کوئلے کی وزارت
جناب پرہلاد جوشی نے کوئلے کے شعبے میں کان کنی کے واقعات کی اطلاع کے لئے ویب پورٹل کا آغاز کیا
کوئلے کی کانوں میں تحفظ سے متعلق قائمہ کمیٹی کی 47ویں میٹنگ کوخطاب کیا
Posted On:
13 APR 2022 6:14PM by PIB Delhi
کوئلہ، کانوں اور پارلیمانی امور کے وزیر جناب پرہلاد جوشی نے آج یہاں کوئلہ کی وزارت کے ذریعہ تیار کردہ ایک ویب پورٹل کا آغاز کیا تاکہ کوئلہ کانوں میں پیش آنے والے حادثات کی حقیقی وقت میں رپورٹنگ کو یقینی بنایا جاسکے۔ پورٹل کو کول انڈیا لمیٹڈ (سی آئی ایل) نے حادثات کی وجوہات کے خاتمے کو یقینی بنانے کے لیے بنیادی وجہ تجزیہ تکنیک کا استعمال کرتے ہوئے حادثے کی تحقیقات میں سہولت فراہم کرنے کے لیے تیار کیا ہے۔ پورٹل اس طرح کے واقعات کو کم کرنے کے مقصد سے مختلف تحقیقات کی سفارشات پر کوئلہ کمپنیوں کی طرف سے اٹھائے جانے والے اقدامات کی نگرانی میں سہولت فراہم کرے گا۔
کوئلہ کانوں میں حفاظت سے متعلق قائمہ کمیٹی کی 47ویں میٹنگ سے خطاب کرتے ہوئے، وزیر جناب جوشی نے اس بات کا اعادہ کیا کہ کوئلہ کے شعبے میں تحفظ اولین ترجیح ہے اور تمام کوئلہ کمپنیوں کو مشورہ دیا کہ وہ اس بات کو یقینی بنائیں کہ حفاظتی اقدامات کو یقینی بنانے کے لیے فنڈ کی کوئی کمی نہ ہو۔ انہوں نے کوئلے کی پیداوار میں اس سال کی بہترین کارکردگی پر کوئلہ کمپنیوں کی تعریف کی، باوجود اس کے کہ کووڈ-19 وبائی امراض اور کول فیلڈز کے علاقوں میں مون سون کے طویل موسم سے پیدا ہونے والے چیلنجوں کا سامنا تھا ۔ جناب جوشی نے ذکر کیا کہ مالی سال 22-2021 کے دوران، ہندوستان کے کوئلے کے شعبے نے 8.55فیصد نموکے ساتھ سال 21-2020میں 716ملین ٹن کے مقابلے میں 777.23ملین ٹن حاصل کیا ہے ۔ بیک وقت کوئلے کی ترسیل مالی سال 22-2021کے دوران 21-2020میں 690.71ایم ٹی کے مقابلے میں18.43فیصد کے ساتھ 818.04 ملین ٹن کا اضافہ حاصل کیاہے ۔
قائمہ کمیٹی قومی سطح پر ایک اعلیٰ ترین سہ فریقی کمیٹی ہے جو کوئلے کی کانوں میں حفاظت کی صورتحال اور باہمی تعاون اور خیالات اور تجاویز کے اشتراک کے جذبے کے تحت موجودہ اقدامات کی مناسبیت کا جائزہ اور کوئلے کی کانوں میں تحفظ کی حیثیت کا جائزہ لے گی۔ میٹنگ میں مرکزی ٹریڈ یونینوں کے نمائندوں، ڈائریکٹوریٹ جنرل آف مائنز سیفٹی کے افسران اور عوامی اورنجی شعبے کی مختلف کوئلہ کمپنیوں کے سی ایم ڈیز اور سی ای اوز موجود تھے ۔
وزیر موصوف جناب جوشی نے مندرجہ ذیل اقدامات کی بھی تجویز دی:
- کوئلے کی کانوں میں حفاظت کو یقینی بنانے کے لیے جدید ترین ٹیکنالوجی کو اپنانا۔
- اپنے ملازمین کو محفوظ اور صحت مند رکھنے کے لیے پیشہ ورانہ صحت کی خدمات کے بنیادی ڈھانچے اور نگرانی کے طریقہ کار کو مضبوط بنانا۔
- ملازمین اور پی اے ایف کے درمیان تربیت اور ہنر کی ترقی کے لیے صلاحیت کی تعمیر۔
- پی ایس یو، نجی کوئلہ کانوں میں تعینات کانٹریکٹرورکرس کے تحفظ ، صحت اور بنیادی سہولیات کی بہتری اوراسی طرح ہائرنگ آف اکیوپمنٹ (ایچ او ای ) پیچیز اور مائن ڈیولپراینڈآپریٹر (ایم ڈی او) پیچیز۔
- کانکنی کے تحفظ کے تمام فریقوں کے درمیان بیداری اورحساسیت کو بڑھانا۔
*****
ش ح ۔اک ۔ ع آ
U-4379
(Release ID: 1817669)
Visitor Counter : 119