વ્યાવસાયિકો, ઉદ્યોગના પ્રતિનિધિઓ, મીડિયા અને એકેડેમીયાના સભ્યોએ પણ આ કાર્યક્રમમાં હાજરી આપી હતી. આ કાર્યક્રમમાં 100 સ્માર્ટ સિટીઝમાં અમલમાં મૂકાઇ રહેલી કેટલીક મહત્વપૂર્ણ પહેલ પર પ્રકાશ પાડવામાં આવ્યો હતો.

ઉદ્ઘાટન દરમિયાન એવોર્ડ વિતરણ સમારોહનું આયોજન કરવામાં આવ્યું હતું જેમાં ઈન્ડિયા સ્માર્ટ સિટીઝ એવોર્ડ કોન્ટેસ્ટ (ISAC) 2020 ના એવોર્ડ વિજેતાઓને સન્માનિત કરવામાં આવ્યા હતા. આ પુરસ્કારોની જાહેરાત અગાઉ 2021 માં વર્ચ્યુઅલ કોન્ફરન્સ દ્વારા કરવામાં આવી હતી. જો કે, તે સમયે પ્રવર્તમાન COVID-19 પરિસ્થિતિને કારણે એવોર્ડ વિતરણ સમારોહ મોકૂફ રાખવામાં આવ્યો હતો. સુરત અને ઈન્દોરને બેસ્ટ સિટીનો એવોર્ડ આપવામાં આવ્યો હતો જ્યારે ઉત્તર પ્રદેશને બેસ્ટ સ્ટેટનો એવોર્ડ આપવામાં આવ્યો હતો. પુરસ્કાર મેળવનારાઓની યાદી પરિશિષ્ટ I, II માં જોડાયેલ છે

આ ઈવેન્ટમાં 'ઇઝ ઓફ લિવિંગ', 'મ્યુનિસિપલ પરફોર્મન્સ ઈન્ડેક્સ', 'ડેટા મેચ્યોરિટી અને ક્લાઈમેટ સ્માર્ટ સિટીઝ એસેસમેન્ટ ફ્રેમવર્ક સહિત અર્બન આઉટકમ્સ ફ્રેમવર્ક 2022નું વિમોચન પણ કરવામાં આવ્યું હતું. મંત્રાલયનું સંકલિત ડેટા પોર્ટલ AMPLIFI, જે ભારતીય શહેરો વિશે મૂલ્યવાન ડેટા પ્રદાન કરશે, એનો પણ શુભારંભ કરવામાં આવ્યો હતો.વધુમાં, સ્માર્ટ સિટીઝ મિશનએ ઇવેન્ટ દરમિયાન GMISમાં આઉટકમ આઉટપુટ મેનેજમેન્ટ ફ્રેમવર્ક (OOMF) ડેશબોર્ડ સાથે એક સર્વગ્રાહી ડેશબોર્ડ પણ લોન્ચ કર્યું હતું.

'સ્માર્ટ સિટીઝ સ્માર્ટ અર્બનાઇઝેશન' મેગા કોન્ક્લેવના પ્રથમ દિવસે વિવિધ ઇન્ટરેક્ટિવ પ્રવૃત્તિઓનું પ્રદર્શન કરવામાં આવ્યું હતું, દેશભરમાંથી નોંધાયેલા 1000 થી વધુ સહભાગીઓ માટે 5 થીમ્સ જેમ કે જાહેર સ્થળોની પુન:કલ્પના, ડિજિટલ ગવર્નન્સ, ક્લાઈમેટ સ્માર્ટ સિટીઝ, ઈનોવેશન અને સ્માર્ટ ફાઈનાન્સ પર પ્રખ્યાત વક્તાઓ સાથે ઇન્ટરએક્શન તેમજ લર્નિંગ્સ ગોઠવવામાં આવ્યું હતું. મહાનુભાવોએ સ્થળ પર પ્રદર્શિત પાંચ થીમ આધારિત પેવેલિયનની મુલાકાત લીધી હતી. આ પાંચ થીમ્સ સ્માર્ટ સિટીઝમાં વિકસિત થઈ રહેલા શહેરી પ્રોજેક્ટ્સની વિવિધતા દર્શાવે છે.

“સ્માર્ટ સિટી મિશનમાં લગભગ તમામ સરકારી ભંડોળના પ્રોજેક્ટ્સમાં કામ શરૂ થઈ ગયું છે, અને SCM હેઠળના પ્રોજેક્ટ્સ આવતા વર્ષ સુધીમાં પૂર્ણ થશે. સ્માર્ટ સિટીઝમાંથી 80માં ઈન્ટિગ્રેટેડ કમાન્ડ એન્ડ કંટ્રોલ સેન્ટર છે અને બાકીના 20 આ વર્ષે 15મી ઓગસ્ટ સુધીમાં કાર્યરત થઈ જશે. સ્માર્ટ સિટીઝની પસંદગી હિતધારકો સાથે પરામર્શ દ્વારા કરવામાં આવી હતી, અને કોવિડ સંબંધિત વિક્ષેપો હોવા છતાં, મિશન હેઠળ અમલમાં મૂકાયેલા પ્રોજેક્ટ્સ સરકારી યોજનાઓમાં સૌથી ઝડપી છે. સ્માર્ટ સિટી પ્રોજેક્ટ્સની સફળતાની નિર્ણયાત્મક અસર જોવા મળી રહી છે. શીખવાના અનુભવોનું આદાન-પ્રદાન, અને વધુ સારી કામગીરી કરનારાઓની કદર સ્માર્ટ સિટીઝને જન આંદોલનમાં ફેરવવામાં ઘણાં ઉપયોગી થશે. ચાલો આપણે SCM સિદ્ધિઓની પ્રતિકૃતિ કરવા માટે એક ડગલું માંડીએ, જેથી તે લોકોની કલ્પનાને આકર્ષિત કરે અને તે એક જન આંદોલન બની જાય."

શ્રી હરદીપ સિંહ પુરી, મંત્રી, આવાસ અને શહેરી બાબતો, ભારત સરકાર

“આજે, સ્માર્ટ સિટીઝ મિશન હેઠળ વિકસિત થયેલા પ્રોજેક્ટ્સે આપણા શહેરોને સશક્ત બનાવ્યા છે. સ્માર્ટ સિટીઓએ માત્ર સ્વચ્છતા અને ટેકનોલોજિકલ પાસાઓ પર જ ભાર મૂકવો જોઈએ નહીં, પરંતુ લોકોને મૂળભૂત સુવિધાઓ અને રોજગારીની તકો પૂરી પાડીને તેમના સર્વાંગી વિકાસ તરફ દોરી જવું જોઈએ. તમામ સ્માર્ટ સિટીઝ આલ્કોહોલ-ફ્રી, ડ્રગ-ફ્રી અને સ્મોક-ફ્રી હોવા જોઈએ અને આખા દેશ માટે આ પ્રયાસ હોવો જોઈએ.”

શ્રી કૌશલ કિશોર, રાજ્ય મંત્રી, આવાસ અને શહેરી બાબતો, ભારત સરકાર

"શહેરી વિકાસ એ એક વિશાળ અને જટિલ વિષય છે અને સ્માર્ટ સિટીઝ મિશન 100 સ્માર્ટ સિટીમાંઝ આ પ્રોજેક્ટ્સના વિવિધ મુદ્દાઓને સંબોધિત કરી રહ્યું છે."

શ્રી મનોજ જોષી, સચિવ, MoHUA

કોન્ફરન્સ દરમિયાન મુખ્ય શુભારંભ/જાહેરાતો

'અમારો પાડોશ'નું ઉદ્ઘાટન:

સ્માર્ટ સિટીઝ મિશન અને સુરત મ્યુનિસિપલ કોર્પોરેશને SIECC સ્થળ પર પાર્ક, આંગણવાડી, જાહેર આરોગ્ય કેન્દ્ર, મ્યુનિસિપલ સ્કૂલ, સાયકલ સ્ટેન્ડ સાથેનું બસ સ્ટોપ, ફૂડ પ્લાઝા, EV ચાર્જિંગ સ્ટેશન અને હેન્ડલૂમની દુકાન જેવી જાહેર સુવિધાઓ સાથે 30,000 ચોરસ ફૂટનો અસ્થાયી, વિશાળ કદનો પડોશવિસ્તાર બનાવ્યો છે. કેન્દ્રીય મંત્રી શ્રી હરદીપ સિંહ પુરીએ પડોશ વિસ્તારનું ઉદ્ઘાટન કર્યું હતું. તેનો ઉદ્દેશ્ય ઇવેન્ટમાં ભાગ લેનારા સહભાગીઓને 'અનુભવ કરીને શીખવાની' તક પૂરી પાડવાનો છે. શહેરી આયોજન અને ડિઝાઇન, આર્કિટેક્ચર, લેન્ડસ્કેપ ડિઝાઇન, ટ્રાફિક અભ્યાસ અને સિવિલ એન્જિનિયરિંગમાં નિપુણતા ધરાવતા વ્યાવસાયિકોનાં મિશ્રણ દ્વારા પડોશ એક અઠવાડિયામાં બનાવવામાં આવ્યો હતો.

સ્માર્ટ સિટીઝ મિશન અને વર્લ્ડ ઇકોનોમિક ફોરમ વચ્ચેની ભાગીદારીમાં 'શહેરી પરિવર્તન પર સહયોગ માટે વર્ચ્યુઅલ હબ'ની શરૂઆત.

જટિલ શહેરી પડકારોને ઉકેલવા માટે, શહેરોને સરકારો, ઉદ્યોગો, શિક્ષણવિદો અને નાગરિક સમાજ – રાષ્ટ્રીય અને આંતરરાષ્ટ્રીય બંનેમાં સહયોગી પગલાંની જરૂર છે. સ્માર્ટ સિટીઝ મિશન અને વર્લ્ડ ઇકોનોમિક ફોરમે 'શહેરી પરિવર્તન પર સહયોગ માટે વર્ચ્યુઅલ હબ' સ્થાપવા માટે હાથ મિલાવ્યા છે. આ હબ ભારતીય શહેરોને ટકાઉ, સમાવિષ્ટ અને સ્થિતિસ્થાપક વૃદ્ધિના કેન્દ્રોમાં પરિવર્તિત કરવા માટે ઉભરતી તકનીકો અને નવીનતાઓનો લાભ લેશે.

ડિજિટલ ગવર્નન્સ પેવેલિયન- ડેટા અને ડિજિટલ ટેક્નોલોજી વડે સમુદાયોનું સશક્તિકરણ

ડેટા અને ડિજિટલ ટેક્નોલોજી દ્વારા સમુદાયોને સશક્ત બનાવતી વિવિધ પહેલને ઉજાગર કરવા માટે સ્માર્ટ સિટીઝ સ્માર્ટ અર્બનાઇઝેશન કોન્ફરન્સમાં 'ડિજિટલ દુનિયા' પેવેલિયનનું ઉદ્ઘાટન કરવામાં આવ્યું હતું. 100 સ્માર્ટ શહેરો દ્વારા હાથ ધરવામાં આવેલ વિવિધ પહેલ ICT હસ્તક્ષેપ દ્વારા સંચાલિત મજબૂત ઇકોસિસ્ટમના નિર્માણમાં દર્શાવવામાં આવી હતી. આ પેવેલિયનમાં 100 સ્માર્ટ શહેરો દ્વારા ગોઠવવામાં આવેલા/ હાથ ધરવામાં આવેલા સ્માર્ટ સોલ્યુશન્સની ડેટા પહેલ અને કેટલાક પ્રથમદર્શી અનુભવ રજૂ કરવામાં આવ્યા હતા. રીઅલ-ટાઇમ ડેટા, AI/ML કેસીઝ અને ઈન્ડિયા અર્બન ડેટા એક્સચેન્જ અને ઈન્ટીગ્રેટેડ કમાન્ડ એન્ડ કંટ્રોલ સેન્ટર (ICCC) જેવા પ્લેટફોર્મના ઉપયોગ સાથે ડિજિટલ ગવર્નન્સમાંથી સ્વીકૃત લાભો દર્શાવવા માટે ઇન્ટરેક્ટિવ વર્કશોપ અને સત્રોનું આયોજન કરવામાં આવ્યું હતું. સુરતના SMAC ICCCનું લાઈવ ફીડ અને મિશનની વિવિધ ICT પહેલોની વર્ચ્યુઅલ રિયાલિટી ટૂર પેવેલિયનની મુખ્ય વિશેષતા હતી.

અર્બન આઉટકમ ફ્રેમવર્ક 2022, શહેરો માટે AI પ્લેબુક અને AMPLIFI પોર્ટલનું લોન્ચિંગ

સ્માર્ટ સિટીઝ મિશન દ્વારા અર્બન આઉટકમ ફ્રેમવર્ક 2022, શહેરો માટે આર્ટિફિશિયલ ઇન્ટેલિજન્સ પ્લેબુક અને AMPLIFI – એસેસમેન્ટ એન્ડ મોનિટરિંગ પ્લેટફોર્મ ફોર લિવેબલ, ઇન્ક્લુઝિવ એન્ડ ફ્યુચર-રેડી અર્બન ઇન્ડિયા માટે મૂલ્યાંકન અને મોનિટરિંગ પ્લેટફોર્મ શરૂ કરવામાં આવ્યું જે MoHUAનું સંકલિત ડેટા પોર્ટલ છે. આ પહેલોએ સરકારી એજન્સીઓ, ખાનગી ક્ષેત્રના સાહસો, વૈજ્ઞાનિક અને શૈક્ષણિક સંસ્થાઓ, વ્યવસાયો, સ્ટાર્ટ-અપ્સ, નાગરિક સમાજ વગેરે સહિત વિવિધ પૃષ્ઠભૂમિના લોકોની સામેલગીરીમાં વધારો કર્યો છે. આ વિચાર એક એવું પ્લેટફોર્મ પૂરું પાડવાનો છે જે જટિલ શહેરી સમસ્યાઓને સંબોધતા ડેટાના ઉપયોગને બનાવવાનું અને પ્રોત્સાહન આપવાનું ચાલુ રાખવું તેની પર્યાપ્ત તકો પ્રદાન કરે છે.

AI પ્લેબુક એ આર્ટિફિશિયલ ઈન્ટેલિજન્સ સોલ્યુશન્સનાં અમલીકરણ માટેની માર્ગદર્શિકા છે જેને શહેરો જટિલ શહેરી સમસ્યાઓ ઉકેલવા માટે તૈનાત કરી શકે છે. વધુમાં, શહેરી ક્ષેત્રમાં સફળતાપૂર્વક અમલમાં મુકાયેલા AI ઉપયોગના કિસ્સાઓનું સંકલન પણ આ કાર્યક્રમમાં બહાર પાડવામાં આવ્યું હતું. આ સંસાધનો અત્યંત ઉપયોગી થશે, માત્ર 100 સ્માર્ટ સિટીઝ માટે જ નહીં, પરંતુ સમગ્ર દેશમાં અન્ય શહેરો પણ અપનાવી શકે છે જેનાથી સ્માર્ટ સિટીઝ મિશનથી ચળવળ બનશે.

આ પ્રયાસો ડેટા અને ટેક્નોલોજી ક્ષેત્રે સ્માર્ટ સિટીઝ મિશનની અગાઉની પહેલો જેવી કે ડેટા મેચ્યોરિટી એસેસમેન્ટ ફ્રેમવર્ક, આઈસીસીસી મેચ્યોરિટી એસેસમેન્ટ ફ્રેમવર્ક, ઈન્ડિયા અર્બન ડેટા એક્સચેન્જ, ડેટા સ્માર્ટ સિટીઝ, નેશનલ અર્બન ડિજિટલ મિશન અને ઈન્ડિયા અર્બન ઓબ્ઝર્વેટરીના સાતત્યતામાં છે.

ઇનોવેશન બજાર પેવેલિયન - સામાજિક મુદ્દાઓની વ્યાખ્યા અને નિરાકરણ

ભારતીય શહેરોને સ્થિતિસ્થાપક બનાવવા માટે માનનીય પ્રધાનમંત્રીનાં બુલંદ આહ્વાનને આગળ વધારતા, સ્માર્ટ સિટીઝ મિશન ખાતેના ઇનોવેશન પ્રોગ્રામે સ્માર્ટ શહેરો અને સ્ટાર્ટઅપ્સ વચ્ચેના વિભાજનને દૂર કરવા માટે હરણફાળ ભરી છે. કોન્ફરન્સમાં ઇનોવેશન બજાર પેવેલિયનમાં શહેરી પડકારો માટે અત્યાધુનિક ઉકેલો પ્રદર્શિત કરવામાં આવ્યા હતા, અને અસંખ્ય પ્રવૃત્તિઓ દ્વારા, નિષ્ણાત સંવાદો અને જીવંત પ્રયોગશાળાઓની ગોઠવણીએ મુલાકાતીઓને શહેરી નવીનતામાં પરિવર્તનશીલ અનુભવ પ્રદાન કર્યો હતો. કેટલાક સ્ટાર્ટઅપ્સે પેવેલિયનમાં તેમના ઉત્પાદનોનું પ્રદર્શન કર્યું હતું.

ક્લાઈમેટ સ્માર્ટ સિટીઝ પેવેલિયન - શહેરોમાં આબોહવાનાં પગલાં બનાવવા માટે

કાફે, એક પેવેલિયન, એક પ્રાયોગિક પ્લેટફોર્મ છે જે 7 કેસ ક્લિનિક્સ, 4 દાતા મીટ, ઇન્ટરેક્ટિવ ગેમિંગ, ઇન્ટરેક્ટિવ ડેટા વોલ, ફોટો-પ્રદર્શન અને ઘણું બધું ધરાવે છે. આ પેવેલિયન શહેરના નેતાઓ અને સ્થાનિક પરિવર્તન લાવનારાઓ માટે ઈરાદા સાથેમ પુનરાવર્તિત અને ક્રિયા લક્ષી સ્વરૂપમાં બે દિવસની અત્યાધુનિક ઇવેન્ટ્સનું વચન આપે છે.

સ્માર્ટ ફાઇનાન્સ પેવેલિયન- દેશની સંપત્તિના ડ્રાઇવર્સ તરીકે

'ફાઇનાન્સ કા અડ્ડા' નામનું સ્માર્ટ ફાઇનાન્સ પેવેલિયન શહેરી ફાઇનાન્સમાં નવીનતા પર ધ્યાન કેન્દ્રિત કરે છે જે શહેરોને આવકના ન મેળવાયેલાં સ્ત્રોતોને ઓળખવામાં મદદ કરે છે. પેવેલિયન સ્માર્ટ સિટીઝ મિશનના 20થી વધુ સફળ અને નવીન PPP પ્રોજેક્ટ્સનું પ્રદર્શન દર્શાવે છે, MUNIFY સાથેનો એક વિભાગ (જ્યાં ULBઓ તેમના બજેટ અને નાણાંકીય વિહંગાવલોકન જાણી શકે છે), ઈન્વેસ્ટ ઈન્ડિયા ગ્રીડ વિભાગ, નેશનલ ઈન્ફ્રાસ્ટ્રક્ચર પાઈપલાઈન (NIP) અને આઉટપુટ અને આઉટકમ મોનિટરિંગ ફ્રેમવર્ક (OOMF) ક્લિનિક. 29 વૈશ્વિક/રાષ્ટ્રીય નિષ્ણાતો પેવેલિયનમાં વિવિધ શહેરી નાણાકીય મુદ્દાઓ પર વાત કરશે

***

જોડાણ – I: ISAC 2020 હેઠળ વિજેતા સ્માર્ટ સિટીઝની યાદી

પરિશિષ્ટ II: રાજ્ય/કેન્દ્ર શાસિત પ્રદેશ એવોર્ડ શ્રેણી હેઠળ વિજેતાઓની યાદી

પરિશિષ્ટ III: સ્માર્ટ સિટી લીડરશીપ એવોર્ડ હેઠળ વિજેતાઓની યાદી

પરિશિષ્ટ IV: સ્માર્ટ સિટીઝ મિશન વિશે સંક્ષિપ્ત - ભૌતિક અને નાણાકીય પ્રગતિ

સ્માર્ટ સિટીઝ મિશન 25મી જૂન, 2015ના રોજ ભારતના પ્રધાનમંત્રી શ્રી નરેન્દ્ર મોદી દ્વારા શરૂ કરવામાં આવ્યું હતું. તે શહેરી કાયાકલ્પ માટેના સ્વપ્નદ્રષ્ટા એજન્ડાનો એક ભાગ છે અને શહેરોમાં વસતા ભારતના 40% લોકોની આકાંક્ષાઓને પૂર્ણ કરવા માટે બહુ-સ્તરીય વ્યૂહરચનાના ભાગ રૂપે ડિઝાઇન કરવામાં આવ્યું છે.

SCM એ એક પરિવર્તનશીલ મિશન છે જેનો ઉદ્દેશ્ય દેશમાં શહેરી વિકાસની પ્રેક્ટિસમાં આમૂળ પરિવર્તન લાવવાનો છે. SCM હેઠળના કુલ સૂચિત પ્રોજેક્ટ્સમાંથી, અત્યાર સુધીમાં ₹1,93,143 કરોડ (મૂલ્ય દ્વારા 94 ટકા) ની કિંમતના 7,905 પ્રોજેક્ટ્સનું ટેન્ડર કરવામાં આવ્યું છે, લગભગ ₹1,80,508 કરોડ (મૂલ્ય દ્વારા 88 ટકા) મૂલ્યના 7,692 પ્રોજેક્ટ્સ માટે વર્ક ઓર્ડર જારી કરવામાં આવ્યા છે. ₹60,919 કરોડના 3,830 પ્રોજેક્ટ્સ (મૂલ્ય દ્વારા 33 ટકા) પણ સંપૂર્ણ રીતે પૂર્ણ થઈ ગયા છે અને કાર્યરત છે (10 એપ્રિલ 2022).

સ્માર્ટ સિટી મિશન હેઠળ ₹2,05,018 કરોડના કુલ રોકાણમાંથી, ₹93,552 કરોડના પ્રોજેક્ટ્સ કેન્દ્ર અને રાજ્યના ભંડોળ દ્વારા વિકસાવવાની દરખાસ્ત કરવામાં આવી હતી. લગભગ 100 ટકા સરકારી ભંડોળથી ચાલતા પ્રોજેક્ટ્સ એટલે કે ₹92,300 કરોડના પ્રોજેક્ટ પર વર્ક ઓર્ડર આપવામાં આવ્યો છે. સ્માર્ટ સિટીઝ મિશનમાં નાણાકીય પ્રગતિ પણ ઝડપી બની છે. 2018માં મિશનમાં કુલ ખર્ચ ₹1,000 કરોડ હતો, જે આજે વધીને ₹45,000 કરોડ થયો છે. શહેરોને જાહેર કરાયેલા ભારત સરકારનાં કુલ ભંડોળના ઉપયોગની ટકાવારી 91 ટકા છે.

સ્માર્ટ સિટીઝ મિશન હેઠળ વિકસિત પ્રોજેક્ટ બહુ-ક્ષેત્રીય છે અને સ્થાનિક વસ્તીની આકાંક્ષાઓને પ્રતિબિંબિત કરે છે. આજની તારીખ સુધીમાં, 80 સ્માર્ટ સિટીઓએ દેશમાં તેમના ઇન્ટિગ્રેટેડ કમાન્ડ એન્ડ કંટ્રોલ સેન્ટર્સ (ICCCs) વિકસાવ્યા છે અને તેનું સંચાલન કર્યું છે. આ કાર્યરત ICCCs કોવિડ મેનેજમેન્ટ માટે વોર-રૂમ તરીકે કામ કરે છે, અને મિશન હેઠળ વિકસિત અન્ય સ્માર્ટ ઈન્ફ્રાસ્ટ્રક્ચરની સાથે, શહેરોને માહિતીના પ્રસાર, સંચારમાં સુધારો, અનુમાનિત વિશ્લેષણ અને અસરકારક સંચાલનને સમર્થન દ્વારા મહામારી સામે લડવામાં મદદ કરે છે.

SD/GP/MR

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com